ထိုင်းနိုင်ငံ၊ ဘန်ကောက်မြိုနယ်၊ စီကိုဝပ် (38)မှာ ရှိ တဲ့ ဆောက်လုပ်ရေးတိုက်တစ်ခုမှာ ဆေးသုတ်နေကြတဲ့ မြန်မာလုပ်သား ၃၀ ကျော်မှာ မိမိတို့ရရှိရမယ့် လုပ်အားခ ကို လုပ်ငန်းရှင်သူဌေး မှ မပေးတဲ့ အတွက် မြို့နယ်ရှိ ဆဝါဒိကန်ရုံးနှင့် ကျဟာငန် ရုံးသို့ သွားရောက်တိုင်ကြားခဲ့တယ်လို့ ၎င်းအလုပ်သမားတွေကိုကူညီဆောင်ရွက်ပေးနေတဲ့ WAG အလုပ်သမားမဟာမိတ်အဖွဲ့ ထံ မှ သိရပါတယ်။
(MOU/Name list)ကိုင်ဆောင်ထားတဲ့ မြန်မာအလုပ်သမား ၃၂ဦးဟာ ၎င်းအလုပ်ရှင်ထံ မှာ အလုပ်လုပ်နေတာ အနည်းဆုံး ၃နှစ်မှ ၆နှစ်အထိ ရှိပြီ ဖြစ်တယ်လို့ သိရပါတယ်။
ပြီးခဲ့တဲ့ ဇန်နဝါရီလ ၅ရက်က စပြီး လုပ်အားခ မပေးတော့တဲ့ အပြင် အလုပ်သမားတွေရဲ့ အထောက်အထား စာရွက်စာတန်းတွေကိုလည်း သိမ်းထားကာ တောင်းယူသော်လည်း ထုတ်မပေးဘူးလို့ သိရပါတယ်။
မြန်မာရွှေ့ပြောင်း လုပ်သား ၃၂ဦးရဲ့ (၃လခန့်) လစာ စုစုပေါင်း ဘတ်ငွေ ၉၆၀၀၀၀ မပေးတဲ့ အပြင် စာရွက်စာတန်းတွေပါ သိမ်းထားတဲ့ အတွက် ၎င်း သူဌေး ဆိုသူ ကို နယ်မြေခံ မြို့နယ်ရှိဆဝါဒိကန်ရုံးနှင့် ကျဟာငန်းရုံးသို့ သွားရောက်တိုင်ကြားခဲ့ တာ မှာ ဧပြီ ၁၁ ရက် မှာတော့ အလုပ်သမားတွေရဲ့ အထောက်အထားစာရွက်စာတန်း တွေ ကို ထုတ်ပေးခဲ့တယ်လို့ သိရပါတယ်။
မြန်မာအလုပ်သမားတွေရဲ့ လုပ်အားခ တွေ ကိုတော့ ထုတ်မပေးသေးတဲ့ အတွက် မြို့နယ် ရုံးမှသတ်မှတ်ထားတဲ့ ဥပဒေအတိုင်း ဆက်လက်ဆောင်ရွက်သွားမယ်လို့ သိရပါတယ်။
