ကုန်စျေးနှုန်းကြီးမြှင်လာမှုကြောင့် လုပ်ခလစာ ဒေးကြေးတစ်သောင်းသုံးထောင်ကျပ် တိုးမြှင့်ပေးဖို့ Rum Yang (Myanmar) အထည်ချုပ် စက်ရုံလုပ်သားတွေဟာ ဇွန်လ (၁၁)ရက်က စက်ရုံ HR ရုံးရှေ့မှာ စုပေါင်းတောင်းဆိုကြတာဖြစ်ပါတယ်။

 

ရန်ကုန်တိုင်းဒေသကြီး၊ ရွှေပြည်သာမြို့နယ်၊ ဝါးတရာ စက်မှုဇုန်၊ မဟာမြိုင်လမ်းရှိ Rum Yang(Myanmar) အထည်ချုပ်စက်ရုံ လုပ်သားတွေက လုပ်ခလစာ တိုးမြှင့်ပေးဖို့ စတုတ္ထမြောက်နေ့ စုပေါင်းတောင်းဆိုနေကြတာပါ။

 

TEERANOVA ၊ AMISU အမှတ် တံဆိပ် တွေချုပ်လုပ်နေတာ ဖြစ်ပြီး ဇွန်လ ၆ ရက်နေ့က စတင်ကာ အနည်းဆုံး လုပ်ခ တစ်သောင်းသုံးထောင် ကျပ် တိုးမြှင့်ပေးဖို့ တောင်းဆိုနေကြတာပါ။

 

တောင်းဆိုချက် အရ (၁) Day ကြေး တစ်သောင်းသုံးထောင် ကျပ်တိုးပေးရန် (၂) OT ကြေး နှစ်ထောင်ငါးရာ ကျပ် တိုးပေးဖို့နဲ့ (၃) ရက်မှန်ကြေး ခြောက်သောင်း ကျပ်တို့ကို တိုးမြှင့်ပေးဖို့ တောင်းဆိုထားတယ်လို့သိရပါတယ်။

 

စုပေါင်းတောင်းဆိုတဲ့နေ့ ဒုတိယမြောက်နေ့မှာ စက်ရုံစူပါတွေ အလုပ်သမား ငါးဆယ်ဦးကို စက်ရုံထဲဆွဲခေါ်ကာ လက်မှတ်ရေးထိုးခိုင်းတာတွေရှိပြီး လက်ရှိ တောင်းဆိုနေတဲ့ အလုပ်သမားတွေနဲ့ တရားဝင် သုံးပွင့်ဆိုင် ညှိနှိုင်းဆွေးနွေးတာတွေ မရှိဘဲ စုပေါင်းတောင်းဆိုတဲ့ လုပ်သားတွေကို စက်ရုံအတွင်းပေးမဝင်တာတွေ ရှိပါတယ်။

 

မြန်မာနိုင်ငံတွင် ကုန်စျေးနှုန်းနှင့် လူနေမှုစရိတ်မြင့်မားလာသည့်အတွက် လက်ရှိ သတ်မှတ်ထားသည့် အနည်းဆုံးလုပ်ခလစာသည် စက်ရုံလုပ်သားများ စားဝတ်နေရေးအတွက်ဖူလုံမှုမရှိတော့သည့်အတွက် အခြေခံစက်ရုံလုပ်သားများသည် အခြေခံလုပ်ခလစာ တိုးမြင့်ရေးအတွက် တောင်းဆိုမှုတွေများ လာပါတယ်။