တရုတ်မြန်မာနယ်စပ်မူဆယ်မြို့ရှိ ဆင်ဖြူဂိတ်မှတဆင့် ယာဉ်ငယ်များ၊ ဆိုင်ကယ်များဖြင့် ကုန်သယ်ယူခွင့် တွေကို နိုဝင်ဘာ ၁၉ ရက် နံနက်ပိုင်းတွင် ပြန်လည်ဖွင့်လှစ်လိုက်ပြီဖြစ်ပေမဲ့ အခြားသောဂိတ်ကိုပြန်လည်ပိတ်ထားလိုက်ပြန်တယ်လို့ သိရပါတယ်။
" ဆင်ဖြူဂိတ်က ဂိတ်ပြန်ဖွင့်တယ်ဆိုပေမယ့် အစားအသောက်နဲ့ တစ်နိုင်တစ်ပိုင်ပဲ သယ်ခွင့်ပေးတာလို့ပြောကြတယ်။ ပြန်ဖွင့်တယ်ဆိုပေမဲ့ကန့်သတ်ချက်နဲ့ပဲဖြစ်တယ်။ ဒီဘက်ကိုဖွင့်ပေးပြီး မိန့်ဝိန်းဂိတ်ကိုလည်း ပိတ်လိုက်တယ်။ မိန့်ဝိန်းဂိတ်က အခုအထိပိတ်ထားလို့ မူဆယ်မှာ ကုန်စိမ်းတွေ ဈေးကြီးတယ်။ အခြားကုန်တွေလည်းဈေးကြီးနေတုန်း" လို့ မူဆယ်ဒေသခံတစ်ဦး က ပြောပါတယ်။
တရုတ်မြန်မာနယ်စပ် ဆင်ဖြူဂိတ်ကိုပြီးခဲ့တဲ့နိုဝင်ဘာလ ၁၀ ရက်နေ ညပိုင်းမှစတင်ကာ တရုတ်ဘက်က ၁၀ ရက်ခန့်အကြာ ဖြတ်သန်းခွင့် ပိတ်ပင်လိုက်ခြင်းဖြစ်ပြီး နိုဝင်ဘာ ၁၉ရက်နေ့မှာတော့ ပြန်လည်ဖွင့်လှစ်လိုက်ခြင်းဖြစ်ပေမဲ့လည်း စားသောက်ကုန်တင်တဲ့ မိန့်ဝိန်းဂိတ်ကိုတော့ ပိတ်ထားလို့ တရုတ်ဘက်ကနေမူဆယ်ကိုပို့မယ့် ကုန်စိမ်းကားတွေပိတ်မိကာ ကုန်စိမ်းတွေပျက်စီး ပုပ်သိုးပျက်စီးတာရှိသလို မူဆယ်မှာဈေးအဆမတန်ကြီးမြင့်တာတွေ့ပါဖြစ်လာတယ်လို့ သိရပါတယ်။
ပိတ်လိုက်တဲ့ မူဆယ်နယ်စပ်ဆင်ဖြူ ဂိတ်ကိုဖွင့်ပေးရာမှာလည်း ကားအသေးတွေနဲ့ ကုန်သယ်ဖို့ တစ်နိုင်တစ်ပိုင်သယ်ယူဖို့နဲ့ စားသောက်ကုန်ကိုသာပြန်ဖွင့်ပေးခြင်းဖြစ်ပြီး အခြားသောကုန်ပစ္စည်းတွေကိုတော့ ဆက်လက်ကန့်သတ်ထားတယ်လို့လည်း သိရပါတယ်။
မူဆယ်မြို့တွင် ကုန်တင်ယာဉ်ကြီးများဖြင့် ကုန်သယ်ယူရာမှာ ကုန်တင်ယာဉ်များက ၁၀၅ မိုင် နယ်စပ်ကုန် သွယ်ရေးဂိတ်တွင် အခွန်ဆောင်ပြီးနောက် မန့်ဝိန်းဂိတ်မှတဆင့် အသုံးပြု ဖြတ်သန်းကြခြင်းဖြစ်ပါတယ်။
သို့သော် ၁၀၅ မိုင် နယ်စပ်ကုန်သွယ်ရေးစခန်းနှင့် ကျင်စန်းကျော့ နယ်စပ်ဂိတ်တို့ကို ညီနောင်မဟာမိတ်တို့မှ သိမ်းယူခဲ့ပြီး ကုန်စိမ်း၊ အခြေခံအသုံးအဆောင်များနှင့် အခြားသော ကုန်သယ်ယူမှုများကို ဆင်ဖြူဂိတ်မှတဆင့် ယာဉ်ငယ်များ၊ ဆိုင်ကယ်များဖြင့် သယ်ယူနေကြရာမှ တရုတ်ဘက်ကပိတ်ထားလိုက်ခြင်းဖြစ်တယ်လို့လည်း သိရပါတယ်။
မူဆယ်မြို့ နဲ့ တရုတ်နိုင်ငံ ကျယ်ဂေါင်မြို့ရဲ့ နှစ်နိုင်ငံကုန်သွယ်ရာမှာ ဆင်ဖြူဂိတ်၊ နန်းတော်ဂိတ်နဲ့ မန့်ဝိန်းဂိတ် စတဲ့ဂိတ် ၃ ဂိတ်ရှိရာမှာ ကုန်တွေကို ဆိုင်ကယ်၊ သုံးဘီးကားတွေနဲ့ ကုန်သယ်မှုကို ဆင်ဖြူဂိတ်ကနေ ကုန်ကားကြီးတွေနဲ့ သယ်ယူရာမှာတော့ မန့်ဝိန်းဂိတ်ကိုအသုံးပြုကာ သီးသန့် လူအဝင်အထွက်ကိုတော့ နန်းတော်ဂိတ်ကိုအသုံးပြုတယ်လို့ သိရပါတယ်။
Application - https://bit.ly/3oNDLga
Website Link - https://www.myanmarlabournews.com
Telegram Link - https://t.me/myanmarlabournews
#MyanmarLabourNews
