နိုဝင်ဘာလ ၁၈ရက် ညပိုင်း က တာ့ခ်ခရိုင် ၊ မယ်ရမတ်မြို့နယ် အတွင်း ကို နယ်စပ်တောလမ်းမှ တရားမဝင် ဝင်ရောက်လာတဲ့ မြန်မာလုပ်သား ၃၆ဦးကို ထိုင်းလုံခြုံရေးအဖွဲ့ တွေက ဖမ်းဆီးခဲ့တယ်လို့ ဆိုပါတယ်။

 

မြန်မာလုပ်သားတွေဟာ ထိုင်းနိုင်ငံ ဘန်ကောက် နဲ့စမွတ်စခွန် တို့ မှာ အလုပ်လုပ်ကိုင်လိုတဲ့ အတွက် ပွဲစား ဆိုသူ ကို တစ်ဦး လျှင်ဘတ် ၁၈၀၀၀ မှ ၂၀၀၀၀ အထိ ပေးခဲ့ရတယ်လို့ သတင်းမှာဖေါ်ပြထားပါတယ်။

 

အမျိုးသား ၂၀ ဦးနှင့် အမျိုးသမီး ၁၆ ဦး ပါဝင်ကာ ကရင်ပြည်နယ် မြ၀တီမြို့မှာ စုဝေးပြီး လှေဖြင့် မယ်ရမတ်မြို့နယ် အတွင်းသို​ြ ဝင်ရောက်လာကာ တောအုပ်အတွင်း လမ်းပြနဲ့အတူ ဖြတ်လျှောက်နေစဉ် ရဲတပ်ဖွဲ့ မှ စစ်ဆေးတွေ့ရှိပြီး ဖမ်းဆီးခံရတာ ဖြစ်ပါတယ်။

 

လက်ရှိမှာ မြန်မာအလုပ်သမား ၃၆ ဦး ကို တရားမဝင် နယ်စပ်ဖြတ်ကျော် ဝင်ရောက်မှုဖြင့် စွဲချက်တင်ပြီး ဥပဒေအရ အရေးယူဆောင်ရွက်ဖို့ မယ်ရမတ်ရဲစခန်းသို့ လွှဲပြောင်းပေးလိုက်ပြီလို့ သိရပါတယ်။

 

ထိုင်းနိုင်ငံ အတွင်း တရားမဝင် နယ်စပ် ဖြတ်ကျော် ဝင်ရောက် လာတဲ့ မြန်မာလုပ်သား တွေ နေ့စဉ် အဖမ်းခံနေရကာ နိုဝင်ဘာ၁၈ရက် မနက်ပိုင်းကလည်း ကမ်ပိန်ဖက် ပြည်နယ်မှာ ပစ်ကပ်ကားလေးစီးနဲ့ တင်ဆောင်လာတဲ့ အထောက်အထားမဲ့ မြန်မာရွှေ့ပြောင်း လုပ်သား ၅၈ဦး အဖမ်းခံရတဲ့ အတွက် တစ်ရက် ထဲမှာပင် မြန်မာလုပ်သား ၉၄ဦး အထိ အဖမ်းခံခဲ့ရတယ်လို့ ထိုင်းသတင်းတွေ အရ သိရပါတယ်။

 

Ref- CH7 News ,กิตติศักดิ์ บุญจันทร์