ထိုင်း-မြန်မာနယ်စပ် ကန်ချနဘူရီခရိုင်မှာ အထောက်အထားမရှိတဲ့ မြန်မာလုပ်သား တွေကိုတင်ဆောင်လာတဲ့ ယာဉ်ကို ထိုင်းရဲတပ်ဖွဲ့က လိုက်လံဖမ်းဆီးစဉ် လမ်းဘေးရှိ ဓါတ်တိုင်ကိုဝင်တိုက်မှု ဖြစ်ကာ မြန်မာလုပ်သား ၂၁ဦး ထိခိုက်ဒဏ်ရာ ရရှိခဲ့တယ်လို့ ထိုင်းဒေသတွင်းသတင်းတွေမှာ ဖေါ်ပြထားပါတယ်။
နိုဝင်ဘာ ၉ ရက် မွန်းလွဲ ၁နာရီ ခန့်က ကန်ချနဘူရီပြည်နယ် စန်ခလဘူရီခရိုင် မှာ မြန်မာလုပ်သားတွေကို တင်ဆောင်လာတဲ့ ပစ်ကပ်ကားတစ်စီး ကိုစစ်ဆေးရေးဂိတ်ရှိ ထိုင်းရဲတပ်ဖွဲ့တွေက စစ်ဆေးရန် တားမြစ်ရာယာဉ်ကို မရပ်ပေးဘဲ မောင်းနှင်ထွက်ပြေးစဉ် အရှိန်မထိန်းနိုင်ဘဲ လမ်းဘေးဓါတ်တိုင်ကို ဝင်တိုက်ခဲ့တယ်လို့ သတင်းမှာဖေါ်ပြထားပါတယ်။
ယာဉ်တိုက်မှုကြောင့် ယာဉ်ပေါ်မှာ လိုက်လာတဲ့ မြန်မာရွှေ့ပြောင်း လုပ်သားအမျိုးသား ၄ဦး အမျိုးသမီး၁၇ ဦး တို့ ထိခိုက်ဒဏ်ရာ ရရှိခဲ့ပြီး ၎င်းတို့ထဲမှ ၃ဦးဟာ ဒဏ်ရာရရှိမှုပြင်းထန်တဲ့ အတွက် စိုးရိမ်ရတယ်လို့ဆိုပါတယ်။
စုံစမ်းစစ်ဆေးချက်အရ မြန်မာလုပ်သားအားလုံး ဟာ ရန်ကုန်မှ လာကြပြီး ဘုရားသုံးဆူမှတစ်ဆင့် စန်ခရာဘူရီ ကို နယ်စပ်ဖြတ်ကျော်ဝင်ရောက်
လာခဲ့ကာ ကြက်သတ်စက်ရုံမှာ အလုပ်လုပ်ကိုင်ဖို့ ရည်ရွယ်ပြီး ပွဲစားကတစ်ဆင့် ဝင်ရောက်လာခဲ့တယ်လို့ ဖြေကြားကြောင်း သတင်းမှာဖေါ်ပြထားပါတယ်။
ယာဉ်တိမ်းမှောက်စဉ် မှာ ယာဉ်မောင်းဖြစ်သူက တောထဲ သို့ထွက်ပြေးတိမ်းရှောင်သွားကာ ရဲတပ်ဖွဲ့များက လိုက်လံစုံစမ်းနေတယ်လို့ သိရပါတယ်။
လက်ရှိမှာတော့ ဒဏ်ရာ အနည်းငယ်ရသူတွေကို ဆေးကုသပေးပြီးနောက် ရဲစခန်းသို့ ခေါ်ဆောင်သွားကာ ဥပဒေအရ အရေးယူရန် လုပ်ဆောင်လျက်ရှိပြီး ဒဏ်ရာ ပြင်းထန်သူတွေကိုတော့ စန်ခရာဘူရီဆေးရုံ ပို့ ပို့ဆောင်ထားကာ ဆေးကုသလျက်ရှိကြောင်း သိရပါတယ်။
Ref-Kanchanaburi News
