ထိုင်းနိုင်ငံ ဘန်ကောက် မြို့ ရှိဆောက်လုပ်ရေးလုပ်ငန်းခွင်တစ်ခုမှာ ကရိန်း ပြိုကျမှုကြောင့် မြန်မာ အလုပ်သမားနှစ်ဦး ဒဏ်ရာရရှိခဲ့တယ်လို့ ထိုင်းသတင်းတွေ အရသိရပါတယ်။
ဖေဖေါ်ဝါရီ ၇ရက် ဒီကနေ့ မနက်၁၀နာရီ ခွဲ ခန့်မှာ ခလောင်တိန်နယ်မြေ Asoke ဧရိယာရှိ ဆောက်လုပ်ရေး လုပ်ငန်းခွင် တစ်ခု မှာ ကရိန်း ပြိုကျပြီးအောက်တွင် အလုပ်လုပ် နေတဲ့ မြန်မာ အလုပ်သမား ၂ဦး အပေါ် ပြုတ်ကျခဲ့တဲ့ အတွက် မြန်မာ လုပ်သား အမျိုးသားတစ်ဦးနဲ့ အမျိုးသမီးတစ်ဦးတို့ ဒဏ်ရာရခဲ့တယ်လို့ သိရပါတယ်။
ဒဏ်ရာရသူ ၂ဦး ထဲ မှ အမျိုးသား အလုပ်သမား မှာ ဒဏ်ရာ အပြင်းအထန်ရရှိခဲ့ ပြီး ကယ်ဆယ်ရေး အဖွဲ့များ ရောက်ရှိချိန်တွင် သတိမေ့မြောနေတာကြောင့် အရေးပေါ် အသက်ကယ်နည်း CPR ပြုလုပ်ကာ အထွေထွေဆေးရုံကြီးကို ပို့ဆောင်ပေးခဲ့တယ်လို့ သိရပါတယ်။
အမျိုးသမီး လုပ်သား ကတော့ ဘယ်ဘက်ခြေထောက် တွင် ဒဏ်ရာရရှိခဲ့ ပြီး ဆေးရုံသို့ ပို့ဆောင်ထားတယ်လို့ ဆိုပါတယ်။
ကရိန်းပြိုကျရတဲ့ အကြောင်းရင်းနဲ့ ဆောက်လုပ်ရေးလုပ်ငန်းခွင်အတွင်း လုံခြုံရေးနှင့် ဘေးကင်းမှုအခြေအနေတွေကို သက်ဆိုင်ရာက စစ်ဆေးနေတယ်လို့ သတင်းမှာဖေါ်ပြထားပါတယ်။
ယခုရက်ပိုင်းတွင် ဆောက်လုပ်ရေး လုပ်ငန်းခွင်အတွင်း မတော်ဆတ မှု တွေကြောင့် မြန်မာလုပ်သားတွေ ထိခိုက်သေဆုံးမှု တွေ မကြာခဏ ဖြစ်ပေါ်နေပြီး ပြီးခဲ့တဲ့ ဖေဖေါ်ဝါရီ ၄ရက် ညပိုင်းမှာလည်း ဘန်ကောက်ရှိ ဆောက်လုပ်ရေး လုပ်ငန်းခွင်တစ်ခုမှာ မြေပြိုကျမှုဖြစ်ပွားပြီး မြန်မာလုပ်သားတစ်ဦးသေဆုံးခဲ့တယ်လို့ သိရပါတယ်။
Ref-Khaosod, MGR
