ထိုင်းနိုင်ငံ စာမွတ်ဆာခရိုင် ကထ့ဘန်မြို့နယ်ရှိ သံစက်ရုံ တစ်ရုံ မှာ  အလုပ်သမားတွေကို ဗီဇာနှင့်ဝေါ့ပါမစ် သက်တမ်းတိုး အတွက် အလုပ်ရုံမှ ဘတ်၁၂၅၀၀ ကောက်ခံတာ ကြောင့် မကျေနပ်တဲ့ အလုပ်သမားတွေ က ဆန္ဒပြ တောင်းဆိုမှုကြောင့် ဘတ် ၈၀၀၀ ကို လျော့ချပေးခဲ့တယ်လို့ ထိုင်းရောက်မြန်မာအလုပ်သမားတွေကို ကူညီပေးနေတဲ့ MHAC မဟာမိတ်အဖွဲ့ ထံက သိရပါတယ်။

မြန်မာအလုပ်သမား ၇၀၀ ကျော် အလုပ်လုပ်ကိုင်နေတဲ့ ၎င်းသံစက်ရုံ မှာ ဗီဇာနဲဝေါ့ပါမစ် သက်တမ်းတိုးဖို့ အတွက် အလုပ်ရုံရှိ စာရေးမနဲ့ စကားပြန်ဆိုသူက အလုပ်သမားတစ်ဦး လျှင် ဘတ် ၁၂၅၀၀ကောက် ယူ တဲ့ အတွက် စက်ရုံ ရှိ  အလုပ်သမားတွေ မှာ   မကျေနပ်တာကြောင့် ဒီဇင်ဘာ ၆ ရက်နေ့ မနက် ၉နာရီ အချိန် လောက်မှာ အလုပ်သမား ၁၀၀ ကျော်က ဆန္ဒပြ စတင်တောင်းဆိုခဲ့တယ်လို့ သိရပါတယ်။

ဗီဇာနဲ့ဝေါ့ပါမစ် သက်တမ်းတိုး ဖို့ အပြင် ပေါက်ဈေးမှာ ၈၅၀၀ ဘတ် ဝန်းကျင်တာ ရှိတဲ့ အတွက် အခုလို
ဈေးနူန်း မြင့် ပြီး  ကောက်ယူ တာကို မကျေနပ်တဲ့ အတွက် ငြိမ်းချမ်းစွာဆန္ဒပြတောင်းဆိုခဲ့တာ လို့ ဆိုပါတယ်။

ယခုရက်ပိုင်းမှာ ထိုင်းနိုင်ငံ အတွင်း ဗီဇာနှင့်ဝေါ့ပါမစ် သက်တမ်းတိုး အတွက် အလုပ်ရုံ အချို့ က ငွေကြေးကောက်ခံတာ များပြားတာကြောင့် စက်ရုံ အလုပ်ရုံ အချို့မှာ ဆန္ဒပြမှု တွေ မကြာခဏဖြစ်ပေါ်နေတယ်လို့သိရပါတယ်။

အခုလို တောင်းဆိုတဲ့ အတွက်ဒီဇင်ဘာ ၆ရက်  မွန်းတည့် ၁၂နာရီ လောက် မှာ တစ်ဦး ကို ဘတ် ၈၀၀၀ဖြင့် ဆောင်ရွက် ပေးမယ်လို့အလုပ်ရုံ ဘက်မှ လျော့ချပေးခဲ့တယ်လို့ သိရပါတယ်။

""လုပ်သားတွေ အနေနဲ့ အကြမ်းမဖက်ဘဲ အလုပ်သမားအခွင့်အရေးကို ထိုင်းဥပဒေဘောင်ထဲကနေ စနစ်တကျတောင်းဆိုကြပါ တချို့ အလုပ်ရုံတွေက အပြင်က ထိုင်းမြန်မာပွဲစားတွေနဲ့ပေါင်းပြီး မြန်မာလုပ်သားတွေရဲ့ အပိုင်းကို တာဝန်ပေးထားသောစာရေးမ၊ ဝဏ္ဏတွေ ၊ မန်နေဂျာတွေကအလုပ်ရုံပိုင်ရှင်သဌေးတောင် မသိပဲတစ်ချို့ရုံတွေ မန်နေဂျာကြီးတောင် မသိကြပဲ ပွဲစားတွေနဲ့ပေါင်းစားပြီးလုပ်စားနေကြတာပါ။ဒါကြောင့် အလုပ်ရုံတာဝန်ရှိသူတွေကို ထိုင်းစကားနားလည်တက်ကျွမ်းသူတွေနဲ့ နားဝင်အောင်သေချာ အေးအေးဆေးဆေးရှင်းပြကြပါ အချက်အလက်တွေ နဲ့ပြောဆိုဆွေးနွေးကြပါ""လို့ MHACမဟာမိတ်အဖွဲ့ မှ အေအေစီ ကိုရဲမင်းက သူရဲ့လူမှုကွန်ရက်စာမျက်နှာမှာ ရေးသားထားပါတယ်။

ထိုင်းနိုင်ငံမှာ‌အလုပ်လုပ်ကိုင်‌‌ပြီးနိုင်ငံကူးလက်မှတ် (စာအုပ်အနီ) ကိုင်‌ဆောင်ထားသူ(သို့မဟုတ်) CI(စာအုပ်အစိမ်း)ကိုင်ဆောင်ထားသူတွေအနေနဲ့(၂)နှစ်သက်တမ်းရှိတဲ့ ယာယီနေထိုင်ခွင့်ကိုလျှောက်ထားနိုင်မှာဖြစ်ပြီး ငွေကြေးတစ်စုံတစ်ရာကောက်ခံမှာမဟုတ်ဘူးလို့ ထိုင်းနိုင်ငံဗန်ကောက်အခြေစိုက်မြန်မာသံရုံးကဒီဇင်ဘာလ(၆)ရက်မှာထုတ်ပြန်ထားပါတယ်။ 

#MyanmarLabourNews