မလေးရှား နိုင်ငံ မှာ အကြောင်းအမျိုးမျိုးနဲ့ ပြစ်ဒဏ်ကျခံ ခဲ့ပြီး တဲ့ မြန်မာနိုင်ငံသား ၁၆၀ကျော် ကို မြန်မာနိုင်ငံ သို့ လေကြောင်း ဖြင့် ပြန်လည်ပို့ ဆောင်ခဲ့တယ်လို့ မလေးရှားလူဝင်မူကြီးကြပ်ရေးဌာနရဲ့ ထုတ်ပြန် ချက်အရ သိရပါတယ်။
မလေးရှား နိုင်ငံ ကဒါးပြည်နယ်လူဝင်မူကြီးကြပ်ရေးဌာနထိန်းသိမ်းရေးကမ့်မှ ဒီဇင်ဘာလ ၁၇ ရက်နေ့ မှာ မြန်မာနိုင်ငံသား ၈၇ ဦးအားမြန်မာနိုင်ငံသို့ ပြန်လည်ပို့ဆောင်ပေးခဲ့ပြီး ဒီဇင်ဘာ ၂၂ရက်မှာတော့ ဂျုဟိုးပြည်နယ်၊ပီကန်နာ့နာစ်လူဝင်မူကြီးကြပ်ရေးကမ့်မှ မြန်မာနိုင်ငံသား ၈၀ဦး ဦး မိခင် နိုင်ငံသို့ လေကြောင်း ဖြင့် ပြန်လည်ပို့ဆောင်ပေးခဲ့ တယ်လို့ မလေးရှားလူဝင်မူကြီးကြပ်ရေးဌာနရဲ့ ထုတ်ပြန် ထားပါတယ်။
ယခု နေရပ်ပြန်လည်ပို့ဆောင်ခံရသူတွေကို မလေးရှား လူဝင်မူကြီးကြပ်ရေးဌာနမှာ အမည်ပျက်စာရင်းသွင်းထားပြီး ၅ နှစ်အတွင်း မလေးရှားနိုင်ငံသို့ဝင်ရောက်ခွင့်ရရှိမှာ မဟုတ်ဘူးလို့ သိရပါတယ်။
၎င်းတို့ဟာ မလေးရှား နိုင်ငံအတွင်း သို့ တရားမဝင် ဝင်ရောက် နေထိုင်ခြင်းနဲ့ အထောက်အထားမပြည့်စုံဘဲ အလုပ်လုပ်ကိုင်ခြင်းတို့ ကြောင့်အဖမ်းခံရပြီး ပြစ်ဒဏ်ချမှတ်ခံရသူတွေ အများဆုံး ဖြစ်တယ်လို့ သိရပါတယ်။
လက်ရှိတွင် မလေးရှားနိုင်ငံ အတွင်း က အကျဉ်းထောင် တွေထဲ မှာ အထောက်အထားမရှိဘဲ နိုင်ငံ အတွင်း ဝင်ရောက်နေထိုင်မှုကြောင့် အဖမ်းခံရတဲ့ မြန်မာလုပ်သားတွေ များစွာ ရှိနေပြီး ပြစ်ဒဏ်ကျခံ ပြီးပေမယ့် မြန်မာနိုင်ငံသို့ ပြန်ရန် နိုင်ငံသား ဖြစ်ကြောင်း အထောက်အထားစာရွက်စာတမ်း တွေ စောင့်နေရသူတွေလည်း များစွာရှိနေတယ်လို့ မြန်မာလုပ်သားအရေးကူညီပေးနေသူတွေထံမှ သိရပါတယ်။
