NEWS

ပြည်ပ သွားရောက်သူတွေကို ​လေဆိပ်မှာ အသေးစိတ်စစ်ဆေးပြီး ထွက်ခွာခွင့်မပြုဘဲ ပြန်လွှတ်

CoverLogo
890 Views

ပြည်ပနိုင်ငံတွေကို  နိုင်ငံကူးလက်မှတ် PV ဖြင့်ထွက်ခွာပါက အထောက်အထားများ သာမက ဖုန်းအတွင်းအချက် အလက်များကိုပါ အသေးစိတ်စစ်ဆေးပြန်လွှတ်နေတာလို့ ကိုယ်တွေ့ကြုံသူတွေရဲ့ ထုတ်ဖော်ပြောဆိုချက်အရ သိရပါတယ်။ 

"စဦးဆုံး သူတို့ မေးတာက ဘယ်သွားမှာလဲ? ဘာသွားလုပ်မှာလဲ? ဘယ်လောက်ကြာမှာလဲ? ဟိုတယ် ငွေချေထားတာပြ? လေယာဉ် လက်မှတ် အသွားအပြန်ပြ? Show Money ပြ ဆိုပြီး အသေးစိတ် စစ်တာ"လို့  ကိုယ်တိုင်ကြုံတွေ့ရသူက ပြောထားပါတယ်။

ပြည်ပသို့ထွက်ခွာသူများအနေနဲ့ Passport စာအုပ်အသစ် တစ်ကြိမ်မှမထွက်ဖူးသူများနဲ့ PV ဖြင့်ထွက်ခွာသူများအတွက် လုံးဝအဆင်မပြေနိုင်သလို အလည်အပတ်ဖြင့်ထွက်ခွာမည့်အချက်အလက်အသေးစိတ်ပြနိုင်သော်လည်း ဖုန်း၊ မက်ဆင်ဂျာ၊ တယ်လီဂရမ်၊ ဗိုက်ဘာ၊ ဖုန်းမက်ဆေ့ စတာတွေအပြင် application တွေ အားလုံးကို စစ်ဆေးပြီး အကြောင်းပြချက်ကင်းမဲ့စွာဖြင့်  ထွက်ခွာမှုတွေ ပိတ်ပင်နေတာလို့ ဆိုပါတယ်။

စစ်ကောင်စီကတော့ ပြည်ပနိုင်ငံများသို့ သွားရောက်အလုပ်လုပ်ကိုင်မဲ့ မြန်မာအလုပ်သမားတွေဟာ Passport for Job (PJ) အမျိုးအစားလျှောက်ထားရမည့်အစား Passport for visit (PV) အမျိုးအစား နိုင်ငံကူးလက်မှတ်များလျှောက်ထားပြီး ထွက်ခွာကြတာကြောင့်  ရန်ကုန်လေဆိပ်တွင် အဆင်မပြေမှုများဖြစ်ပေါ်လျှက်ရှိတာကြောင့် PV မှ PJ သို့ပြောင်းလဲလျှောက်ထားမှူလက်ခံမယ်လို့  အောက်တိုဘာ ၂၇ ရက်ထုတ်ပြန်ခဲ့တာဖြစ်ပါတယ်။ 

" သူတို့ပဲအမျိုးမျိုးလုပ်နေတာ။ ကျမတို့ ၅ ယောက်လာတာ နောက်ဆုံးပဲ။ နောက်လူတွေ PV မရလို့ကားလမ်းကနေ ၂ လဗီဇာလုပ် လာကြရတယ်။ ပိုက်ဆံပိုကုန်လူတွေဒုက္ခရောက်နဲ့။ အစကတည်းက PV တွေမတားရင်ဘာမှမဖြစ်ဘူး။ ခုလိုပေးမှာအတူတူကို အလုပ်သမားတွေကို ခက်ခဲစေတယ်" လို့ ထိုင်းရောက်အလုပ်သမားတစ်ဦးက ဆိုပါတယ်။ 

