NEWS

ပြည်တွင်းမှာ ကလေးလုပ်သားများပြားလာကြောင်း ILO ထုတ်ပြန်

CoverLogo
118 Views

ပြည်တွင်းမှာကလေးလုပ်သားတွေပိုမိုများပြားလာပြီး ကလေးငယ်တွေကို အကာအကွယ်ပေးဖို့လိုအပ်နေတယ်လို့အပြည်ပြည်ဆိုင်ရာအလုပ်သမားရေးရာအဖွဲ့(ILO)ကဇွန်လ(၁၂)ရက်မှာထုတ်ပြန်ခဲ့ပါတယ်။

ILO ကပြည်နယ်တစ်ချိူ့မှာလေ့လာခဲ့တဲ့တွေ့ရှိချက်တွေအရကလေးလုပ်သားတွေဟာအကြောင်းအရာမျိုးစုံကြောင့်တိုးပွားနေပြီးစစ်မှုထမ်းထမ်းတာကိုရှောင်တဲ့အနေနဲ့မိဘတွေကိုယ်တိုင်ကကလေးလုပ်သားအဖြစ်လုပ်ကိုင်ဖို့လိုလားနေတယ်လို့လည်းဖော်ပြထားပါတယ်။

"အိမ်ကသားက၁၄နှစ်လောက်ကိုလူကောင်ကထွားတယ်။အိမ်မှာထားရတာလည်းရင်တမမဖြစ်နေတော့သူ့အဒေါ်ဆိုင်ပို့ထားတယ်။ပိုက်ဆံကြောင့်မဟုတ်ဘူး။အရွယ်ကောင်းလေးမလို့ကိုယ့်နေရာမှာအသွားအလာမလုံခြုံလို့လောလောဆယ်အဆင်ပြေသေးတဲ့နေရာပို့ရတာ"ရွှေပြည်သာမြို့နယ်မှာနေထိုင်သူတစ်ဦးကပြောပါတယ်။

စစ်အာဏာသိမ်းပြီးနောက်မှာလူငယ်အများစုဟာပြည်ပထွက်ခွာနှုန်းမြင့်တက်လာပြီးပြည်တွင်းမှာလုပ်သားရှားပါးမှုဖြစ်ပေါ်နေပါတယ်။ဒီအခြေအနေမှာလုပ်ငန်းရှင်တွေကလည်းကလေးလုပ်သားတွေပိုသုံးလာရတယ်လို့ပြောပါတယ်။

"အခုကကလေးအလုပ်သမားပဲရတာများတယ်။အရွယ်ကောင်းတွေမရှိသလောက်ပဲ။အမှန်ကကလေးလုပ်သားဆိုတာနေရာတိုင်းအဆင်မပြေဘူး။သူတို့လုပ်နိုင်တဲ့နှုန်းကအကန့်အသတ်ရှိတယ်။အတင်းလည်းမခိုင်းချင်ဘူး။ပိုက်ဆံကုန်ပြီးလုပ်အားအပြည့်အ၀မရသလိုခံစားရတယ်"လို့ မူကထဆိုင်ဖွင့်လှစ်ထားသူတစ်ဦးကပြောပါတယ်။

အပြည်ပြည်ဆိုင်ရာအလုပ်သမားရေးရာအဖွဲ့ကလည်းပြည်တွင်းမှာကလေးလုပ်သားတွေတိုးလာတယ်လို့ဆိုပေမယ့်အရေအတွက်ကိုဖော်ပြထားတာမရှိပါဘူး။

ကမ္ဘာတစ်၀ှမ်းမှာတော့ကလေးလုပ်သားအရေအတွက်ဟာခန့်မှန်းခြေအားဖြင့်(သန်း၁၆၀)လောက်ရှိနေပြီး(၇၉သန်း)ကတော့ဘေးအန္တရာယ်ရှိတဲ့လုပ်ငန်းခွင်ထဲမှာ၀င်ရောက်လုပ်ကိုင်နေရတယ်လို့ဖော်ပြထားပါတယ်။

photo- ILO

 


Related posts

Cover
ဒေးကြေးနဲ့အချိန်ပိုကြေးတွေတိုးပေးဖို့ အလုပ်သမားတွေ ဆန္ဒဖော်ထုတ်
Jul 12, 2024
Cover
Heng Li Garment စက်ရုံအလုပ်သမားတွေ နားရက်မရှိလုပ်ကိုင်နေရပြီး အခွင့်အရေးချိုးဖောက်ခံရမှုများရှိနေ
Jul 11, 2024
Cover
JOC Myanmar Knitwear အထည်ချုပ်စက်ရုံအလုပ်သမားတွေ ဒေးကြေးတိုးပေးဖို့တောင်းဆို၊ အလုပ်သမား ၂ ဦးအလုပ်ထုတ်ခံရ
Jul 11, 2024
Cover
လူမှုဖူလုံရေးအကျုံးဝင်အလုပ်သမားများ မိမိတို့ရဲ့ဖူလုံရေးအထောက်အပံ့ရပိုင်ခွင့်တွေအပေါ် ပိုမိုသိရှိရန်လိုအပ်နေသေး
Jul 11, 2024
Cover
အခြေခံအလုပ်သမားတွေ ဆိုင်ဖျော်လဘက်ရည်တခွက် သောက်နိုင်ဖို့ အလှမ်းဝေးလာ
Jul 10, 2024
Cover
pepsi အချိုရည် ကုမ္ပဏီကိုထပ်တိုးတရားစွဲဆိုမှု ၁၈ ရက်နေ့သို့ပြန်လည်ချိန်းဆို
Jul 10, 2024
Cover
Wonderful Apparel အထည်ချုပ် အလုပ်သမားတွေ အခွင့်အရေးချိုးဖောက်ခံနေရ
Jul 09, 2024
Cover
၃ ရက်အတွင်း ဝမ်းပျက်ဝမ်းလျှောရောဂါ ဖြစ်ပွားသူ (၁၆၀) ကျော်ထိမြင့်တက်လာလို့ စက်ရုံအလုပ်သမားတွေ စိုးရိမ်နေရ
Jul 09, 2024