လူမှုကွန်ယက်မှာ ပျံ့နှံ့ခဲ့တဲ့ ထိုးကြိတ်နှိပ်စက်ခံခဲ့ရတဲ့ မြန်မာအမျိုးသား ကို ထိုးကြိတ်ခဲ့တဲ့ ထိုင်းအမျိုးသားကပြန်လည်တောင်းပန်ပြီး လျော်ကြေးအဖြစ် ဘတ်ငါးသောင်း ပေးကာ အွန်လိုင်းက တစ်ဆင့်လည်း ပြန်လည်တောင်းပန်ပေးသွားမယ်လို့ MHAC မဟာမိတ်အဖွဲ့ ထံ မှ သိရပါတယ်။
မြန်မာအမျိုးသား အပေါ် အနိုင်ကျင့်ခဲ့တဲ့ အတွက် ထိုင်းအမျိုးသားကို MHAC မဟာမိတ်အဖွဲ့ နဲ့နစ်နာသူအမျိုးသားရဲ့ သူဌေး၊ NUG အလုပ်သမားဝန်ကြီးဌာနတို့ မှ ပူးပေါင်းပြီး ရှေ့နေဖြင့် သက်ဆိုင်ရာနယ်မြေရဲစခန်းမှာ ဇူလိူင် ၂၉ရက် က အမှုဖွင့် တိုင်ကြား ခဲ့တယ်လို့သိရပါတယ်။
အခုလို တိုင်ကြားခဲ့တဲ့ အတွက် ကျူးလွန်သူထိုင်းအမျိုးသားဘက်မှ ကာယကံရှင်မြန်မာအမျိုးသားရဲ့ ဆန္ဒအတိုင်း နယ်မြေခံရဲစခန်း၌ ရဲအရာရှိများ၊ရှေ့နေ နှင့် 𝐌.𝐇.𝐀.𝐂(မဟာမိတ်အဖွဲ့)ရှေ့မှာ ဝန်ခံခဲ့ပြီး နစ်နာသူမြန်မာအမျိုးသား အားတောင်းပန်ကာ လျော်ကြေးအဖြစ် ဘတ်၅သောင်းအား ပေးဆောင်စေတဲ့ အပြင် ထပ်မံ၍ မည့်သည့်ပြဿနာမျှ ထပ်မရှာ တော့ရန် လက်မှတ်ရေးထိုးစေခဲ့တယ်လို့ သိရပါတယ်။
ဒါ့အပြင် ကျူးလွန်သူထိုင်းအမျိုးသားမှ နစ်နာသူမြန်မာအမျိုးသား ကို onlineမှတစ်ဆင့်လည်း ပြန်လည်တောင်းပန်သွားမယ်လို့ သိရပါတယ်။
𝐌.𝐇.𝐀.𝐂(မဟာမိတ်အဖွဲ့)မှလည်း နစ်နာသူမြန်မာအမျိုးသားအပေါ် အမှုပြီးဆုံးသည်အထိ ကူညီဆောင်ရွက်ပေးသွားမယ်လို့ဆိုပါတယ်။
ဖြစ်စဥ်မှာ ပါ၀င်တဲ့ မြန်မာအမျိုးသား မှာ ဇန်နဝါရီ ၁ ရက်နေ့က ကလေးအတွက် ဆိုင်ကယ်ဖြင့် ဆေးထွက်ဝယ်ရာ ဆိုင်ကယ်ဘီးပေါက်သွားတာကြောင့် အနီးနားက ဆိုင်ကယ်ပြင်ဆိုင်မှာ ပြင်ခဲ့ပြီး ဘတ် ၁၄၀ ကုန်ကျခဲ့တယ်လို့ ဆိုပါတယ်။
မြန်မာအမျိုးသားက ဘတ် ၅၀၀ တန်နဲ့ ၁၀၀၀ တန် ပေးသော်လည်း အကြွေမရှိတာကြောင့် ညီမဖြစ်သူဆီက အကြွေသွားယူစဉ် ဆိုင်ကယ်ပြင်ဆိုင်ပိုင်ရှင် ထိုင်းအမျိုးသားက လိမ်လည်ထွက်ပြေးတယ်ထင်ပြီး ကားတစ်စီး၊ ဆိုင်ကယ်တစ်စီးနဲ့ လိုက်လာကာ ရဲစခန်းနားအရောက်မှာ ထိုးကြိတ်ခဲ့ပြီး နောက်တစ်ဦးက ဗီဒီယိုရိုက်ခဲ့ကာ လူမှုကွန်ယက် မှာ လူလိမ်လို့ ရေးတင်ခဲ့တာကြောင့် နစ်နာသူ မြန်မာအမျိုးသားကအမှုဖွင့်တိုင်ကြားခဲ့တာဖြစ်ပါတယ်။
