NEWS

နေ့စားအလုပ်သမားတွေကို အလုပ်မှမကြာခဏထုတ်ပယ်နေ

CoverLogo
450 Views

ရန်ကုန်တိုင်း ရွှေပြည်သာမြို့နယ် သာဓုကန်စက်မှုဇုန် ၄ ကျောက်စိမ်းလမ်းမှာဖွင့်လှစ်ထားတဲ့ Sunrise Myanmar Fashion Garment မှာ နေ့စားအလုပ်သမားတွေကို မကြာခဏအလုပ်ကနေ  ထုတ်ပယ်နေပြီး အသစ်များထပ်မံခေါ်ယူခိုင်းစေကာ အလုပ်သမားအခွင့်အရေးချိုးဖောက်မှုတွေ ပြုလုပ်လျက်ရှိတာကြောင့် ကူညီဖြေရှင်းပေးဖို့ အလုပ်သမားတွေကတောင်းဆိုထားပါတယ်။

တရုတ်နိုင်ငံသားပိုင်လုပ်ငန်းဖြစ်တဲ့ အဆိုပါလုပ်ငန်းခွင်မှာ အလုပ်သမား ၁၀၀၀ ကျော်နဲ့ GLOBAL WORK, WOLLYTEC, CINEMA CLUB, HARE, LEPSIL,URBAL FUNCTION , SINCE 1930 UNITED ATHLA, FINO-OUT, LOWRYS FARM, AIRTHERMAL စတဲ့အမှတ်တံဆိပ်တွေချုပ်လုပ်နေတာလို့ သိရပါတယ်?

လုပ်ငန်းခွင်အတွင်း အလုပ်သမားရေးရာ ညှိနှိုင်းမှုကော်မတီ ဖွဲ့စည်းထားပြီး အလုပ်သမားသမဂ္ဂအဖွဲ့တော့ဖွဲ့စည်းထားတာမရှိဘူးလို့သိရပါတယ်။

လုပ်ငန်းခွင်အတွင်း Finishing တာဝန်ခံဆိုသူက နေ့စားအလုပ်သမားတွေကို နစ်နာကြေးမပေးဘဲ အလုပ်ကနေ အကြောင်းပြချက်မရှိထုတ်ပယ်နေပြီး နေ့စားအလုပ်သမားတွေကို တပတ်တကြိမ်ရှင်းစနစ်နဲ့  တနင်္လာနေ့ကနေ စနေနေ့ထိ ခိုင်းစေပြီး တနင်္ဂနွေနေ့မှာ  အလုပ်မလုပ်ရတာကြောင့် ဒေးကြေး လည်း ရရှိခြင်းမရှိလို့ နစ်နာမှုတွေ ဖြစ်ပေါ်နေတယ်လို့ အလုပ်သမားတွေကပြောပါတယ်။

အကြောင်းပြချက်မရှိဘဲအလုပ်ကထုတ်ပယ်ခံလိုက်ရတဲ့ နေ့စားအလုပ်သမားတွေဟာ လုပ်သက် ၃ လ ကနေ ၄ လအထိ လုပ်ကိုင်ခဲ့ပြီးနောက် နစ်နာကြေးလည်းမရဘဲ အလုပ်ကနေ ဥပဒေမဲ့ထုတ်ပယ်ခံရတာလို့ အလုပ်သမားကပြောပါတယ်။

ပြီးခဲ့တဲ့ မတ်လ ၁၈ ရက်နေ့မှာလည်း နေ့စားအလုပ်သမား အနည်းဆုံး ၂၀ ဝန်းကျင်ကို အလုပ်ကနေထုတ်ပယ်ခဲ့သေးတယ်လို့ ဆိုပါတယ်။

"နေ့စားတွေကို အလုပ်ထုတ်ရင် ကြိုပြောတာမဟုတ်ဘဲ အလုပ်ဆင်းချိန်ရောက်တော့မှ နောက်နေ့ အလုပ်မလာကြတော့နဲ့ အလုပ်နားလိုက်ပြီဆိုပြီးပြောတာ နောက်နေ့လည်းကျရော နေ့စားအသစ်တွေထပ်ခန့်ပြီးခိုင်းနေတာ ဆိုတော့ အလုပ်သမားဥပဒေတွေကို ပြောင်ပြောင်တင်းတင်းချိုးဖောက်နေတာပေါ့နော် စက်ရုံကို စစ်ဆေးရေးခဏခဏလာစစ်လည်း ဘာမှပြောင်းလဲသွားတာမရှိဘူးလို့ အလုပ်သမားကပြောဆိုပါတယ်။

