NEWS

ပြည်ပအလုပ်ခေါ်စာရှိပေမယ့် တရားဝင်သွားရောက်မယ့် လုပ်သားရှားပါးနေ

CoverLogo
198 Views

ပြည်ပကနေ အလုပ်ခေါ်စာ ရရှိမှု ပုံမှန်ရှိနေပေမယ့် ပြည်တွင်း ကနေ တရားဝင် သွားရောက်မယ့်
အလုပ်သမား ရှားပါးနေတယ်လို့ ပြည်ပအလုပ်အကိုင် အေဂျင်စီတွေထံကသိရပါတယ်။

အမျိုးသားတွေ ကို ပြည်ပ အလုပ်ထွက်လုပ်ခွင့်အသက်ကန့်သတ် လိုက်ခြင်းနဲ့ နိုင်ငံကူးလက်မှတ် လျှောက်ထားရာ မှာ အချိန်ကြန့်ကြာခြင်းတွေကြောင့်လည်း တရားဝင် လမ်းကြောင်းကနေ သွားလိုတဲ့ လုပ်သားရှားပါးလာတာ ဖြစ်တယ်လို့ ဆိုပါတယ်။

""ပြည်ပ အလုပ်ခေါ်စာ အများစုက အမျိုးသားတွေခေါ်တာ များတယ် အခုအမျိုးသားတွေကို ၂၃ ကနေ ၃၁နှစ်အထိ က ပြည်ပထွက်အလုပ်လုပ်လို့မရတာရယ် ပတ်စပို့လျှောက် ကတာလဲ ရက်ချိန်းက ၅လ လောက် အနည်းဆုံးကြာနေတော့ လုပ်သားရှာရတာ အခက်ခဲ ဖြစ်နေတာ""လို့ ပြည်ပအလုပ်အကိုင်အေဂျင်စီ မှ တာဝန်ရှိသူတစ်ဦးကပြောပါတယ်။

ဒါ့အပြင် ပြည်တွင်း မှာ ဖြစ်ပေါ်နေတဲ့ အခြေနေ တွေ ကြောင့် အချို့ တွေ လူငယ်တွေဟာ ပြည်ပကို တရားမဝင် အောက်လမ်း မှ သွားရောက်တာတွေ ပိုများလာတယ်လို့ ဆိုပါတယ်။

""တရားဝင် သွားတယ်ဆို နှစ်နိုင်ငံ လုပ်ငန်းအဆင့်ဆင့်ရှိတော့ အချိန်ကာလ တစ်ခုတော့ပေးရတယ် အခုက  ပြည်ပ ထွက်ချင်သူတွေ က အဲ့အချိန်ကို မစောင့်နိုင်ဘူး အမြန် သွားချင်သူက များတယ်တရားမဝင် ဖြစ်လဲ တဘက် နိုင်ငံ ရောက်မှ အခြေနေ ကြည့် အလုပ်လုပ်မယ်ဆိုတဲ့သူတွေလည်းရှိတယ် အဲ့တော့ ပြည်ပထွက်တဲ့သူများပေမယ့် တရားဝင် အလုပ်သွား လုပ်မယ့်သူတွေမှာက အကန့်သက်တွေ များနေတော့ အေဂျင်စီ အများစုမှာ အလုပ်ခေါ်စာ တွေရှိပြီး လူမပြည့်လို့ စာချုပ်ချုပ် ဖို့ ခက်ခဲနေတာတွေများတယ် တချို့လဲ လူက ၁၀၀ လိုရင်
၅၀လောက်နဲ့ စာချုပ်ချုပ်လိုက်ရတာရှိတယ်""လို့ အေဂျင်စီ မှ တာဝန်ရှိသူတစ်ဦးကပြောပါတယ်။

အခုလို ပြည်ပကို တရားမဝင် သွားရောက် အလုပ် လုပ်လာသူ များလာတဲ့ အတွက် ဩဂုတ်လဆန်း ပိုင်းကစပြီး ရန်ကုန်လေဆိပ်မှာ PV နိုင်ငံကူးလက်မှတ် နဲ့ ပြည်ပထွက်ခွာသူတွေ ကို စစ်ဆေးမှုတင်းကြပ်လျက်ရှိပြီး သက်မှတ်ထားတဲ့ အချက်အလက် မပြည့်စုံသူတွေ ကို ပြည်ပထွက်ခွင့်မပေးဘဲ ပြန်လွှတ်တာတွေ ပြုလုပ်လျက်ရှိတယ်လို့ သိရပါတယ်။

 


Related posts

Cover
ဖူးခက် လ၀က အချုပ်ခန်းတွင် မြန်မာအမျိုးသမီးတစ်ဦး ကြိုးဆွဲချသေဆုံး
Aug 22, 2025
Cover
ပြည်ပရောက်မြန်မာနိုင်ငံသားတွေ ကြိုတင်မဲ ပေးလိုပါက ကိုယ်ရေးအချက်အလက် အပြည့်စုံ ဖေါ်ပြပြီး မြန်မာသံရုံး ကိုပေးပို့ တောင်းဆိုနိုင်ဟုဆို
Aug 22, 2025
Cover
ပြည်ပရောက်အလုပ်သမားရဲ့ မိသားစုထံလွှဲပို့ငွေအတွက် အေဂျင်စီတွေကို နေပြည်တော်ခေါ်ယူစိစစ်မည်
Aug 21, 2025
Cover
အထောက်အထားမဲ့ နယ်စပ်ဖြတ်ကျော်လာသည့် မြန်မာနိုင်ငံသား ၅၀ ကျော် အဖမ်းခံရ
Aug 21, 2025
Cover
အလုပ်ပြောင်း၊ သူဌေးပြောင်း မည့် လုပ်သားများ အလုပ်ပြောင်းစာ ဘိုင်ကျန့်အော် ထုတ်စရာမလိုတော့ဟု ထိုင်းအလုပ်သမားဝန်ကြီးဌာနထုတ်ပြန်
Aug 21, 2025
Cover
အထောက်ထားမပြည့်စုံတဲ့ ရွှေ့ပြောင်းလုပ်သားတွေကို ထိုင်းအစိုးရက ဘတ်အသစ်ရိုက်ပေးပြီး အလုပ်လုပ်ခွင့်ပြု
Aug 20, 2025
Cover
ရွှေ့ပြောင်းလုပ်သားတွေ ရွေးကောက်ပွဲမှာမဲပေးနိုင်ဖို့ စစ်ကော်မရှင်ကြိုးပမ်းနေ
Aug 20, 2025
Cover
ငလျင်ကြောင့် အဆောက်ဦးပြိုကျမှုမှ သေဆုံးတဲ့ မြန်မာလုပ်သား ၈ ဦးအတွက် နစ်နာကြေး ဘတ် ၈ သန်းပေး
Aug 20, 2025