မြန်မာနိုင်ငံမှာ လက်ရှိ ဖြစ်ပွားနေတဲ့ ပဋိပက္ခတွေကြောင့် ထိခိုက်နေရတဲ့ ပြည်သူတွေနဲ့ ဘင်္ဂလားဒေ့ရှ် နိုင်ငံမှာ ခိုလှုံနေထိုင်နေရတဲ့ ရိုဟင်ဂျာ ဒုက္ခသည်တွေကို ကူညီပံပိုး ရန် လူသားချင်းစာနာမှု အကူညီအဖြစ် ယူရို ၆၃သန်းကို ထောက်ပံမယ်လို့ ကြေညာပါတယ်။

 

မြန်မာနိုင်ငံအတွက် ယူရို ၃၈ဒသမ၆သန်းကို စားနပ်ရိက္ခာမလုံလောက်မှု အတွက် အရေးပေါ် အာဟာရပံပိုးမှု ၊နေရပ်စွန့်ခွာသူတွေ အတွက် အမိုးအကာထောက်ပံမှု၊သန့်ရှင်းသောရေနဲ့အညစ်ကြေးစွန့်ပစ်ရေးစနစ် ၊ကျန်းမာရေးဝန်ဆောင်မှုနဲ့မြေမြုပ်မိုင်းအန္တရာယ် အသိပညာပေးရေးနဲ့အရေးပေါ်ပညာရေး ကဏ္ဍ တွေမှာ အသုံးပြုမယ်လို့ သိရပါတယ်။

 

နောက်ထပ် ယူရို ၂၃.၄ သန်းကိုတော့ ဘင်္ဂလားဒေ့ရှ်နိုင်ငံကို ရွှေ့ပြောင်းသွားတဲ့ ဒုက္ခသည် ၁.၂ သန်းနီးပါးနဲ့​ေးသခံလူထုတွေကို စားနပ်ရိက္ခာ အာဟာရ၊နေထိုင်ဖို့ အမိုးအကာ စတာတွေပါဝင်တဲ့ အသက်ကယ် အကူအညီတွေ ထောက်ပံ့ပေးဖို့ ရည်ရွယ်ထားတယ်လို့ သိရပါတယ်။

 

ဒါ့အပြင် မြန်မာ့အရေးကြောင့် အိမ်နီးချင်း နိုင်ငံ တွေလည်း သက်ရောက်မှုရှိတဲ့ အတွက် အိန္ဒိယ၊အင်ဒိုနီးရှား၊မလေးရှား၊နဲ့ ထိုင်းနိုင်ငံတို့မှာ နေထိုင်လျက်ရှိတဲ့ နေရပ်အိုးအိမ်စွန့်ခွာလာကြတဲ့ ဒုက္ခသည်တွေနဲ့ လက်ခံကူညီပေးတဲ့ ဒေသခံတွေ အတွက် ယူရို၁သန်း ထပ်ဆောင်း ကူညီပေးသွားမယ်လို့သိရပါတယ်။

 

ဥရောပသမဂ္ဂ(EU) က ပေးအပ်မဲ့ လူသားချင်းစာနာထောက်ထားမှုဆိုင်ရာ ရန်ပုံငွေအားလုံးကို နိုင်ငံတကာ NGO တွေနဲ့ ကုလသမဂ္ဂ(UN) အေဂျင်စီတွေလို မိတ်ဖက်အဖွဲ့အစည်းတွေကတစ်ဆင့် ပေးပို့သွားမယ်လို့ အသိပေးထုတ်ပြန်ထားပါတယ်။