မလေးရှားနိုင်ငံ ဘန်တင်းနယ် မှာ မြန်မာလုပ်သား နှစ်ဦး ကို ပွဲစားကိုဇော် ဆိုသူက အလုပ်ရှာပေးမယ်ဆိုကာ မလေးရှားရင်းဂစ် ၇၀၀ ယူပြီး လမ်းဘေးတစ်နေရာမှာ ပစ်ထားခဲ့တယ်လို့ မလေးရှားရောက်မြန်မာလုပ်သားတွေကို ကူညီပေးနေတဲ့
နှလုံးလှ ပရဟိတ လူငယ်များ သွေးလှူရှင်အဖွဲ့ ထံမှ သိရပါတယ်။
စိုက်ပျိုးရေး လုပ်ငန်းမှာ အလုပ်ရမယ်ဆိုပြီး မြန်မာလုပ်သား နှစ်ဦးကိုအောက်တိုဘာ ၉ ရက်က ခေါ်လာကာ ဘန်တင်းနယ် ဟိုင်းဝေးလမ်းဘေး ဆီအုန်းတောများရှိရာနေရာ အရောက် ကားထဲဆီထည့်ရန် အတွက် ဆီဆိုင်သွားရမှာ ဖြစ်လို့ ကားပေါ်ကဆင်းခိုင်းပြီး ၎င်းနေရာမှာပစ်ထားခဲ့တယ်လို့သိရပါတယ်။
အဆိုပါ မြန်မာလုပ်သား နှစ်ဦးမှာ မုံရွာ မြိုနယ် စလင်းကြီး ကနေ မလေးရှားနိုင်ငံသို့ ရောက်လာတာဟာ ၆ လ ခန့်သာရှိသေးပြီး မလေးရှားနိုင်ငံမှာလည်း အသိမိတ်ဆွေ မရှိတာကြောင့် လမ်းဘေးမှာ ဒုက္ခရောက်နေတဲ့ အတွက် ပရဟိတအဖွဲ့မှ အောက်တိုဘာ ၁၀ ရက်နေ့မှာ မြန်မာလုပ်သားနှစ်ဦးကို သွားရောက်ခေါ်ဆောင်ပေးခဲ့ပြီး နေထိုင်ခွင့်ပေးကာ ၎င်းတိုကို အလုပ်ရှာပေးသွားမယ်လို့ သိရပါတယ်။
အခုလိုမျိုး မလေးရှား သို လာရောက် အလုပ်လုပ်တဲ့ လုပ်သားသစ်တွေကို ပွဲစားတွေက ပစ်မှတ်ထားကာ ငွေကြေးလိမ်လည်ပြီး လမ်းဘေး မှာ ပစ်ထားခဲ့လို ဒုက္ခရောက်ရတဲ့ မြန်မာလုပ်သား တွေ မကြာခဏ ဖြစ်ပေါ်နေတဲ့ အတွက် သတိထားကျဖို့ နှလုံးလှပရဟိတလူငယ်များသွေးလှုရှင်အဖွဲ့ တာဝန်ရှိသူတစ်ဦးကသတိပေးပြောကြားပါတယ်။
