NEWS

ဒေးကြေးတိုးတောင်းတဲ့ Kingsrich (MYANMAR) Fashion စက်ရုံအလုပ်သမားတွေ နှုတ်ကတိဖြင့် ပြေလည်မှုရရှိ

CoverLogo
208 Views

ရန်ကုန်တိုင်း၊ ရွှေပြည်သာမြို့၊ ၁၈ ရပ်ကွက်၊ ရေပြာလမ်း ၊အမှတ်-- ရှိ Kingsrich (MYANMAR) Fashion Limited မှာ၀င်ရောက်လုပ်ကိုင်နေကြတဲ့  အလုပ်သမားတွေဟာ ဒီကနေ့ ဇွန် ၁၀ရက်နံနက်ပိုင်းက  ဒေးကြေးတိုးပေးဖို့စက်ရုံတစ်ရုံလုံး အလုပ်ရပ်ပြီး ဆန္ဒပြတောင်းဆိုခဲ့ကြရာ  လုပ်ငန်းရှင်ဘက်က ဒေးကြေး ၇၅၀၀ ပေးမယ်လို့ နှုတ်ကတိဖြင့်လတ်တလောပြေလည်မှုရရှိထားတယ်လို့ ကနဦးသိရပါတယ်။ 

"ဒေးကြေးက ၇၅၀၀ အိုတီကြေးက ၂၀၀၀ နဲ့အဆင်ပြေသွားတယ်။ အရင်က ၄၈၀၀ အိုတီကြေးက ၁၄၀၀။ ခုဒီ ၄၈၀၀ ကနေ  ၅၈၀၀ တောင်မှတိုးဖို့တော်တော်ကြာတယ်။ ကြာတော့ခုလည်းတိုးဖို့မစောင့်နိုင်ကြတော့လို့ ခုလိုတောင်းဆိုလိုက်ကြတာ။ ခုညနေ၄ခွဲပြန်ခါနီးမှ  စူပါတွေ လီဒါတွေကိုခေါ်ပြီး ၀န်ထမ်းတွေတောင်းဆိုတာကိုလက်ခံတယ်လို့ပြောတယ်။ စာချုပ်တော့မချုပ်ရသေးဘူး။ မနက်ဖြန်မနက်မှသိရမယ်။ နှုတ်အားဖြင့်တော့ သဘောတူထားတယ်"လို့ အလုပ်သမားနဲ့နီးစပ်သူတစ်ဦးကဆိုပါတယ်။

ဆန္ဒပြတောင်းဆိုမှုကိုနံနက်၈နာရီကစတင်ပြီး  မီးများပိတ်ကာအလုပ်ရပ်ပြီးဆန္ဒပြတောင်းဆိုခဲ့လို့  တောင်းဆိုမှုအပေါ် စက်လိုင်းတစ်လိုင်းကို တစ်ယောက်ချင်းထွက်ပြီး ထုတ်ဖော်ပြောဆိုစေခဲ့ပေမဲ့   အလုပ်သမားတွေဘက်က အလုပ်ထုတ်ခံရမှာစိုးရိမ်တာကြောင့်  တစ်ဦးချင်း ဦးဆောင်တောင်းဆိုခဲ့တာမဟုတ်ဘူးလို့ ဆိုပါတယ်။ညနေပိုင်းမှာတော့ လိုင်းစူပါ နဲ့ လီဒါတွေကိုခေါ်ယူပြီး နှုတ်အားဖြင့် ကတိပေးခဲ့လို့ တောင်းဆိုမှုပြေလည်ခဲ့တယ်လို့ ဆိုပါတယ်။

လက်ရှိမှာတော့ ဒေးကြေး ကျပ် ၇၅၀၀ နဲ့ အချိန်ပိုကြေး တနာရီ ၂၀၀၀ ကျပ် ပေးမယ်လို့ နှုတ်ကတိဖြင့် သဘောတူညီမှုရရှိထားပြီး ဇွန် ၁၁ ရက်မှာ စာချုပ်ချုပ်မှာဖြစ်ကြောင်း သိထားရပါတယ်။

