ထိုင်းနိုင်ငံ ကန်ချနပူရီ lao khwan ခရိုင် ကျေးရွာအုပ်စု အမှတ် ၃ အနီး ကြံစိုက်ခင်းထဲ မှာ ပွဲစားက ပစ်ထားခဲ့တဲ့ မြန်မာရွှေ့ပြောင်းလုပ်သား ၅၆ ဦးကို စက်တင်ဘာ ၁၁ ရက် မနက် ၁၀ နာရီပိုင်းမှာ ထိုင်းရဲတပ်ဖွဲ့ တွေ့ရှိကာ ဖမ်းဆီးခဲ့တယ်လို့ထိုင်းသတင်းတွေအရသိရပါတယ်။
ဖမ်းခံရတဲ့ မြန်မာ ရွှေ့ပြောင်းလုပ်သား ၅၆ ဦးတွင် အမျိုးသား အမျိုးသမီးတွေ သာမက ကလေးငယ်တွေလည်း ပါဝင်ကာ တချို့မှာ ထိုင်းမှာ အရင်က အလုပ် လုပ်ခဲ့ဘူးပြီး ထိုင်းစကားလည်း ပြောတတ်တယ်လို့ သိရပါတယ်။
ထိုင်းစကားတတ်သူမြန်မာလုပ်သားများရဲ့ ပြောပြချက်အရ မြန်မာလုပ်သား အားလုံးဟာ ရန်ကုန်ကနေလာရောက်ကျ
တာဖြစ်ပြီး ချင်းရိုင်၊ မယ်ဆိုင်ခရိုင်ကတစ်ဆင့်နယ်စပ်ဖြတ်ကျော်ကာ ထိုင်းနိုင်ငံသို့ဝင်ရောက် ခဲ့ကြောင်း ထို့နောက် မယ်ဆိုင်က နေကားတစ်စီးဖြင့်ခေါ်ဆောင်လာပြီး ယခု တွေ့ရှိတဲ့ ကြံစိုက်ခင်း သို့ ယနေ့မနက် ၄ နာရီ မှာရောက်ရှိကာ ထပ်မံ လာကြိုမယ့်သူကိုစောင့်ခိုင်းထားကြောင်း သို့ပေမယ့် မနက် ၁၀ နာရီ အထိ တစ်စုံတစ်ယောက်မှ မလာရောက်ဘဲ အခုလို အဖမ်းခံရတာဖြစ်ကြောင်း မြန်မာလုပ်သားတွေကပြောတယ်လို့ သတင်းမှာဖေါ်ပြထားပါတယ်။
မြန်မာလုပ်သားတွေဟာ ဘန်ကောက်နဲ့ ချောင်ချွန်ခရိုင်မှာ အလုပ်လုပ်ဖို့ လာရောက်ကျတာ ဖြစ်ပြီး ပွဲစား ကို ခရီးအကွာအဝေးအလိုက် တစ်ဦးကို ဘတ် ၁၀၀၀၀ ကနေဘတ် ၃၀၀၀၀ ပေးရတယ်လို့ ဆိုပါတယ်။
ဖမ်းခံရတဲ့ မြန်မာရွှေ့ပြောင်းလုပ်သားတွေ ကို လောင်ခွမ်ရဲစခန်းမှာ တရားဥပဒေအရ အမှုဖွင့်အရေးယူထားတယ်လို့ သိရပါတယ်။
Lao khwan ခရိုင် အတွင်း အခုလို မှောင်ခိုဝင်ရောက်တဲ့ ရွှေ့ပြောင်းလုပ်သား အုပ်စု တခါမှ မရှိခဲ့တဲ့အတွက် ယခုဖြစ်စဉ်ဟာမြန်မာ ရွှေ့ပြောင်းလုပ်သားတွေကို ပွဲစားကလှည့်စားခဲ့တယ်လို့ယူဆကြောင်းနဲ့ လုပ်သားများကို ဆက်လက်မေးမြန်းမှု တွေပြုလုပ်ရန်ရှိသေးကြောင်း သတင်းမှာ ဖေါ်ပြထားပါတယ်။
Ref-Naewna News
