ထိုင်းနိုင်ငံ မှ မြန်မာနိုင်ငံ သို့ ပြန်ရန် အတွက် ဘတ်စ်ကားဖြင့် လိုက်ပါလာတဲ့ မြန်မာအလုပ်သမား ၇ ဦး မှာ ကန်ချနပူရီခရိုင် အတွင်းရှိ စစ်ဆေးရေးဂိတ်မှာ အဖမ်းခံရတယ်လို့ ထိုင်းသတင်းတွေမှာဖေါ်ပြထားပါတယ်။ 

နိုဝင်ဘာ ၁၂ ရက် နံနက် ၁၁နာရီ ၃၀ မိနစ် ခန့်မှာ ကန်ချနပူရီခရိုင် စနမခရာဘူရီဒေသရှိ စစ်ဆေးရေးဂိတ်မှာဘတ်စ်ကားပေါ် လိုက်ပါလာတဲ့ မြန်မာ အလုပ်သမား ၇ဦး မှာ အထောက်အထားများ မပြနိုင်တဲ့ အတွက် အဖမ်းခံရတာ ဖြစ်တယ်လို့သိရပါတယ်။
  
၎င်း မြန်မာအလုပ်သမား ၇ဦး မှာ ထိုင်းနိုင်ငံ အတွင်း  တရားမဝင် နေထိုင်နေရာ ကနေ မြန်မာနိုင်ငံ ကို ပြန်ဖို့  ဘတ်စ်ကား စီးနင်း လာတာဖြစ်တယ်လို့ ဆိုပါတယ်။ 

လက်ရှိမှာတော့ မြန်မာအလုပ်သမား
၇ဦး ကို တရားဝင် အထောက်အထား မပြနိုင်တဲ့ အတွက်ထိုင်းအာဏာပိုင်တွေက  ဥပဒေ အရ ဆက်လက် အရေးယူမှာ ဖြစ်တယ်လို့ သတင်းတွေမှာဖေါ်ပြထားပါတယ်။ 

ယခုရက်ပိုင်းမှာ ထိုင်း နိုင်ငံ အတွင်း မြန်မာအပါအဝင်  တရားမဝင် နိုင်ငံခြားသား အလုပ်သမားတွေ ကို စစ်ဆေး ဖမ်းဆီးတာတွေ ဆက်တိုက်ပြုလုပ်နေပြီး ထိုင်းရောက်မြန်မာနိုင်ငံသားတွေ အနေနဲ့ သတိထားသွားလာကျဖို့ အချင်းချင်း သတိပေးတာတွေရှိတယ်လို့ သိရပါတယ်။