NEWS

ပြည်ပနိုင်ငံများမှ အလုပ်ခေါ်စာလက်ခံမှု ယာယီရပ်ဆိုင်း

CoverLogo
198 Views
ပြည်ပနိုင်ငံတွေက နေလုပ်သားခေါ်ယူတဲ့ အလုပ်ခေါ်စာလက်ခံတာကို‌ ဖေဖော်ဝါရီလ(၁၃)ရက်က စတင်ပြီး အလုပ်သမားဝန်ကြီးဌာနက ယာယီရပ်နားလိုက်တယ်လို့ပြည်ပအလုပ်အကိုင်ဝန်ဆောင်မှုလုပ်ငန်းရှင်တွေဆီကသိရပါတယ်။
အလုပ်သမားဝန်ကြီးဌာနကစိစစ်ပြီးဖြစ်တဲ့အလုပ်ခေါ်စာတွေကိုတော့သတ်မှတ်ထားတဲ့လုပ်ငန်းစဉ်တွေအတိုင်းဆက်လက်လုပ်ဆောင်ရမယ်လို့သိရပါတယ်။
 
"Demand letter အသစ်တင်ပြရင်ဌာနဘက်က ယာယီရပ်နားတာကို ကြောင်းပြန်တယ်လို့တော့ သိထားတယ်။ အခုပြည်တွင်းမှာစစ်မှုထမ်းရမယ်ဆိုတော့ ပြည်ပထွက်ချင်တဲ့သူက အရမ်းများနေတယ်။ ဒီအခြေအနေမှာ demand letter တွေနားတယ်ဆိုတော့အဆင်မပြေဘူးလို့မြင်တယ်" လို့လုပ်ငန်းရှင်တစ်ဦးက ပြောပါတယ်။
 
စစ်အာဏာသိမ်းပြီးကတည်းက ပြည်ပမှာသွားရောက်လုပ်ကိုင်လိုမှုဟာ မြင့်တက်လာတာဖြစ်ပြီး လက်ရှိမှာတော့ အတည်ပြုလိုက်ပြီဖြစ်တဲ့ ပြည်သူ့စစ်မှုထမ်းဥပဒေကြောင့် အရင်ထက်ပိုမိုများလာနိုင်တယ်လို့ လုပ်ငန်းရှင်တွေက သုံးသပ်နေပါတယ်။
 
"Safe migration ရဲ့ telegram မှာလည်းအဲဒီကိစ္စတွေ့မိတယ်။ ပြောမယ်ဆို တကယ်ကို ချောင်ပိတ်ရိုက်တယ်လို့ပဲမြင်တယ်။တကယ်ဆို ပြည်ပရောက်နေတဲ့သူတွေဆီကလည်း လစာအခွန်ကောက်နေတာပဲ။ ဘာဖြစ်ဖြစ်တစ်ခုမှ မလွတ်အောင်ချုပ်ထားတာကို။ ပြည်ပမှာ အလုပ်လုပ်လို့မရအောင်ကို ကန့်သတ်တာကျလွန်တယ်" လို့လုပ်သားစုဆောင်းသူ ကိုယ်စားလှယ်တစ်ဦးကပြောပါတယ်။
 
လက်ရှိမှာစစ်ကောင်စီဟာ ပြည်ပမှာသွားရောက်လုပ်ကိုင်သူတွေဆီက ဝင်ငွေခွန်ကောက်ခံနေပါတယ်။ ဒါ့အပြင်စစ်မှုထမ်းဖို့သတ်မှတ်အသက်အရွယ်ပြည့်သူတိုင်းကို စစ်မှုထမ်းမှသာ ပတ်စပို့စ်စာအုပ်သက်တမ်းတိုးခွင့်ပေးမယ်လို့လည်း ပြောဆိုတာ တွေရှိနေပါတယ်။

Related posts

Cover
ဆေးနှင့် ဆက်စပ်ပစ္စည်များ ဈေးနှုန်းမြင့်တက်၊ ပစ္စည်းပြတ်လပ်မှုများရှိနေ
Apr 07, 2024
Cover
စစ်မှုထမ်းရန်မဲပေါက်သူတွေ ထွက်ပြေးတိမ်းရှောင်သွားလို့ ကျေးရွာတွေထံငွေကြေးအဓမ္မကောက်ခံဟုဆို
Apr 07, 2024
Cover
ထိုင်း-ကော့တောင်ကျွန်းအနီး ကုန်တင်သင်္ဘောမီးလောင်မှုမှာ မြန်မာလူငယ်တဦးပျောက်ဆုံးနေ
Apr 07, 2024
Cover
ကရိန်းပြိုကျမှုကြောင့်သေဆုံးခဲ့တဲ့ မြန်မာအလုပ် သမားတွေအတွက် ပေးရန်ကျန်ရှိတဲ့ ဘတ် ၁၁ သိန်းကိုနှစ်ပတ်အတွင်းပေးမယ်လို့လက်မှတ်ရေးထိုးထား
Apr 07, 2024
Cover
ထိုင်း ကော့တောင် ကျွန်းအနီး မြန်မာများပါဝင်တဲ့ကုန်တင်သင်္ဘောမီးလောင်
Apr 07, 2024
Cover
ရွှေ့ပြောင်းလုပ်သားအရေး လက်တွေ့လုပ်ဆောင်မှု အားနည်း
Apr 07, 2024
Cover
တရုတ်နိုင်ငံတွင် ဆန္ဒပြတောင်းဆိုမှု၊ ဦးဆောင်သူ မြန်မာအလုပ်သမားများအား အလုပ်ထုတ်
Mar 29, 2024
Cover
တရုတ်နိုင်ငံ SHANGCHENG Garment မှ မြန်မာလုပ်သား ၂၀၀ ခန့် နေရပ်ပြန်
Mar 22, 2024