ဗီယက်နမ်နိုင်ငံက အလုပ်သမားတွေကို အနည်းဆုံးလုပ်လစာတိုးမြှင့်ပေးမယ်လို့ အာဏာပိုင်တွေက ကြေညာ ထား ပါတယ်။ ဒီလို တိုးမြှင့်ပေးမှုတွေကို ဇူလိုင် ၁ရက်ကတည်းက စတင်ခဲ့ပြီး အနည်း သတ်မှတ်ထားတဲ့ လုပ်ခ ပမာဏရဲ့ ၆ ရာခိုင်နှုန်းတိုးမြှင့်ပေးမှာလို့ VN Express က ဇူလိုင် ၁ ရက်က ဖော်ပြထားပါတယ်။
လုပ်ခလစာတိုးမြှင့်ပေးတာကို ဒုတိယဝန်ကြီးချုပ် Pham Binh Minh က ဇွန်လ ၁၂ ရက်မှာ လက်မှတ် ရေးထိုး ဗီယက်နမ်မီဒီယာတွေက ဖော်ပြပါတယ်။ အခုလို အနည်းဆုံးလုပ်ခလစာကို အခုဇူလိုင်လမှာ တိုးမြှင့်ခဲ့တာက လေးနှစ်အတွင်း ဒုတိယအကြိမ်ဖြစ်ပါတယ်။
ဗီယက်နမ်နိုင်ငံမှာ အနည်းဆုံးလုပ်ခလကို ၂၀၂၂ ခုနှစ်မှာ နောက်ဆုံးအကြိမ် တိုးမြှင့်ပေးခဲ့တာဖြစ်ပါတယ်။
အခုလို တိုးမြှင့်မှုပေးမှုက အလုပ်သမားတွေနဲ့ စီးပွားရေးလုပ်ငန်းတွေကြား အကျိုးစီးပွား ဟန်ချက်ညီနိုင်မယ်ဆိုပြီး ယူဆရနိုင်တယ် လို့လည်း ဖော်ပြထားပါတယ်။
လုပ်ခတိုးမြှင့်ပေးတဲ့ အစီအစဉ်အရ လုပ်သား တစ်ဦးကို တစ်လခစာမှာ ၁၁ ဒေါ်လာအထိ တိုးမြင့်ရရှိမှာဖြစ်ပြီး လုပ်သားတဦးကို ဒေါ်လာ ၁၅၀ ဝန်းကျင်ကနေ ၂၀၀ ကျော်အထိရရှိနိုင်တယ်လို့ ဗီယမ်နမ်မီဒီယာတွေကို ကိုးကားပြီး Myanmar Industry Guide က ရေးသားထားပါတယ်။
ထိုင်းနိုင်ငံနဲ့ ဘင်္ဂလားဒေရှ်နိုင်ငံတွေမှာလည်း အနည်းဆုံး လုပ်ခလစာတွေကို ၂၀၂၃ နှစ်အတွင်းက တိုးမြှင့် ပေးထား ပါတယ်။ ဘင်္ဂလားဒေရှ်နိုင်ငံမှာတော့ အနည်းဆုံးလုပ်ခစာအတွက် တောင်းဆိုမှုတွေ ဖြစ်ပွားခဲ့တာ ကြောင့် ဆန္ဒပြသူတချို့ သေးဆုံးခဲ့ရပါတယ်။
ဒီနောက်မှာ အနည်း ဆုံးလုပ်ခလစာကို ၅၆ ရာခိုင်နှုန်းကျော်အထိ တိုးမြှင့်ပေးခဲ့ပြီး နှစ်စဉ် ၅ ရာခိုင်နှုန်းတိုးပေးဖို့ကိုပါ အစိုးရက အာမခံခဲ့ပါတယ်။
မြန်မာနိုင်ငံမှာ အနည်းဆုံး လုပ်ခလစာ ၄၈၀၀ ကျပ်ကို ၂၀၁၈ ခုနှစ်မှာ တိုးမြင့်ပြီးကတည်းက ၆ နှစ်ကြာအထိ တိုးမြှင့်သတ်မှတ်ပေးတာ မရှိသေးပါဘူး ။
၂၀၂၃ ခုနှစ် လကုန်ပိုင်းမှာတော့ ထောက်ပံ့ကြေး ကျပ်တထောင် တိုးပေးဖို့ စက်ရုံအလုပ်ရုံနဲ့ လုပ်ငန်းတွေကို အကြောင်းကြားခဲ့ပေမဲ့ လက်ရှိအချိန်အထိ အနည်းဆုံးလုပ်ခစာ မပေးတဲ့ စက်ရုံအလုပ်ရုံတွေ ရှိနေပါတယ်။
Photo - VN Express
