ထိုင်းနိုင်ငံ၊ဘန်ကောက်မြို့၊စူကိုဝစ်ဆွယ်(1) က (ဆောက်လုပ်ရေးလုပ်ငန်း)တွင် အလုပ်လုပ်နေကြတဲ့ မြန်မာလုပ်သား ၄၃ ဦးကို အလုပ်ရှင်က လုပ်ခလစာမပေးတဲ့အပြင် အထောက်အထားစာရွက်စာတမ်းတွေ သိမ်းထားတယ်လို့ နစ်နာသူအလုပ်သမားတွေနဲ့ အကူညီပေးနေတဲ့ WAG အလုပ်သမားမဟာမိတ်အဖွဲ့ထံမှ သိရပါတယ်။
ဇူလိုင် ၉ ရက်မှ စက်တင်ဘာ၉ရက်အထိ လုပ်ခလစာ ၂လစာ ကို ထုတ်မပေးဘဲ ရက်ရွှေ့ဆိုင်း နေတယ်လို့ အလုပ်သမားတွေကပြောပါတယ်။
"အလုပ်သမားတစ်ဦး ကို ဘတ် ၂၅၀၀၀ နှုန်းနဲ့ ၄၃ ယောက်စာ ဘတ် ၁၀ သိန်းကျော်လောက်ရရမှာ လုပ်ခက်ို ထုတ်မပေးဘဲ နေ့ရွှေ့ညရွှေ့ လုပ်နေတယ်လို့""အလုပ်သမားတစ်ဦးကပြောပါတယ်။
ဒါ့အပြင် မြန်မာအလုပ်သမားတွေရဲ့ စာရွက်စာတမ်းအထောက်အထားတွေကိုလည်းသိမ်းဆည်းထားပြီး စာအုပ်သက်တမ်းတိုး ရန်တွက် ပိုက်ဆံလည်းသွင်းထားပြီ ဖြစ်တယ်လို့ ဆိုပါတယ်။
မြန်မာအလုပ်သမားတွေဟာ MOU/CI/ဘတ်သစ်ကိုင်ဆောင်ထားသူတွေ ဖြစ်ပြီး ထိုလုပ်ငန်းမှာ လုပ်ကိုင်နေတာဟာ ၂နစ်မှ ၆နှစ် အထိရှိပြီ ဖြစ်တယ်လို့သိရပါတယ်။
အခုလို အလုပ်ရှင်က လုပ်ခလစာ မပေးဘဲ စာရွက်စာတမ်းတွေ သိမ်းထားတဲ့ အတွက် လုပ်ခလစာနဲ့ စာရွက်စာတမ်းများပြန်လည်ရရှိရန် ကူညီဆောင်ရွက်ပေးဖို့ WAG အလုပ်သမားမဟာမိတ်အဖွဲ့ထံ အကူအညိီတောင်းခံလာတဲ့ အတွက် စက်တင်ဘာ ၉ ရက်နေ့မှာ အမှုလက်ခံခဲ့ ပြီး ကူညီပေးသွားမယ်လို့ သိရပါတယ်။
