ထိုင်းနိုင်ငံတောင်ပိုင်း၊ စုန်ခလာခရိုင်၊ ဟတ်ယိုင်နယ်မြေရှိ INNOVATIVE GLOVES လက်အိတ်စက်ရုံတွင် အလုပ်ရုံမန်နေဂျာမှ အလုပ်သမားခေါင်းဆောင်များအား ဖိအားပေးအလုပ်ထွတ်ခိုင်းသည့်အတွက် အလုပ်သမားမျာစုပေါင်းဆန္ဒပြမှုဖြစ်ပွားခဲ့တယ်လို့ထိုင်းရောက်မြန်မာရွှေ့ပြောင်းလုပ်သားအရေးကူညီပေးနေတဲ့ MWRN အဖွဲ့ထုတ်ပြန်ပါတယ်။

၄င်းအလုပ်ရုံတွင် ပထမအကြိမ်စုပေါင်းတောင်းဆိုမှုတစ်ခုဖြစ်ခဲ့ပြီး လုပ်အားခအပြည့်အဝမရခဲ့သည့်အတွက် နောက်ကြောင်းပြန် လျော်ကြေးတနှစ်စာပြန်ပေးရန်တောင်းဆိုတိုင်ကြားထားမှု နှင့်ပတ်သက်ပြီး အလုပ်ရုံဖက်မှ အလုပ်သမားများနားမလည်သည့် ဘာသာစကားဖြင့် အတင်းလက်မှတ်ထိုးခိုင်းကာအလုပ်သမားခေါင်းဆောင်များအား အလုပ်မှထုတ်ရန် ဖိအားပေးခြင်းဖြစ်တယ်လို့လဲ MWRN ကဖော်ပြပါတယ်။

အဆိုပါဆန္ဒပြမှု့ကြောင့် အလုပ်သမားများမှ စုပေါင်းတောင်းဆိုမှုပြုလုပ်ခဲ့ရာ အလုပ်သမားခေါင်းဆောင်များအား အလုပ်မထုတ်ရန် သဘောတူညီမှုရရှိခဲ့​ပြီး
၄င်းဖြစ်စဥ်နှင့် ပတ်သက်၍ MWRN ( ဟတ်ယိုင်)အဖွဲ့မှ အနီးကပ်စောင့်ကြည့်ကူညီပေးခဲ့တယ်လို့လဲသိရပါတယ်။

MWRN အနေနဲ့ နောက်ကြောင်းပြန်လျော်ကြေးတနှစ်စာကိုလည်းခံစားခွင့်ရရှိအောင် ဥပဒေအရ ဆက်လက်ကူညီပေးသွားမည်ဖြစ်ပြီး  ၄င်းနောက်ကြောင်းပြန်လျော်ကြေးတနှစ်စာမှာ အလုပ်သမားအားလုံးအတွက် ဘတ်လေးသန်းကျော်ဖြစ်တယ်လို့လဲဆိုပါတယ်။

Photo-MWRN