ထိုင်းနိုင်ငံ တောင်းပိုင်းမှာ အကြောင်းအမျိုးမျိုး ကြောင့် ပြစ်ဒဏ် ကျခံ ပြီးတဲ့ မြန်မာအလုပ်သမား၂၀၀ ကို ထိုင်းအာဏာပိုင်တွေက စစ်ကောင်စီထံ ဖေဖေါ်ဝါရီ ၂၄ရက် နေ့မှာ ပြန်ပို့ပေးခဲ့တယ်လို့ ရနောင်းလဝကရဲ့ ထုတ်ပြန်ချက်အရသိရပါတယ်။
အမျိုးသား ၁၉၈ ဦးနဲ့ အမျိုးသမီး ၂ဦး တို့ ကို ရနောင်းထိန်းသိမ်းရေးစခန်း ကနေ ပြန်လွှတိပေးခဲ့ပြီး ရနောင်း လှေဆိပ်မှ မြန်မာပြည်ဘက် ကော့သောင်းဘက်ကို စက်လှေများ ဖြင့် ပြန်ပို့ပေးခဲ့တယ်လို့ ဆိုပါတယ်။
မြန်မာပြည်တွင်း စစ်မှုထမ်း ဖို့ အတွက် အတင်းအဓမ္မ လူစုစောင်းချိန်မှာ အခုလို ပြစ်ဒဏ်ကျခံပြီးတဲ့ လုပ်သားတွေ ကို စစ်ကောင်စီရဲ့ ဝန်ထမ်းတွေ ထံ ထိုင်းအစိုးရ က ပြန်လည်ပေးပို့တဲ့ အပေါ် ဝေဖန်မှု တွေရှိသလို ပြန်လွှတ်လာသူတွေ ဘေးကင်းစွာနဲ့ မိမိ မိသားစုထံ ရောက်ရှိဖို့ လည်းဆုတောင်းပေးသူတွေလည်း ရှိနေပါတယ်။
"အရင် ပြစ်ဒဏ်ကျခံပြီး လို့ ပြန်လွတ်တဲ့ သူတွေ ကို အတင်းအဓမ္မစစ်မှုထမ်းခိုင်းတာတွေ ရှိတယ်ဆိုတာ ကိုယ်တွေ့ကြုံရသူတွေရဲ့ ပြောစကားတွေ သတင်းမီဒီယာတွေ ရဲ့ဖေါ်ပြချက်တွေ မှာ မြင်တွေ့နေရတာပဲ
ထိုင်းက တတ်ကြွလှုပ်ရှား သူတွေကလည်း ပြစ်ဒဏ်ကျခံရပြီးတဲ့ မြန်မာနိုင်ငံသားတွေ ကို နေရပ်ပြန်မပို့ဖို့ ထိုင်းအစိုးရကိုတိုက်တွန်းတာတွေရှိနေပေမယ့် အခု စကစ လက်ထဲ ထည့်ပေးလိုက်တယ် ကျွန်တော်တို့ လုပ်သားထု အနေနဲ့ ကတော့ အခုလုပ်ရပ်အပေါ် ကန့်ကွက်တယ် ပြန်ပို့ခံရတဲ့ လူ၂၀၀ လည်း ဘေးကင်းပါစေ ပဲ ဆုတောင်းပေးနေယုံပေါ့""လို့ ရနောင်းရှိ မြန်မာအလုပ်သမား တစ်ဦးကပြောပါတယ်။
လက်ရှိမှာလည်း ပြည်တွင်းမှာနိုင်ငံရေးစားဝတ်နေရေးအခြေနေနဲ့ စစ်မှုထမ်း ခေါ်ဆောင် မှု ကိုရှောင်ရှား ဖို့ အတွက် အိမ်နီးချင်းနိုင်ငံ ဖြစ်တဲ့ ထိုင်း နိုင်ငံ အတွင်း တရားမဝင် သွားရောက်သူ များ လာသလို ဖမ်းဆီးခံရတာတွေ လည်း နေ့စဉ် ဖြစ်ပေါ်လျက်ရှိပါတယ်။
