ထိုင်းနိုင်ငံရောက် မြန်မာအပါအဝင် နိုင်ငံခြားသား ရွှေ့ပြောင်းလုပ်သားတွေ အနေနဲ့ ဆိုင်ကယ်၊ ဘေးတွဲ များဖြင့် စီးပွားရှာ ခြင်း ပြုလုပ်ပါက ဒဏ်ကြေးပေးဆောင်ရမယ့် အပြင် မိခင်နိုင်ငံ ကိုပါ ပြန်ပို့မယ်လို့
ရနောင်းခရိုင်အလုပ်အကိုင်ရှာဖွေရေးနှင့်အလုပ်ကိုင်ဦးစီးဌာနက ကြေညာချက်ထုတ်ပြန်လိုက်ပါတယ်။
နိုင်ငံခြားသား ရွှေ့ပြောင်းအလုပ်သမားတွေ အနေ နဲ့ ဆိုင်ကယ်/ ဘေးတွဲမောင်းနှင်တာ ကို လုပ်ငန်းအတွက်မောင်းနှင်ခြင်းဖြစ်စေ/ အငှားမောင်းနှင်ခြင်းဖြစ်စေမောင်းနှင်ခြင်းမပြုကြ ဖို့ ကြေငြာ ထားပါတယ်။
"ကိုယ်ရဲ့ နေ့စဉ် လုပ်နေရတဲ့ အလုပ် တွေ မှာပဲ သုံးရမယ် ဥပမာ အလုပ်သွား အလုပ်ပြန် ပစ္စည်းဝယ် တာတို့ ကလေးကျောင်းကြိုပို့ တာတို့ ဆိုရတယ် အငှားကယ်ရီ လိုက်တာတို့ စီးပွားရှာတာမျိုးကိုတော့ မရဘူးလို့ သိရတယ်""လို့ ရနောင်းရှိ မြန်မာလုပ်သားတစ်ဦးကပြောပါတယ်။
ထုတ်ပြန်ချက် ကို လိုက်နာခြင်းမရှိပဲ စစ်ဆေး တွေ့ရှိပါက ဖမ်းဆီးခြင်းခံရမှာဖြစ်ကာ ဒဏ်ကြေးအဖြစ် ဘတ်၅၀၀၀မှ ၅၀၀၀၀ အထိကျခံရမယ်လို့ ကြေညာထားပါတယ်။
ဒါ့အပြင် ဒဏ်ကြေးပေးဆောင်ပြီး ပါက လည်း မိခင်နိုင်ငံ ကို ပြန်လည်ပို့ဆောင်မယ် လို့ သတိပေးကြေညာထားပါတယ်။
