NEWS

ထိုင်းရောက် မြန်မာအလုပ်သမားတွေ သင်္ကြန်ကာလ နေရပ်ပြန်သူ အလွန်နည်းပါး

CoverLogo
115 Views
 
ထိုင်းနိုင်ငံ မှာ ရောက်ရှိနေတဲ့ မြန်မာအလုပ်သမားတွေဟာ နှစ်စဥ်သင်္ကြန်ကာလ မှာ မြန်မာနိုင်ငံ ကို အလည်ပြန်သူ များပြားပေမယ့် ယခုနှစ်သင်္ကြန်ကာလ မှာတော့ နေရပ်ကို ပြန်သူ အလွန်နည်းတယ်လို့ ထိုင်းရောက်မြန်မာအလုပ်သမားတွေနဲ့ အလုပ်သမားအရေးကူညီနေသူတွေထံက သိရပါတယ်။
ထိုင်းအစိုးရမှ သင်္ကြန်ကာ လ အလုပ်ပိတ်ရက်မှာ ထိုင်းနိုင်ငံရှိ နိုင်ငံခြားသား ရွှေ့ပြောင်း အလုပ်သမားတွေ နေရပ်ကို အလည်ပြန် နိုင်ဖို့ အတွက် ပြန်လည်ဝင်ရောက်ခွင့်ဗီဇာ (RE ENTRY) ကို ဧပြီ၁ရက်မှ မေလ ၁၅ ရက်အထိ အခမဲ့ ခွင့်ပြု ထားပေးပါတယ်။
ထိုင်းရှိ စက်ရုံ အလုပ်ရုံ တွေ ကလည်း သင်္ကြန်ပိတ်ရက် ကို အနည်းဆုံး ၅ ရက်မှ ၁၅ ရက်အထိ အားလပ်ရက် ပေးထားတယ်လို့ အလုပ်သမားတွေထံ မှ သိရပါတယ်။
ဒါကြောင့် ထိုင်းရောက် ကမ္ဘေဒီးယား၊ လာအို စတဲ့ နိုင်ငံခြား လုပ်သားတွေ နေရပ်ပြန်သူ များပေမယ့် မြန်မာနိုင်ငံသားတွေကတော့ အလွန်နည်းနေတယ်လို့ ဆိုပါတယ်။
""ဗီဇာ အဝင် အထွက် တုံးက ပေးရမယ်ဆိုရင် ဘတ် ၃၀၀၀ လောက်ကျမယ် ဒါကို ထိုင်းအစိုးရက သင်္ကြန်ကာလ နေရပ်ပြန်ဖို့ ဖရီး ပေးထားတာ အရင်နှစ်တွေ အထိ မဲဆောက်_မြဝတီ အမှတ် ၁ တံတား မှာဆို နေရပ်ပြန်တဲ့ မြန်မာတွေ ရဲ့ လူတန်းကြီးက ရာချီ ကို သင်္ကြန်မကျခင် တစ်ရက်လောက် အထိ နေ့တိုင်းပြန် နေတာ အခု နှစ်တော့ ကားပေါ်မှာ နှစ်ယောက် ၊သုံးယောက် လောက် ပဲ တွေ့တယ် ပုံမှန် သွားနေကျသူလောက်ပဲရှိတယ် ""လို့ မြန်မာအလုပ်သမားရေးကူညီပေးသူတစ်ဦးကပြောပါတယ်။
အခုလို ထိုင်းရောက် မြန်မာအလုပ်သမားတွေ သင်္ကြန်ကာလ နေရပ် ပြန်တာ အလွန် နည်းသွားတာဟာ မြန်မာနိုင်ငံ အတွင်း စစ်အာဏာသိမ်းမှုနဲ့ အတင်းအဓမ္မစစ်မှုထမ်းခိုင်းစေခြင်းတို့ကြောင့် ဖြစ်တယ်လို့ သိရပါတယ်။
"" ပိတ်ရက် မှာတော့ ကိုယ့်မိသားစု ကိုယ့်နေရပ်ကို ပြန်ချင်ကြတာပေါ့ အခုက စစ်မှုထမ်းဖို့ အတင်းခေါ်ခံရတာတွေကြောက်တာရယ် တချို့ကျတော့ လည်း စစ်ဘေးကြောင့် ပြန်စရာ မရှိတော့ တာရယ် အခုငလျင်ဘေး တွေ ဖြစ်နေတော့ မိသားစုကို လွမ်းပေမယ့် စားဝတ်နေရေး က ထိုင်းဘက်မှာ အလုပ်လုပ်နိုင်မှ မိသားစု အဆင်ပြေ မှာ လေ အဲ့တော့ လွမ်းရေးကိုထားပြီး ဝမ်းရေး အတွက် သည်းခံရတာပေါ့ ""လို့ ထိုင်းရောက်မြန်မာအလုပ်သမားတစ်ဦးက မှတ်ချက်ပြောပါတယ်။
စစ်ကောင်စီရဲ့ အတင်းအဓမ္မစစ်မှုထမ်းခေါ်ဆောင်တာတွေ အလုပ်သမားတွေကို ပြည်ပထွက်ခွင့် ကန့်သက်ပိတ်ပင်တာတွေ ပြုလုပ်နေတဲ့ အတွက် ယခုနှစ် သင်္ကြန်ကာလ ကို ထိုင်းရောက်မြန်မာအလုပ်သမားတွေ အနေနဲ့ နေရပ်မပြန်ကြဖို့ အလုပ်သမားရေးကူညီသူတွေက နှိုးဆော်တာတွေ လည်းရှိပါတယ်။
လက်ရှိမှာ ထိုင်းနိုင်ငံ အတွင်း မြန်မာရွှေ့ပြောင်းအလုပ်သမား ၆ သန်းလောက် နေထိုင် အလုပ်လုပ်ကိုင်လျက်ရှိတယ်လို့ သိရပါတယ်။

