ပြည်တွင်းဈေးကွက်အတွင် နို့မှုန့်အတု တွေ ဖြန့်ဖြူးရောင်းချနေကြောင်း စိစစ်တွေ့ရှိတဲ့ အတွက် စားသုံးသူတွေ သတိထား ဝယ်ယူဖို့ အစားအသောက်နှင့် ဆေးဝါးကွပ်ကဲရေးဦးစီးဌာန FDAမှ သတိပေး ထုတ်ပြန်ထားပါတယ်။

 

DKSHMyanmar Ltd မှ တင်သွင်း ပြီး ထောက်ခံချက်ရရှိထားတဲ့ နို့စို့ကလေးနှင့် ကလေးငယ်များအတွက် ဖော်စပ်စာ Dumex Dupro အမှတ်တံဆိပ်ပါ ကုန်ပစ္စည်း တွေ ကို စျေးကွက်အတွင်းအတု ပြုလုပ်ပြီး ဖြန့်ဖြူးရောင်းချနေ တာတွေ စိစစ်တွေ့ရှိရတယ်လို့ ဆိုပါတယ်။

 

၎င်းပစ္စည်းတွေဟာ စားသုံးသူရဲ့ ကျန်းမာရေးကို ထိခိုက်စေနိုင်ပြီး အရည်အသွေးအာမခံချက်နှင့် တာဝန်ယူမှု တာဝန်ခံမှုမရှိတဲ့ အတွက် နို့မှုန့်အတုကို ဝယ်ယူခြင်းမပြုဖို့ အသိပေးထားပါတယ်။

 

စားသုံးသူတွေ Dumex Duproအတု၊ အစစ် ခွဲခြား သိရှိရန် ကိုလည်း အသိပေးထားပြီး ကုန်ပစ္စည်း အတု တွင် ဒူးမတ်ဟု မြန်မာစာသားကို (တ်) ဖြင့် စာလုံးပေါင်းထားပြီး ထုတ်လုပ်ဖြန့်ဖြူးရောင်းချသူအမည်၊လိပ်စာ မူရင်းထုတ်လုပ်သည့် Danone ကုမ္ပဏီ Logo နှင့် Call Center ဖုန်းနံပါတ်မပါဟု ဖော်ပြထားပါတယ်။

 

ဖြန့်ဖြူးရောင်းချသူတွေ အနေနဲ့ လည်း ၄င်းကုန်ပစ္စည်း အတု ကို မရောင်းချဖို့ သတိပေးထားပြီး လိုက်နာမှုမရှိပါက အမျိုးသားအစားအသောက် ဥပဒေ ပုဒ်မ ၃၁ အရ အရေးယူဆောင်ရွက်မည်ဖြစ်ကြောင်း FDA က ကြေညာထားပါတယ်။