ထိုင်းနိုင်ငံ ရနောင်း-ချမ်ဖွန် တောင်တန်း ရှိ တောထဲ တစ်နေရာမှာ လူကုန်ကူးသူတွေက စွန့်ပစ်ထားခဲ့သည့် မြန်မာနိုင်ငံသား ကလေးငယ် လေးဦးအပါအဝင် ကိုးဦး ကို ထိုင်းရဲတပ်ဖွဲ့က တွေ့ရှိကာ ကယ်တင်ခဲ့တယ်လို့ ထိုင်းသတင်းတွေရဲ့ဖေါ်ပြချက်အရသိရပါတယ်။

နိုဝင်ဘာ ၅ရက် နေ့ က တောထဲမှာ လမ်းလျှောက်နေတဲ့ကလေးငယ်တွေနဲ့ လူတစ်စုကို တွေ့ရှိတဲ့ အတွက် ဒေသခံတွေက ထိုင်းရဲတပ်ဖွဲ့ကို အကြောင်းကြားရာ မှလူကုန်ကူးသူတွေ က စွန့်ပစ် ခဲ့တဲ့ မြန်မာနိုင်ငံသား အရွယ်ရောက်ပြီးအမျိုးသမီးလေးဦးနဲ့အမျိုးသားတစ်ဦး နဲ့ အသက် ၂ နှစ်မှ ၆ နှစ်ကြား ကလေးလေးဦး အပါအဝင် စုစုပေါင်း ကိုးဦးကို တောနက်အတွင်းကနေ ကယ်တင်နိုင်ခဲ့တာလို့ဆိုပါတယ်။

ထိုင်းရဲတပ်ဖွဲ့ သွားရောက်ကယ်တင်စဉ်မှာ ကလေးငယ်လေးဦးကို တောင်စောင်းတစ်ခုရဲ့ ဝါးရုံပင် များနောက် မှာ ပုန်းအောင်းနေ တာ ကို တွေ့ရပြီး ကလေးငယ် တွေဟာ မောပန်းနွမ်းနယ်ပြီး ဆာလောင်နေပုံပေါက်ကာ ငိုနေတယ်လို့ သတင်းမှာဖေါ်ပြထားပါတယ်။

မြန်မာနိုင်ငံသားတွေဟာ ကော့သောင်းကနေတစ်ဆင့် ရနောင်းဘက်သို့ Boder pass ဖြင့် ဖြတ်သန်း ဝင်ရောက်ကာ မလေးရှား အထိ ဆက်လက်သွားရောက်ဖို့ စောင့်ဆိုင်းနေတာ ဖြစ်တယ်လို့ ဆိုပါတယ်။

လတ်တလောမှာ ဖမ်းဆီးရမိသူတွေ ကို ကပိုး ရဲစခန်းမှာ ချုပ်နှောင်ထားပြီး ဥပဒေ အရ အရေးယူဆောင်ရွက်မယ်လို့ ထိုင်းသတင်းမှာဖေါ်ပြထားပါတယ်။