Related posts

Cover
မလေးရှားရောက် အထောက်အထားမဲ့ နိုင်ငံခြားသားလုပ်သားတွေ မိခင်နိုင်ငံပြန်ဖို့ လုပ်ဆောင်ပေးမည်
May 17, 2025
Cover
ဂျပန်ကုမ္ပဏီ ၃၀၀ ကျော်က မြန်မာအလုပ်သမား ၁၂၀၀ကျော် ခေါ်ယူရန် ကမ်းလှမ်းစာပို့
May 17, 2025
Cover
ဘတ်၂၅၀၀၀ ပေး အလုံပိတ်ကားဖြင့် လိုက်ပါလာသည့် မြန်မာလုပ်သား၂၆ဦး ဖမ်းခံရ
May 16, 2025
Cover
မလေးရှားတွင် ရဲဖမ်းမည်စိုးရိမ်၍ ထွက်ပြေးသည့် မြန်မာအမျိုးသမီး ၃ဦး ထိခိုက်ဒဏ်ရာရ
May 15, 2025
Cover
တရုတ်နိုင်ငံဘက်က မြန်မာလုပ်သားများ နေရပ်ပြန်ပါက အကြွေးကျန်မရှိမှ ပြန်ခွင့်ပြုဟုဆို
May 15, 2025
Cover
လစာ ဘတ်တစ်သန်းကျော် မပေးသဖြင့် အလုပ်ရှင်အား မြန်မာလုပ်သားများ တိုင်ကြား
May 15, 2025
Cover
အလုပ်ခွင် ထိခိုက်သည့် မြန်မာလုပ်သားအား နစ်နာကြေးမပေးဘဲ ဆေးကုသစရိတ် ပြန်တောင်း
May 14, 2025
Cover
MOUအလုပ်သမားများ ဒွန်မောင်း လေဆိပ်ရောက်ရှိကြောင်း မှတ်တမ်းဓါတ်ပုံ သံရုံးဆီ ပေးပို့ ရမည်
May 13, 2025