လက်ရှိကာလဟာ မြန်မာနိုင်ငံရဲ့ ယဉ်ကျေးမှုတရပ်ဖြစ်တဲ့ ရိုးရာသင်္ကြန်ပွဲတော် ပိတ်ရက်နီးကပ်လာပြီဖြစ်တာကြောင့် ရုံးပိတ်ရက်ရှည် နီးကပ်လာချိန်မှာ အလုပ်အကိုင်အသစ်များထပ်မံလျှောက်ထားရန်ခက်ခဲနေလို့ စည်းကမ်းချိုးဖောက်ခြင်းမရှိတဲ့ နေ့စားအလုပ်သမားတွေကို အလုပ်ကနေ ထုတ်ပယ်ခြင်းမပြုစေလိုဘူးလို့ အလုပ်သမားကပြောဆိုပါတယ်။

အလုပ်သမားဥပဒေပါပြဌာန်းချက်တွေအရ နေ့စားအလုပ်သမားတွေကို ကြိုတင်အသိပေးခြင်းမရှိဘဲ အလုပ်ကထုတ်ပယ်တဲ့အပေါ် နို့တစ်ကြေး တနင်္ဂနွေ ပိတ်ရက်အတွက် ဒေးကြေးတွေကို ဘက်ဒိတ်နဲ့ ပြန်လည်ပေးချေစေလိုတယ်လို့ အလုပ်ထုတ်ခံရတဲ့ အလုပ်သမားတွေကတောင်းဆိုထားပါတယ်။


Related posts

Cover
စိုက်ပျိုးရေးလုပ်သားရှားပါးတာကြောင့် ယခင်နှစ်ထက်လုပ်ခသုံးဆခန့်တိုးပေးခေါ်ယူနေရ
Jun 14, 2024
Cover
ပြည်တွင်းမှာ ကလေးလုပ်သားများပြားလာကြောင်း ILO ထုတ်ပြန်
Jun 14, 2024
Cover
ကုန်ဈေးနှုန်းမြင့်တက်မှုတွေကြောင့် လုပ်ခလစာတိုးပေးတဲ့ ကုမ္ပဏီလုပ်ငန်းရှင်အချို့ကို စစ်ကောင်စီက ပုဒ်မ ၅၀၅ ဖြင့်ဖမ်းဆီးစစ်ဆေး
Jun 12, 2024
Cover
ဥပဒေမဲ့အလုပ်ထုတ်တာတွေမလုပ်ဖို့နဲ့ တနင်္ဂနွေနေ့နားရက်ပေးဖို့ အလုပ်သမားတွေပြော
Jun 12, 2024
Cover
ILO ညီလာခံတွင် ဆွေးနွေးနေသည့် အမျိူးသမီးခေါင်းဆောင်(၂)ဦးအား ထောက်ခံသည့် ကမ်းပိန်းပြုလုပ်
Jun 12, 2024
Cover
Made စီမံချက်အား MICS အလုပ်သမားအဖွဲ့ချုပ် ပူးပေါင်းဆောင်ရွက်မှုမရှိကြောင်း ထပ်မံထုတ်ပြန်
Jun 12, 2024
Cover
အတင်းအကျပ် အချိန်ပိုခေါ်ယူမှုများ ဖြစ်ပေါ်နေပြီး၊ လုပ်သားတဦး နာရီ ၁၂၀ အထိ အချိန်ပို လုပ်ကိုင်နေရ
Jun 12, 2024
Cover
အထည်စံချိန်ကို ချုပ်လုပ်နိုင်တာထက်ပိုမိုသတ်မှတ်တောင်းခံပြီး မပြည့်ပါက အချိန်ပိုကြေးမပေးဘဲ ခိုင်းစေ
Jun 11, 2024