NEWS

ပေါ်တာဆွဲသည့် သတင်းတွေထွက်ပေါ်နေပြီး အခြေခံပြည်သူတွေအကြားစိုးရိမ်မှုတွေမြင့်တက်နေ

CoverLogo
725 Views

လူငယ်တွေပေါ်တာဆွဲခံရတဲ့သတင်း တွေ ဆက်တိုက်ဆိုသလိုထွက်ပေါ်နေတာကြောင့်စစ်မှုထမ်းဥပဒေအရအသက်ပြည့်မီသူရှိတဲ့မိသားစုဝင်တိုင်းဟာစိတ်ပူပန်ရတာတွေ ပိုများလာတယ်လို့ ရန်ကုန်မြို့နေပြည်သူတွေကပြောပါတယ်။

စစ်ကောင်စီ လက်မှတ်ရေးထိုး အတည်ပြုထားတဲ့ စစ်မှုထမ်းဥပဒေအရသတ်မှတ်ထားတဲ့အသက်အရွယ်ဟာလုပ်ငန်းခွင်ဝင်ရောက်နိုင်တဲ့ အရွယ်တွေဖြစ်ပြီး လက်ရှိမှာလုပ်ငန်းခွင်အများစုဟာမြို့လည်ခေါင်အချက်အချာကျတဲ့နေရာတွေ၊ လူစည်ကားရာနေရာတွေမှာတည်ရှိနေတာဖြစ်ပါတယ်။လုပ်ငန်းခွင်အများစုဟာလည်းညနေ(၆)နာရီဝန်းကျင်မှသာအလုပ်ပိတ်တာကြောင့်လှိုင်သာယာ၊ရွှေပြည်သာ၊မဂ်လာဒုံအစရှိတဲ့မြို့အစွန်အဖျား‌နေရာ‌မှာနေထိုင်သူတွေဟာ လုံခြုံရေးအခြေအနေကိုပါ စိုးရိမ်နေရတာဖြစ်ပါတယ်။

"ကျွန်‌တော်တို့ဘက်တွေမှာကစက်ရုံအလုပ်တွေပဲပေါတယ်။တခြားအလုပ်တွေလုပ်ချင်ရင်မြို့ထဲထိသွားမှအလုပ်အကိုင်အခွင့်အလမ်းရှိတယ်။ဒီကာလမှာအလုပ်နားလို့ကလည်းမဖြစ်ဘူး။အလုပ်ကလည်း(၆)နာရီနောက်ပိုင်းမှပြန်ရတယ်။အိမ်ပြန်ရင်လည်းမ‌ ရောက်မချင်းရင်တမမပဲ။အိမ်ကလူတွေလည်းစိတ်ပူရတယ်။ကိုယ်တိုင်လည်းကြောက်တယ်"လို့ရွှေပြည်သာမြို့နယ်မှာနေထိုင်သူတစ်ဦးကပြောပါတယ်။

ပြည်သူ့စစ်မှုထမ်းဥပဒေကိုပြဌာန်းပြီးနောက်ပိုင်းမှာလူငယ်တွေရဲ့စိတ်ပူပန်မှုဟာပိုမိုမြင့်တက်လာပြီးအကြောင်းမဲ့ဖမ်းဆီးခံရတဲ့ အကြောင်းတွေလည်း မကြာခဏဆိုသလိုသတင်းတွေထွက်ပေါ်နေပါတယ်။

"အပြန်ဆိုကားကလည်းအဆင်မပြေပါဘူး။အခုကပေါ်တာဆွဲမှာကြောက်ရတာနဲ့ခေတ်မကောင်းလို့ခိုးဆိုးလုနှိုက်ကြောက်ရတာနဲ့စိတ်တွေအဆင်မပြေဘူး။အခုကမြို့စွန်ဘက်တွေမှာည(၇)နာရီလောက်ဆိုလူမရှိတော့ဘူး"လို့
အမျိုးသမီးဝန်ထမ်းတစ်ဦးကပြောပါတယ်။

လက်ရှိမှာပေါ်တာဆွဲတဲ့သတင်းတွေကြောင့်စက်ရုံတွေမှာလုပ်ကိုင်နေရတဲ့သူတွေလည်းစိတ်ပူပန်နေရတယ်လို့ ပြောဆိုထားကြပါတယ်။

"အခုထိအချိန်ပိုတွေခေါ်တာရှိတယ်။ဖယ်ရီနဲ့ဆိုပေမယ့်ဖယ်ရီပေါ်တက်ဆွဲတောင်ပြောလို့ရတာမှမဟုတ်တာ။ဖြစ်နိုင်ရင်တော့ဒီကာလလေးတစ်ခုတော့အလုပ်ရှင်တွေဘက်ကလိုက်လျောပေးနိုင်ရင်ကောင်းမယ်။အခုဆိုကျွန်တော်တို့လည်းစိတ်ပူနေရတယ်။တစ်ခုခုဆိုစက်ရုံဘက်ကဘယ်လိုတာဝန်ယူမလဲဆိုတာကျမေးလို့မရဘူး"လို့စက်ရုံအလုပ်သမားတစ်ဦးကပြောပါတယ်။

အာဏာသိမ်း စစ်ကောင်စီလက်ထက်မှာ အများပြည်သူအတွက် လုံခြုံမှုမရှိတဲ့ အခြေအနေ ဟာပိုမိုဆိုးရွားလာနေတာဖြစ်ပြီး စစ်မှုထမ်းဥပဒေထုတ်ပြန်အတည်ပြုပြီးနောက်ပိုင်းမှာတော့ စိုးရိမ်မှုတွေပိုမိုမြင့်တက်လာနေတာပဲဖြစ်ပါတယ်။


Related posts

Cover
Sakura Garment လုပ်ခလစာ တိုးပေးပေမဲ့ တန်းတူမရရှိဟု အလုပ်သမားများပြော
Jun 30, 2025
Cover
Lesnart Myanmar Apparel နေ့စဉ်နီးပါး ညနက် အချိန်ပို လုပ်ကိုင်ခိုင်း
Jun 30, 2025
Cover
Hundred Garment တွင် ကလေးလုပ်သားများထံမှ လာဘ်ယူပြီး စက်လိုင်းမန်နေဂျာ အလုပ်သွင်းပေး
Jun 29, 2025
Cover
အသက် ၂၅နှစ် အထက်အမျိုးသားများအား သင်္ဘောသားလုပ်ခွင့်မပြုတော့
Jun 28, 2025
Cover
Best Garment အထည်ချုပ်စက်ရုံက အလုပ်သမား တစ်ဦးအား အလုပ်ထုတ်
Jun 28, 2025
Cover
Shwe Myinn လျှော်ဖွတ်လုပ်သားများ ထိခိုက်မှု အလုပ်ရှင်ဘက်မှ တာဝန်ယူမှု မရှိ ဟုဆို
Jun 28, 2025
Cover
Myanmar Fortress Wealth အထည်ချုပ် ခွင့် ခံစားခွင့်မပေးဘဲ ရက်တွက် ဒေးကြေးဖြတ်နေ
Jun 28, 2025
Cover
Preclo Myanmar အထည်ချုပ်စက်ရုံ အလုပ်သမားများအား အလုပ်ထုတ်၊ စာချုပ်ဖောက်ဖျက်ပြီး ရပိုင်ခွင့်များအား ငြင်းပယ်
Jun 26, 2025