NEWS

မူဆယ်ကတဆင့် တရုတ်ပြည်ကို  တပတ်ကတ်နှင့် ဝင်ရောက်ပြီး ပြန်ထွက်သူနည်းသည့်အတွက် တရုတ်ဘက်မှ အဖမ်းဆီးနေ့စဉ်ပြုလုပ်

CoverLogo
189 Views

မူဆယ်ကတဆင့် တရုတ်ပြည် နယ်စပ်ကို တစ်ပတ်တာသက်တမ်းရှိ TBP, BP စတဲ့ ယာယီနယ်စပ်ဖြတ်သန်းခွင့်လက်မှတ်တို့နဲ့ ဝင်ရောက်လာပြီး ပြန်ထွက်သူအလွန်နည်းတဲ့အတွက် တရုတ်ပြည်တွင်း ဖမ်းဆီးမှုတွေ ဆက်တိုက်ပြုလုပ်နေတယ်လို့ မူဆယ်ဒေသခံတွေထံကသိရပါတယ်။

ယာယီနယ်စပ်ဖြတ်သန်းခွင့်လက်မှတ်နဲ့ ဝင်ရောက်သူဟာ  ၇ရက်ပြည့်ပါကမူဆယ်ဘက်ကို  ပြန်လည်ထွက်ခွာရပြီး ပြန်လည်ဝင်ရောက်ရန်အတွက် လုပ်ဆောင်ရတယ်လို့ဆိုပါတယ်။

လတ်တလောမှာတော့ မူဆယ်နယ်စပ်ဂိတ်ကနေ တရုတ်ပြည်တွင်း အလုပ်သွားရောက်လုပ်သူတွေဟာ ၇ရက်ပြည့်သော်လည်း ပြန်လည်ထွက်ခွာလာခြင်း မရှိတာများနေတယ်လို့ ဆိုပါတယ်။

""အခုကတစ်ပတ်ကတ်နဲ့ဝင်ပြီး ပြန်မထွက်တဲ့သူကများတယ်။ အဲဒီတော့ တရုတ်ဘက်မှာ တစ်ပတ်ကတ်နဲ့ဝင်တဲ့သူတွေ ပြန်ထွက်ပါ ရက်ကျော်ရင် ဖမ်းမယ် ဆိုတာ မျိုး ကို တရုတ်ရဲတွေက လိုက်လံ ကြေညာတာတွေရှိသလို အဖမ်းစီးလည်းများနေတယ်။""လို့ မူဆယ်ဒေသခံတစ်ဦးကပြောပါတယ်။

ဖမ်းဆီးတာမှာ တချို့ကို ပြစ်ဒဏ်ပေးပြီး တချို့ကို ပြည်တွင်း ကို ပြန်ပို့ကာ တရုတ်ပြည်အတွင်း ပြည်ဝင်ခွင့် ၃နှစ်မှ ၅နှစ် အထိ ပိတ်ခံရတဲ့သူလည်းရှိတယ်လို့ဆိုပါတယ်။

လက်ရှိမှာ တရုတ်ပြည်အတွင်း နေထိုင်ရက် သက်တမ်းကျော်လို့ ဖမ်းဆီးခံသူ မြန်မာနိုင်ငံသားများ နေ့စဉ် ရာနဲ့ချီရှိပြီး ရပ်ကွက်တိုင်းမှာ စစ်ဆေးဖမ်းဆီးတာတွေ လုပ်နေတယ်လို့သိရပါတယ်။

   ""တစ်ပတ်ကတ်နဲ့ဝင်ပေမယ့်လဲ တရုတ်ဘက်က လုပ်ငန်းရှင်က သူတို့အစိုးရထံမှာအလုပ်လုပ်ခွင့်ကတ် လျှောက်ပေးရင်တော့ တစ်နှစ် လုပ်လို့ရတယ်။ဒါကလဲ လုပ်ငန်းရှင်က အာမခံပြီး လုပ်ပေးမှရတာ ကျန်တဲ့ တစ်ပတ်ကတ်တို့ စာအုပ်နီ တို့ ကိုင်ထားတဲ့ သူကတော့ တပတ်ပြည့်တာနဲ့ နယ်စပ်ဂိတ်ကနေပြန်အထွက်ပြပြီး အဝင်တုံး ပြန်ထုရတာ မဟုတ်ရင် တော့ အဖမ်းခံရနိုင်တယ်""လို့ မူဆယ်ဒေသခံကပြောပါတယ်။

ယခင်နှစ်ကုန် ပိုင်းက မူဆယ် မြို့နယ် အတွင်း တိုက်ပွဲ များကြောင့် နယ်စပ်ဂိတ်ကတစ်ဆင့် တရုတ်ပြည်ကို မြန်မာနိုင်ငံသားတွေ ဝင်ရောက်တုန်းက သက်မှတ်ရက် ကျော်သော်လည်း  ဖမ်းဆီးမှု အလွန်နည်းကာ ယခုနှစ်ဆန်းပိုင်းကစပြီး ရက်ကျော်နေထိုင်သူတွေ ကို ဖမ်းဆီးတာ များလာတာ ဖြစ်တယ်လို့ သိရပါတယ်။

 


Related posts

Cover
ဇွန်လ ၁ ရက်ကထွက်တဲ့ ထိုင်းထီဘတ်သိန်း၆၀ ဆုကို မြန်မာအလုပ်သမား လူငယ်တစ်ဦး ဆွတ်ခူးရရှိခဲ့
Jun 14, 2024
Cover
သက်တမ်းရှိ နိုင်ငံကူးလက်မှတ် PJမှPV ပြောင်းလဲလျှောက်ထားခွင့်မရတော့သည့်အတွက် အွန်လိုင်းကတစ်ဆင့် QRယူထားသူများ ဘဏ်သွင်းငွေများဆုံးရှုံး
Jun 13, 2024
Cover
ပြည်ပ မှ ခွင့်ပြန်အလုပ်သမားများ မိသားစုထံ တရားဝင်ငွေလွှဲပေးပို့ထားတဲ့အထောက်ထားပြနိုင်မှသာ OWIC ကတ် ထုတ်ပေးမည်ဟုဆို
Jun 12, 2024
Cover
ထိုင်းနိုင်ငံ တွင် မြန်မာအလုပ်သမားအမျိုးသမီး တစ်ဦး တံတားပေါ်မှခုန်ချမှု ဖြစ်ပွား
Jun 12, 2024
Cover
အခွန်ပေးသွင်းရန်ကျန်သည့်အေဂျင်စီများ ကို လုပ်သားစေလွှတ်မှုဆိုင်းငံ့မည်ဟုဆို
Jun 10, 2024
Cover
ထိုင်းနိုင်ငံမှာဆေးရုံတက်နေတဲ့မြန်မာအလုပ်သမားတစ်ဦးကို  ထိုင်းရဲကပစ်သတ်မှုဖြစ်ပွား
Jun 09, 2024
Cover
နိုင်ငံကူးလက်မှတ်(PJ) အမျိုးအစားကနေ(PV)အမျိုးအစားသို့ ပြောင်းလဲမှု စစ်ကောင်စီပိတ်ပင်
Jun 07, 2024
Cover
မြန်မာအပါအဝင် နိုင်ငံခြားသားအလုပ်သမားတွေကို ဘတ်ပန်းရောင်ကတ်ပြုလုပ်ပေးဖို့ထိုင်းအစိုးရအတည်ပြု
Jun 07, 2024