ဒီဇင်ဘာလ ၁၉ ရက်နေ့ နံနက်ပိုင်းက ထိုင်းနိုင်ငံ စာမွတ်ဆာခွန်ခရိုင် ၊အုန်းနွဲ့ အုန်းရိုင်နယ်မြေ၊ ဖိက ဆင်လမ်းမကြီးဘေးရှိ စက်ရုံတစ်ရုံမှာ ဝင်ရောက်လုပ်ကိုင်နေကြတဲ့ မြန်မာအလုပ်သမားတွေဟာ အလုပ်လုပ်နေထိုင်ခွင့် သက်တမ်းတိုး ရန်အတွက် အလုပ်သမား၁ဦး ထိုင်းဘတ် ၁၀၀၀၀ နှုန်းကောက်ခံနေမှုအပေါ် တောင်းဆိုခဲ့ရာ ရဲနှင့်နယ်မြေလုံခြုံရေးအဖွဲ့ကမြန်မာအလုပ်သမား ၄ ဦးကိုဖမ်းဆီးခဲ့တယ်လို့ သိရပါတယ်။
"ဟုတ်ပါတယ်။အကြမ်းဖက်တဲ့ပုံစံတော့ပေါက်တယ်။ ရိုက်တော့မရိုက်ဘူးပေါ့။ ခုနေ့လည်က ပြန်လွှတ်ပေးလိုက်ပြီ လို့သိရတယ်။ စက်ရုံကစကားပြန်တွေ HR တွေကလုပ်စားတာပါ။ ခုလည်း ၉၈၀၀ ကနေလုံးဝမလျှော့ပေးဘူး။ အပြင်မှာပွဲစားနဲ့လည်းမယ်ဆိုလည်း သူတို့ကပေးမလုပ်ဘူး"လို့ အလုပ်သမားတစ်ဦးကဆိုပါတယ်။
ထိုင်းနိုင်ငံက အဆိုပါစက်ရုံတစ်ခုတွင် မြန်မာအလုပ်သမား ၃၀၀ ခန့်အထိ နေထိုင်အလုပ်လုပ်ကိုင်နေပြီး အလုပ်လုပ် နေထိုင်ခွင့် သက်တမ်းတိုးရာတွင် ထိုင်းဘတ် ၁၀၀၀၀ အထိ ကောက်ခံနေတာကြောင့် အလုပ်သမားတွေအနေနဲ့ သင့်တင့်မျှတသော ဈေးနှုန်းသို့ လျှော့ချပေးဖို့ ငြိမ်းချမ်းစွာ ဆန္ဒပြတောင်းဆိုမှုပြုလုပ်ရာကနေ ထိုင်းရဲနှင့်နယ်မြေလုံခြုံရေးအဖွဲ့က အကြမ်းဖက်ဖမ်းဆီးမှုကိုခံရတာဖြစ်တယ်လို့ သိရပါတယ်။
အလုပ်သမားတွေအနေနဲ့ မိမိတို့အလုပ်သမားတွေရဲ့အခက်အခဲတွေအပေါ် အလုပ်ရှင်က သိရှိနားလည်ပြီး ဖြေရှင်းပေးဖ်ို့အလုပ်ရှင်ဆီမှာငြိမ်းချမ်းစွာတေင်းဆိုနေကြတာဖြစ်လို့ ငြိမ်းချမ်းစွာတောင်းဆိုနေတဲ့ အလုပ်သမားများအပေါ် ထိုင်းရဲနှင့်နယ်မြေလုံခြုံရေးများ အကြမ်းဖက်လက်ထိပ်ခတ်ကာ ခေါ်ယူဖမ်းဆီးစေခြင်းဖြင့် ကြမ်းတမ်းစွာ ကိုင်တွယ်ဖြေရှင်းမှုဟာ လက်ခံ၍ မရသလိုဒါဟာ လူ့အခွင့်အရေးနဲ့ အလုပ်သမားအ ခွင့်အရေးချိုးဖောက်မှုသာဖြစ်တယ်လို့ မြန်မာအလုပ်သမားအရေးလှုပ်ရှားသူက ဆိုပါတယ်။
ယခုရက်ပိုင်းတွေမှာ ထိုင်းနိုင်ငံအတွင်းက စက်ရုံတွေမှာ ဝင်ရောက်လုပ်ကိုင်နေကြတဲ့ မြန်ာအလုပ်သမားအများ စုဟာ မိမိတို့နေထိုင်အလုပ်လုပ်ကိုင်ခွင့်သက်တမ်းတိုးရာမှာ ပုံမှန်ကျသင့်ငွေထက် နှစ်ဆခန့်အထိပိုမိုးပေးဆောင်ပြီး ဖြတ်တောက်ခံနေရတဲ့အပေါ်ပြန်လည် လျှော့ချပေးဖို့တောင်းဆိုမှုတွေ ဆက်လက်ပြုလုပ်လာခဲ့ကြတာလည်းဖြစ်ပါတယ်။
#MyanmarLabourNews