ယခင်က PJ ဖြင့်သွားရောက်လုပ်ကိုင်မှုကို အသက်အရွယ်ကန့်သတ်လိုက်တာကြောင့်  အလည်အပတ် ဖြင့်ပြည်ပထွက်ခွာမှုတွေပြုလုပ်လာရာ PJ မှ  အလည်အပတ် ပက်ပို့စ် သို့ပြောင်းလဲလျှောက်ထားမှုကိုပိတ်ပင်လိုက်သလို  အလည်အပတ် ဖြင့် ပြည်ပထွက်ခွာမှုကိုပါ ပိတ်ပင်ထားတာဖြစ်ပါတယ်။ 

ယခုလိုမျိုးအလည်အပတ် ပက်ပို့စ် မှ PJ သို့ပြောင်းလဲလျှောက်ထားနိုင်မှုကို  အလုပ်သမားဝန်ကြီးဌာနက သတ်မှတ်ထားတဲ့အလုပ်အကိုင်ဆိုင်ရာ အထောက်အထားဖြင့် သက်တမ်းရှိ  အလည်အပတ် ပက်ပို့စ် အမျိုးအစားအား PJ အမျိုးအစား နိုင်ငံကူးလက်မှတ် လျှောက်ထားလာပါက လက်ခံဆောင်ရွက်ပေးမှာ ဖြစ်တယ်ဆိုပေမဲ့ မူလအတိုင်းအသက်အရွယ်ကန့်သတ်ထားတဲ့ဘောင်အတွင်းကသာ ပြုလုပ်နိုင်မှာလို့လည်းသိရပါတယ်။ 

ထိုသို့ နိုင်ငံကူးလက်မှတ်အမျိုးအစား ပြောင်းလဲလျှောက်ထားမှုကို ရန်ကုန်၊ မန္တလေးနှင့် နေပြည်တော်တို့တွင် နိုဝင်ဘာ ၄ ရက်က စတင် လက်ခံဆောင်ရွက်ပေးနေပြီလို့လည်း ဆိုထားပါတယ်။

 


Related posts

Cover
ကိုရီးယား EPS အထူးသီးသန့်စာမေးပွဲ ဖြေဆိုသူ ၇၀၀ ကျော်သာရှိ
Oct 17, 2025
Cover
ပြည်ပအလုပ်အကိုင်အကျိုးဆောင်အေဂျင်စီများ ရက် ၉၀ ကျော်လွန်သည်အထိ လိုင်စင်သက်တမ်းတိုး တင်ပြခြင်းမရှိပါက လိုင်စင်ပိတ်သိမ်းမည်ဟု အလုပ်သမားဝန်ကြီးဌာန ကြေညာ
Oct 17, 2025
Cover
ပန်းရောင်ကတ်တင်ရန် စောင့်နေသည့်မြန်မာလုပ်သား၁၃၁ဦးမဟာချိုင်တွင်အဖမ်းခံရ
Oct 17, 2025
Cover
လူသစ် ပန်းရောင်ကတ် (ဘတ်) ပြုလုပ်ပေးခြင်း ယာယီရက်ရွှေ့ဆိုင်း ကြောင်း ထိုင်းအလုပ်သမားဝန်ကြီးဌာနကြေညာ
Oct 16, 2025
Cover
ပန်းရောင်ကတ် အတွက် လူသစ်ဘတ်တင်သူများ Website တွင်အမည်စာရင်းတင်မရဖြစ်နေ
Oct 16, 2025
Cover
ဆောက်လုပ်ရေးလုပ်ငန်းမှမြန်မာအလုပ်သမား ၃၀ ဦး လုပ်အားခပုံမှန်မရသဖြင့် တိုင်ကြား
Oct 16, 2025
Cover
ထိုင်း-မြန်မာ နယ်စပ် တွင် အထောက်အထားမဲ့ နယ်စပ်ဖြတ်ကျော်သည့် မြန်မာအလုပ်သမား ၄၀ခန့် အဖမ်းခံရ (ရုပ်သံသတင်း)
Oct 15, 2025
Cover
ထိုင်းရောက် ကိုယ်လက်အင်္ဂါမသန်စွမ်းသည့် မြန်မာနိုင်ငံသားများကို အလုပ်ခေါ်ယူ (ရုပ်သံသတင်း)
Oct 15, 2025