မြန်မာအလုပ်သမားတွေကို တင်လာတဲ့ ယာဉ်ဟာ ထိုင်းစစ်ဆေးရေးဂိတ် မှာ မရပ်တန့်ဘဲ ထွက်ပြေးရာကနေ အရှိန်လွန် ပြီး ယာဉ်တိမ်းမှောက် သွားတဲ့ အတွက် မြန်မာအလုပ်သမား ၇ ဦးသေဆုံး ခဲ့တယ်လို့ ထိုင်းသတင်းဌာန တွေရဲ့ဖေါ်ပြချက် အရသိရပါတယ်။
နိုဝင်ဘာ ၂၀ရက် နံနက်အစောပိုင်းက နခွန်ပထုံခရိုင် ဘန်လင်းဒေသ ကော့ရေ့ဘုန်းကြီးကျောင်းရှေ့ လမ်းကွေ့ မှာ ကားတစ်စီးဟာ အရှိန် မထိန်း နိုင်ဘဲ လျှပ်စစ်မီးတိုင် ကို ဝင်တိုက်ကာရေမြောင်းအတွင်းပြုတ်ကျခဲ့ ပြီး နောက် ယာဉ်ပေါ်ပါသူ ၇ဦးသေဆုံးခဲ့တာ လို့ဆိုပါတယ်။
၎င်း ယာဉ်ကို ထိုင်းရဲတပ်ဖွဲ့က စစ်ဆေးရန် ရပ်တန့်ခိုင်းတာမှာ ကားမရပ်ဘဲ မောင်းထွက်ပြေး ရာမှ အခုလို ဖြစ်ပွားခဲ့တာ လို့ ထိုင်းသတင်းတွေမှာဖေါ်ပြထားပါတယ်။
သေဆုံးသူအားလုံးမှာ မြန်မာနိုင်ငံသား အမျိုးသား ၂ ဦး နဲ့ အမျိုးသမီး ၅ ဦးဖြစ် ကာ ကယ်ဆယ်ရေး လုပ်သားများက အလောင်းများကို ဆေးစစ်ပြီး ခွဲစိပ်စစ်ဆေးရန် ဆေးရုံသို့ ပို့ဆောင်ခဲ့တယ်လို့ သိရပါတယ်။
သေဆုံးသူတွေရဲ့ မိသားစုဝင်တွေနဲ့ လက်တလော အခြေနေ ထိ အဆက်အသွယ်မရသေးဘူး လို့ထိုင်း ရဲတပ်ဖွဲ့ဘက် ပြောဆိုထားပါတယ်။
REF: Khaosod English
