တောင်ကိုရီးယား မှာ ရောက်ရှိနေတဲ့ တော်လှန် မြန်မာပြည်သူတွေ အနေနဲ့ နေထိုင်ခွင့်ဗီဇာ အခက်ခဲကြောင့် ကိုရီးယား လဝက ရဲ့ အဖမ်းဆီး ဖြင့် ကြုံရ လို့ အကူညီ လိုအပ်ပါက NUG ကိုယ်စားလှယ်ရုံး အလုပ်သမားရေးတာဝန်ခံ ကိုဆက်သွယ် အကူညီတောင်းခံနိုင်တယ်လို့ အမျိုးသားညီညွတ်ရေးအစိုးရ(NUG)တောင်ကိုရီးယား ကိုယ်စားလှယ်ရုံးက နိုဝင်ဘာ ၁၀ ရက်နေ့မှာ အသိပေးပါတယ်။
ကိုရီးယား မှာ ရောက်ရှိနေပြီး တော်လှန်ရေးမှာ တတ်ကြွ စွာပါဝင်နေတဲ့ မြန်မာနိုင်ငံသားတွေကို NUG ကိုယ်စားလှယ် ရုံး အနေနဲ့ တတ်စွမ်းသလောက် အကာကွယ်ပေးလျက်ရှိတယ်လို့ ဆိုပါတယ်။
နေထိုင်ခွင့် ဗီဇာအခက်ခဲကြောင့် ကိုရီးယား လဝက ရဲ့ အဖမ်းအဆီးခံ ရသူတွေ ကို ပြန်လည် လွတ်မြောက် ရေး ကို လည်း ဥပဒေ ဘောင်ထဲကနေ ဆောင်ရွက်ပေးနေတယ်လို့ သိရပါတယ်။
ဒါကြောင့် မည်သူမဆို လဝကရဲ့ အဖမ်းအဆီးနဲ့ ကြုံရလို့ အကူအညီ လိုအပ်ပါက ကိုယ်စားလှယ်ရုံး အလုပ်သမားရေးတာဝန်ခံ ဖုန်း 010-9146-7482 သို့ ဆက်သွယ်နိုင်သလို ရုံးဖုန်း 010-8227-4773 ကိုလည်း ဆက်သွယ် နိုင်တယ်လို့ အသိပေး ထားပါတယ်။
တောင်ကိုရီးယား ရှိ NUG ကိုယ်စားလှယ်ရုံး မှာ နိုင်ငံကူးလက်မှတ်သက်တမ်းကုန်ဆုံး နေတဲ့ မြန်မာနိုင်ငံသားတွေ ကို မည်သည့်အခွန်နှင့်ငွေကြေး ပေးဆောင်စရာမလိုဘဲ သက်တမ်းအသစ် ၂နှစ် တိုးပေးနေတဲ့ အတွက် တောင်ကိုရီးယားရောက် မြန်မာနိုင်ငံသားတွေ စိတ်ဝင်မှု များနေသလို စစ်ကောင်စီ ဘက်က လည်းသွားတဲ့ သက်တမ်းတိုးတဲ့ သူတွေ ကို နိုင်ငံကူးလက်မှတ် ဖျက်သိမ်းပြီးအမည်မည်းစာရင်းသွင်းခြင်း ပြုလုပ်မယ်လို့ နိုဝင်ဘာ၉ရက်နေ့မှာ အသိပေးကြေညာထားပါတယ်။
