NEWS

နို့တစ်ကြေးမပေးဘဲ ပိတ်သိမ်းသည့် YFA စက်ရုံ အမည်ပြောင်းဖွင့်လှစ်၊ သမဂ္ဂအဖွဲ့၀င်များအား ပြန်လည် ခန့်အပ်ခြင်း မရှိ

CoverLogo
238 Views
 
ရန်ကုန်မြို့၊ ရွှေပြည်သာမြို့နယ်၊ ဝါးတရာစက်မှူဇုန်၊ တပင်ရွှေထီးလမ်းက Yangon Fukuyama Apparel (YFA) အထည်ချုပ်စက်ရုံဟာ နို့တစ်ကြေးမပေးဘဲ စက်ရုံပိတ်သိမ်းခဲ့ပြီးနောက် တခြား စက်မှုဇုန်မှာ အမည်ပြောင်း ဖွင့်လှစ်ထားတယ်လို့ သွေးစည်းညီညွတ်သော အလုပ်သမားများ သမဂ္ဂအဖွဲ့ချုပ် STUM ဆီက သိရပါတယ်။
 
စက်ရုံကို ငွေပင်လယ် စက်မှုဇုန်မှာ ပြန်လည်ဖွင့်ထားပြီး သမဂ္ဂအဖွဲ့ဝင်တွေအပေါ် ချိုးဖောက်မှုတွေ ရှိနေတယ်လို့ လည်း အဖွဲ့ဝင် တဦး က ပြောပါတယ်။
 
“ YFA အထည်ချုပ် စက်ရုံက လှိူင်သာယာ ငွေပင်လယ်ဇုန်မှာ LONGZHISHANG SDI MANUFACTURING CO;LTD ဆိုပြီး အမည်ပြောင်းပြီး ဖွင့်ထားတယ်။ YFA ရုံဟောင်း က တခြား အလုပ်သမားတွေကို အလုပ်ပြန် ခန့် တယ်။ သမဂ္ဂ အဖွဲ့ဝင်တွေကိုတော့ အလုပ်ပြန်ခန့်ခဲ့တာ မရှိဘူး။ ဒါက သမဂ္ဂ ကို ခွဲခြားဆက်ဆံတယ်၊ သမဂ္ဂကို ဖြိုခွဲတာ ။ ILO Convention 87 ကို ချိုးဖောက်တာမို့ သက်သေ အနေနဲ့ မှတ်တမ်း ထားမယ်။ စက်ရုံပိုင်ရှင်က ဂျပန်၊ကိုရီးယား၊ တရုတ် လူမျိုးတွေပိုင် ကုမ္ပဏီ၊ လက်ရှိချုပ်နေတဲ့ brand ကလည်း အရင်ချုပ်လက်စ Jichodo brand ပါ”လို့ STUM တာဝန်ရှိသူက ပြောပါတယ်။
 
၂၀၂၂ ခုနှစ် နိုဝင်ဘာလမှာ YFA အထည်ချုပ် စက်ရုံက ပိတ်သိမ်းမယ်ဆိုပြီး အလုပ်သမား ၁၃၅ ယောက်ကို အလုပ်က ရပ်စဲခဲ့ပြီး အဲဒီ အတွက် နစ်နာကြေးရရှိဖို့ တောင်းဆိုမှုကို ခုံကောင်စီမှာ အဆုံးအဖြတ် ရယူခဲ့ ကြတယ်လို့ ဆိုပါတယ်။
 
စက်ရုံ ပိတ်သိမ်းမှုအတွက် နို့တစ်ကြေးပေးဖို့ ဒါမှမဟုတ် အလုပ်ပြန် ခန့်အပ်ပေးဖို့ အလုပ်သမားတွေက တောင်းဆိုခဲ့ရာမှာ အကြိမ်ကြိမ်ညှိနှိုင်းမှု ပြုလုပ်ပြီးနောက် ၂၀၂၂ခုနှစ် ဒီဇင်ဘာ၁၂ ရက်မှာ YFA အထည်ချုပ် စက်ရုံက အလုပ်သမားတွေကို လျော်ကြေးပေးတာ မရှိသလို အလုပ်ပြန် မခန့်အပ်နိုင်ဘူး ဆိုတာကြောင့် ခုံကောင်စီက အလုပ်သမားတွေကို ကရုဏာကြေး သုံးသောင်းစီပေးဖို့ ဆုံးဖြတ်ခဲ့တာဖြစ်ပါတယ်။
 
ခုံကောင်စီရဲ့ ဆုံးဖြတ်ချက်ကိုကျေနပ်မှု မရှိပေမဲ့ YFA အလုပ်သမားတွေက လိုက်နာခဲ့ကြတယ်လို့လည်း ပြောကြားထားပါတယ်။

Related posts

Cover
စိုက်ပျိုးရေးလုပ်သားရှားပါးတာကြောင့် ယခင်နှစ်ထက်လုပ်ခသုံးဆခန့်တိုးပေးခေါ်ယူနေရ
Jun 14, 2024
Cover
ပြည်တွင်းမှာ ကလေးလုပ်သားများပြားလာကြောင်း ILO ထုတ်ပြန်
Jun 14, 2024
Cover
ကုန်ဈေးနှုန်းမြင့်တက်မှုတွေကြောင့် လုပ်ခလစာတိုးပေးတဲ့ ကုမ္ပဏီလုပ်ငန်းရှင်အချို့ကို စစ်ကောင်စီက ပုဒ်မ ၅၀၅ ဖြင့်ဖမ်းဆီးစစ်ဆေး
Jun 12, 2024
Cover
ဥပဒေမဲ့အလုပ်ထုတ်တာတွေမလုပ်ဖို့နဲ့ တနင်္ဂနွေနေ့နားရက်ပေးဖို့ အလုပ်သမားတွေပြော
Jun 12, 2024
Cover
ILO ညီလာခံတွင် ဆွေးနွေးနေသည့် အမျိူးသမီးခေါင်းဆောင်(၂)ဦးအား ထောက်ခံသည့် ကမ်းပိန်းပြုလုပ်
Jun 12, 2024
Cover
Made စီမံချက်အား MICS အလုပ်သမားအဖွဲ့ချုပ် ပူးပေါင်းဆောင်ရွက်မှုမရှိကြောင်း ထပ်မံထုတ်ပြန်
Jun 12, 2024
Cover
အတင်းအကျပ် အချိန်ပိုခေါ်ယူမှုများ ဖြစ်ပေါ်နေပြီး၊ လုပ်သားတဦး နာရီ ၁၂၀ အထိ အချိန်ပို လုပ်ကိုင်နေရ
Jun 12, 2024
Cover
အထည်စံချိန်ကို ချုပ်လုပ်နိုင်တာထက်ပိုမိုသတ်မှတ်တောင်းခံပြီး မပြည့်ပါက အချိန်ပိုကြေးမပေးဘဲ ခိုင်းစေ
Jun 11, 2024