မန္တလေးတိုင်းဒေသကြီး တံတားဦးမြို့နယ် ရန်ကုန် မန္တလေး အမြန်လမ်းမမှာ လမ်းရေကျော်ပြီး ရေမြင့်တက်လာတာကြောင့် စက်တင်ဘာ ၁၃ ရက် နေလယ်ပိုင်းအချိန်ကစတင်ပြီး လမ်းအသုံးပြုမှုယာယီရပ်နားထားတယ်လို့ သိရပါတယ်။
"ဒီနေ့ကျွန်တော့်အလှည့် ရန်ကုန်ပြန်တက်ရမှာ။ နေ့လည်ကပဲလမ်းရေကျော်လို့ပိတ်ထားတယ်ဆိုလို့ ဒီနေ့မတက်ဖြစ်ဘူး။ အဝိုင်းကနေနှာပေါက်နားဖြစ်မယ်။ အမြန်လမ်း ၃၅၄မိုင်လောက်ကနေစပြီး ရေမြုပ်နေတာတဲ့။ကျွန်တော်က မုံရွာဆင်းလာတာ ၂ရက်ရှိပြီ" လို့ ရန်ကုန်နဲ့မုံရွာ Express ယာဥ်မောင်းတစ်ဦးက ဆိုပါတယ်။
ဒီကနေ့စက်တင်ဘာ ၁၃ရက် နံနက်ပိုင်းကစပြီး တံတားဦးမြို့နယ်တွင်း ရန်ကုန်- မန္တလေး အမြန်လမ်းမပေါ် ရေစတက်လာတာကြောင့် မွန်တည့် ၁၁ နာရီကျော်က အမြန်လမ်းအသုံးပြုမှု အသွားအလာနှစ်ဖက်လုံးကို သက်ဆိုင်ရာအာဏာပိုင်တွေက ယာယီပိတ်လိုက်တယ်လို့ သိရပါတယ်။
ယခုရက်ပိုင်းအတွင်း မြန်မာနိုင်ငံတစ်ဝန်းလုံးရှိ တိုင်းနဲ့ပြည်နယ်အချို့မှာ ရေကြီးရေလျှံမှူတွေဖြစ်ပွားနေတာလည်းဖြစ်ပြီး အဝေးပြေးခရီးသွားယာဉ်လိုင်းအချို့ဟာလည်း အချို့သောခရိီးစဥ်တွေကို ရပ်နားထားရတယ်လို့ သိရပါတယ်။
Photo- Wai Lin/လူမှုကွန်ယက်