အဆိုပါစက်ရုံကအလုပ်သမားတွေဟာ လက်ရှိရရှိနေတဲ့ဒေးကြေး ၅၈၀၀ ကျပ်နဲ့အချိန်ပိုကြေး ၁၄၀၀ ရရှိနေတာ ဟာ စား၀တ်နေရေးအတွက်မလောက်ငှသလို အခက်အခဲများလည်းရှိတာကြောင့်နဲ့ အလုပ်ရှင်ဟာ  ဒေးကြေး၄၈၀၀ကနေ ၅၈၀၀ ဖြစ်ဖို့ပင်အချိန်ကြာမြင့်သည်အထိမရဘဲ တိုးပေးဖို့ခက်ခဲတာကြောင့်  ယခုလိုမျိုး ဆန္ဒပြတောင်းဆိုမှုကို  ယနေ့နံနက်၈နာရီ စက်ရုံထဲစရောက်ချိန်ကစလို့ ဒေးကြေးတိုးပေးဖို့  စက်ရုံတွင်းမီးများပိတ်ကာ  အလုပ်ရပ်ပြီး အလုပ်သမားများအားလုံးတောင်းဆိုကြတာဖြစ်တယ်လို့ သိရပါတယ်။ 

အဆိုပါ စက်ရုံမှာ အလုပ်သမား ၁၀၀၀ ကျော်လုပ်ကိုင်ကာ  H&M အမှတ်တံဆိပ်တွေချုပ်လုပ်တာဖြစ်ပြီး တရုတ်နိုင်ငံသားပိုင်စက်ရုံဖြစ်တယ်လို့ သိရပါတယ်။ 


Related posts

Cover
ဒေးကြေးနဲ့အချိန်ပိုကြေးတွေတိုးပေးဖို့ အလုပ်သမားတွေ ဆန္ဒဖော်ထုတ်
Jul 12, 2024
Cover
Heng Li Garment စက်ရုံအလုပ်သမားတွေ နားရက်မရှိလုပ်ကိုင်နေရပြီး အခွင့်အရေးချိုးဖောက်ခံရမှုများရှိနေ
Jul 11, 2024
Cover
JOC Myanmar Knitwear အထည်ချုပ်စက်ရုံအလုပ်သမားတွေ ဒေးကြေးတိုးပေးဖို့တောင်းဆို၊ အလုပ်သမား ၂ ဦးအလုပ်ထုတ်ခံရ
Jul 11, 2024
Cover
လူမှုဖူလုံရေးအကျုံးဝင်အလုပ်သမားများ မိမိတို့ရဲ့ဖူလုံရေးအထောက်အပံ့ရပိုင်ခွင့်တွေအပေါ် ပိုမိုသိရှိရန်လိုအပ်နေသေး
Jul 11, 2024
Cover
အခြေခံအလုပ်သမားတွေ ဆိုင်ဖျော်လဘက်ရည်တခွက် သောက်နိုင်ဖို့ အလှမ်းဝေးလာ
Jul 10, 2024
Cover
pepsi အချိုရည် ကုမ္ပဏီကိုထပ်တိုးတရားစွဲဆိုမှု ၁၈ ရက်နေ့သို့ပြန်လည်ချိန်းဆို
Jul 10, 2024
Cover
Wonderful Apparel အထည်ချုပ် အလုပ်သမားတွေ အခွင့်အရေးချိုးဖောက်ခံနေရ
Jul 09, 2024
Cover
၃ ရက်အတွင်း ဝမ်းပျက်ဝမ်းလျှောရောဂါ ဖြစ်ပွားသူ (၁၆၀) ကျော်ထိမြင့်တက်လာလို့ စက်ရုံအလုပ်သမားတွေ စိုးရိမ်နေရ
Jul 09, 2024