ထိုင်းနိုင်ငံမှာ အလုပ်လုပ်ကိုင်နေတဲ့ မြန်မာရွှေ့ပြောင်းလုပ်သား ၃၀ ကျော်ရဲ့ လုပ်အားခတွေကို အလုပ်ရှင်က ပြန်ပေးခဲ့တယ်လို့ WAGအလုပ်သမား မဟာမိတ်အဖွဲဝင်က ပြောပါတယ်။ ဘန်ကောက်မြို၊စီကိုဝပ် (၃၈ )က ဆောက်လုပ်ရေးလုပ်ငန်းမှာ ဆေးသုတ်လုပ်ငန်းလုပ်နေတဲ့ မြန်မာလုပ်သား ၃၀ကျော်ရဲ့ လုပ်အားခတွေ မရတာကြောင့် WAG အဖွဲ့
အကူအညီနဲ့ မြိုနယ် အလုပ်သမား ရုံးကို တိုင်ကြားခဲ့တာလို့ သိရပါတယ်။
" အခု လုပ်အားခ အားလုံးပြန်ရပြီ။ အထောက်အထားတွေလည်း ပြန်ရပြီး ၊ ဧပြီ ၂၈ရက် မှာ အမှု ပိတ်ပေး လိုက်ပါတယ်။"လို WAGအလုပ်သမား မဟာမိတ်အဖွဲက ကိုမုန်တိုင်းကပြောပါတယ်။
မြန်မာအလုပ်သမားတွေက MOU၊ Name list ကိုင်ဆောင်ထားတဲ့ အလုပ်သမား ၃၂ဦးဖြစ်ပြီး အလုပ်ရှင်က ပြီးခဲ့တဲ့ ဇန်နဝါရီလ ၅ရက်က စပြီး လုပ်အားခ မပေးတော့ဘဲ အထောက်အထား စာရွက်စာတန်းတွေကိုပါ သိမ်းဆည်းခဲ့တာလို့ သိရပါတယ်။
မြန်မာရွှေ့ပြောင်း လုပ်သား ၃၂ဦး ရဖို့ရှိတဲ့ လစာ စုစုပေါင်းမှာ ထိုင်းဘတ် ၉၆၀၀၀၀ ဖြစ်ပြီး တိုင်ကြားမှုတွေ ပြုလုပ်ပြီးနောက် ဧပြီ ၁၁ရက် မှာ အလုပ်သမားတွေရဲ့ အထောက်အထားစာရွက်စာတန်းတွေကို အလုပ်ရှင်က ထုတ်ပေးခဲ့တယ်လို သိရပါတယ်။ ကျန်ရှိနေတဲ့ လုပ်ခတွေကို ဧပြီ ၂၈ရက် မှာ အလုပ်ရှင်က ပြန်ပေးခဲ့ပြီး အဲဒီ အလုပ်ရှင်ဆီမှာ မြန်မာအလုပ်သမား ၃၂ဦး လုပ်ကိုင်နေတာ အနည်းဆုံး ၃နှစ်ကနေ ၆နှစ်အထိ ရှိပြီ ဖြစ်တယ်လို့ သိရပါတယ်။
