ထိုင်းနိုင်ငံ မဲဆောက်ထဲ သို့ မြဝတီ မှ တစ်ဆင့် သောင်းရင်းမြစ် ကို ဖြတ်ကူးပြီး တရားမဝင် ဝင်ရောက်လာတဲ့ မြန်မာအလုပ်သမား ၂၃ဦး ကို ဖမ်းမိခဲ့တယ်လို့ ထိုင်းဒေသတွင်း သတင်းများအရ သိရပါတယ်။
ဖေဖေါ်ဝါရီ ၁၄ရက် ည၁၁နာရီ ခွဲ ခန့် မှာ ထိုင်း မြန်မာ ချစ်ကြည်ရေး တံတား အနီး ထိုင်းအာဏာပိုင်တွေက ပတ်ဝန်းကျင် လုံခြုံရေး စစ်ဆေး မှု ပြုလုပ် ချိန်မှာ မြန်မာအလုပ်သမားတွေ ကို တွေ့ရှိခဲ့တာ ဖြစ်တယ်လို့ ဆိုပါတယ်။
အမျိုးသား ၁၃ ဦးနဲ့ အမျိုးသမီး ၁၀ ဦး တို့ကို ထိုင်း မြန်မာ ချစ်ကြည်ရေး တံတား အောက်မှာ တွေ့ရှိခဲ့ ပြီး ထိုင်းဘက်မှာ အလုပ်လုပ်ဖို့ အတွက် လာရောက်တာဖြစ်တယ်လို့ ဖမ်းခံရသူတွေက ထွက်ဆိုထားပါတယ်။
လက်ရှိမှာ တော့ အဖမ်းခံရတဲ့ မြန်မာအလုပ်သမား၂၃ ဦး ကို မဲဆောက်ရဲစခန်းမှာ ထိမ်းသိမ်းထားပြီး လဝက ဥပဒေ အရ အရေးယူဆောင်ရွက်သွားမယ်လို့ သိရပါတယ်။
ဖေဖေါ်ဝါရီ ၁၄ရက် မနက်ပိုင်းကလည်း ထိုင်းနိုင်ငံ ဖတ်ချဘူရီ ပြည်နယ် ရှိ စစ်ဆေးဂိတ်မှာ ကုန်တင်ယာဉ်တစ်စီး ပေါ် လိုက်ပါလာတဲ့ မြန်မာအလုပ်သမား ၁၀၆ဦး ဖမ်းဆီးခံရတယ်လို့ ထိုင်းသတင်းတွေမှာဖေါ်ပြထားပါတယ်။
