ထိုင်းနိုင်ငံ မှာ အလုပ်လုပ်နေတဲ့ မြန်မာအလုပ်သမား ဇနီးမောင်နှံ နှစ်ဦးမှာ ထိုင်းထီ အမြင့်ဆုံး ဆု ဖြစ်တဲ့ ဘတ်၆သန်း ဆုကို ဆွတ်ခူးခဲ့တယ်လို့
မြန်မာအလုပ်သမားအရေး ကူညီဆောင်ရွက်ပေးနေသော (M.H.A.C) မဟာမိတ်အဖွဲ့ထံမှ သိရပါတယ်။
စက်တင်ဘာ၁ရက် နေ့က ဖွင့်လှစ်ခဲ့တဲ့ ထိုင်းအစိုးရထီဖွင့်ပွဲ မှာ မြန်မာလုပ်သားဇနီးမောင်နှံက ၁၉၉၆၀၆ ဂဏန်းနဲ့ ကံထူးခဲ့ခြင်းဖြစ်တယ်လို့ သိရပါတယ်။
ကံထူးရှင် ဇနီးမောင်နှံနှစ်ဦးဟာ မန္တလေးတိုင်းဒေသကြီး၊ မြင်းခြံဇာတိ ဖြစ်ပြီး ထိုင်းနိုင်ငံ၊ နွန်ထဘူရီခရိုင်ရှိအထည်ချုပ်စက်ရုံ မှာ အလုပ်လုပ်ကိုင်နေတာ (၈) နှစ်ခန့် ရှိပြီ ဖြစ်တယ်လို့ သိရပါတယ်။
ဆုငွေ တွေ ကို စက်တင်ဘာ၂ရက်မှာ (M.H.A.C) မဟာမိတ်အဖွဲ့ က ကူညီ ထုတ်ပေးခဲ့ ကာ ကိုရဲမင်းဦးဆောင်သည့် MHAC မဟာမိတ်အဖွဲ့ အနေနဲ့ လက်ရှိအချိန် ထိ ထီဆုကြီးပေါက်သဖြင့် ဆုငွေ ထုတ်ပေးခဲ့သည့်မှာ ၅၂ဦး ရှိပြီ ဖြစ်တယ်လို့ သိရပါတယ်။
ပြီးခဲ့တဲ့ ဩဂုတ် ၁ရက် နေ့က လည်း ထိုင်းထီ ဘတ်၆သန်း နှစ်စောင်တွဲဘတ်၁၂သန်း ကို မြန်မာအလုပ်သမား မောင်နှစ်မ နှစ်ဦး ကရရှိခဲ့ပါတယ်။
