ဂျပန်နိုင်ငံရောက် မြန်မာနိုင်ငံသားတွေ ထဲက မြန်မာသံရုံးတိုကျိုမှာ နိုင်ငံကူးလက်မှတ်စာအုပ်သက်တမ်းတိုးပြီး ကာယကံရှင်တွေနဲ့ အဆက်သွယ်မရဖြစ်နေတဲ့ မြန်မာနိုင်ငံသား၈၉ဦး ကို စာအုပ်တွေ လာရောက်ထုတ်ယူဖို့တိုကျိုရှိ မြန်မာသံရုံးက အသိပေးကြေညာထားပါတယ်။
မြန်မာသံရုံး တိုကျိုအနေနဲ့ ကောင်စစ်ဆိုင်ရာ ကိစ္စရပ်တွေကို လူကိုယ်တိုင်လျှောက်ထားရင်၎င်း၊စာတိုက်မှ လျှောက်ထား၍၎င်း ကောင်စစ်ဆိုင်ရာ ကိစ္စရပ်တွေကို လုပ်ဆောင်ပြီးတဲ့အခါ ကာယကံရှင်တွေထံ စာတိုက်ကတစ်ဆင့် ပြန်လည်ပေးပို့ပေမယ့် လက်ခံမယ့်သူ မရှိတာကြောင့် သံရုံးသို့ ပြန်လည် ရောက်ရှိလာတယ်လို့ဆိုပါတယ်။
နိုင်ငံကူးလက်မှတ် သက်တမ်းတိုးပြီး မထုတ်ယူရသေးတဲ့ သူတွေထဲမှာ အလုပ်အကိုင်အတွက် ထုတါပေးထားတဲ့ PJနိုင်ငံကူးလက်မှတ်အမျိုးအစား အလည်အပတ်အတွက်ထုတ်ပေးထားတဲ့ PVနိုင်ငံကူးလက်မှတ်နဲ့ကျောင်းသား၊ပညာတော်သင်စတဲ့သူတွေ အတွက် ထုတ်ပေးတဲ့ PEနိုင်ငံကူးလက်မှတ် အမျိုးအစား တွေကို တွေ့ရပါတယ်။
နိုင်ငံကူးလက်မှတ် ထုတ်မယူရသေးတဲ့ သူတွေ အနေနဲ့ မြန်မာသံရုံးရဲ့ ကြေညာချက်နဲ့အတူ သံရုံးသို့ ရုံးချိန်အတွင်း လာရောက်ထုတ်ယူနိုင်တယ်လို့ အသိပေးထားပါတယ်။
ဂျပန် နိုင်ငံရောက်မြန်မာနိုင်ငံသားတွေ အနေနဲ့ နိုင်ငံကူးလက်မှတ်သက်တမ်းတိုး ဖို့ ကို online appointmentစနစ်ဖြင့်ရက်ချိန်း ရယူ ပြီး လုပ်ဆောင်နိုင်သလို သံရုံးကိုလူကိုယ်တိုင်လာရောက်လျှောက်ဖို့ အခက်ခဲ ဖြစ်တဲ့ ဝေးလံဒေသ ရောက် မြန်မာနိုင်ငံသားတွေကို စာတိုက်ကတစ်ဆင့် ပေးပို့လျှောက်ထား နိုင်တယ်လို့ မြန်မာသံရုံးတိုကျိုထံမှ သိရပါတယ်။
