NEWS

ထိုင်းနိုင်ငံအတွင်း ခွင့်ပြုချက်မရှိဘဲ အလုပ်လုပ်ကိုင်နေတဲ့ ရွှေ့ပြောင်းအလုပ်သမား ၃၀၀၀ ကျော် ဖမ်းဆီးခံရ

CoverLogo
277 Views

ထိုင်းနိုင်ငံအလုပ်အကိုင် ရှာဖွေရေးဦးစီးဌာန ဖော်ပြချက်အရ ထိုင်းအာဏာပိုင်များမှ နိုင်ငံခြားသားများလုပ်ကိုင်ရန် တားမြစ်ထားသည့် လုပ်ငန်းခွင်များကို ဝင်ရောက်စစ်ဆေးရာ အလုပ်လုပ်ခွင့်ခွင့်ပြုချက်မရှိဘဲ ဝင်ရောက်လုပ်ကိုင်နေသူ ရွှေ့ပြောင်းအလုပ်သမား ၃၀၀၀ ကျော်ဖမ်းဆီးခံခဲ့ရသည်ဟု ဘန်ကောက်ပိုစ့်သတင်းဌာနက စက်တင်ဘာ ၂၈ရက်မှာ  ဖော်ပြထားပါတယ်။

ယမန်နှစ်အောက်တိုဘာလမှ ပြီးခဲ့တဲ့  တနင်္ဂလာနေ့အထိ ဦးစီးဌာနမှ တစ်နိုင်ငံလုံးအတိုင်းအတာဖြင့် ရွှေ့ပြောင်းအလုပ်သမားများ ငှားရမ်းခိုင်းစေသည့် လုပ်ငန်းခွင် ၅၃,၇၃၂ ခုအား ကျပန်းစစ်ဆေးခဲ့ရာ ရွှေ့ပြောင်းအလုပ်သမား ၃၄၆၄ ဦးတွင် အလုပ်လုပ်ရန်ခွင့်ပြုမိန့်မရှိသည်ကို တွေ့ခဲ့ရတယ်လို့ ဖော်ပြထားတာပါ။

၎င်းတို့အနက် မြန်မာနိုင်ငံသား ၁၈၅၀ ဦး ၊ ကမ္ဘောဒီးယားနိုင်ငံသား ၆၃၆ ဦး ၊ လာအိုနိုင်ငံသား ၅၆၂ ဦး ၊ ဗီယက်နမ် နိင်ငံသား ၁၄၅ ဦးနှင့် ကျန်ရှိရွှေ့ပြောင်းအလုပ်သမားများမှာ အခြားသောနိုင်ငံသားများဖြစ်ကြတယ်လို့ သိရပါတယ်။ 
ဒါ့အပြင် ရွှေ့ပြောင်းအလုပ်သမားများ လုပ်ကိုင်ခွင့်မရှိသော လုပ်ငန်းများတွင် ဝင်ရောက်လုပ်ကိုင်နေသူ ၁၆၂၄ ဦးကို တွေ့ရှိဖမ်းဆီးခဲ့တယ်လို့ ဆိုပါတယ်။ 
ထိုင်းနိုင်ငံမှာ လက်တွန်းလှည်းစျေးသည် ၊ ဆံသလုပ်ငန်း ၊ အများသုံးသယ်ယူပို့ဆောင်ရေးလုပ်ငန်း ၊ ထိုင်းရိုးရာအနှိပ်လုပ်ငန်း ၊ တိုးဂိုက် နှင့်အခြားသောလုပ်ငန်းများအပါအဝင်  လုပ်ငန်း ၄၀ ခုအား ‌ရွှေ့ပြောင်းများကို လုပ်ကိုင်ခွင့်မပေးထားဘူးလို့ အာဏာပိုင်တွေက အသိပေးထားပါတယ်။

အဆိုပါ ခွင့်ပြုမိန့်မရှိသော ရွှေ့ပြောင်းများနှင့် တားမြစ်လုပ်ငန်းများတွင် ဝင်ရောက်လုပ်ကိုင်နေသော ရွှေ့ပြောင်းများကို ဘန်ကောက်နှင့် အခြားခရိုင်ကြီးများဖြစ်သော နွန်ထဘူရီ ၊ ချင်းမိုင် ၊ ခွန်ဘူရီ ၊ နခွန်ပထုန် နှင့် ရနောင်းခရိုင်များတွင် တွေ့ခဲ့ရတာဖြစ်တယ်လို့ သိရပါတယ်။

တားမြစ်လုပ်ငန်းများတွင် ဝင်ရောက်လုပ်ကိုင်နေသော ရွှေ့ပြောင်းအလုပ်သမားများသည် ဒဏ်ကြေးအဖြစ် ဘတ်ငွေ ၅,၀၀၀ မှ ၅၀,၀၀၀ အထိ ပေးဆောင်ရနိုင်ပြီး မိခင်နိုင်ငံသို့ပြန်လည်ပို့ဆောင်ခံရမည်ဖြစ်ကာ ထိုင်းနိုင်ငံတွင် အလုပ်လုပ်ခွင့် နှစ်နစ်ပိတ်ပင်ခံရမည်ဟုလည်း ဘန်ကောက်ပိုစ့်သတင်းတွင် ဖော်ပြထားပါတယ်။

Ref : bangkokpost


Related posts

Cover
ပြည်ပရောက် မြန်မာရွှေ့ပြောင်းအလုပ်သမားတွေရဲ့ အခြေအနေများ
Dec 02, 2023
Cover
မြန်မာအမျိုးသမီး၆ ဦး ဒူဘိုင်းသို့အိမ်အကူလုပ်ရန်ထွက်ခွာလာရာမှအီရတ်နိုင်ငံသို့ ရောင်းစားခံခဲ့ရ
Nov 28, 2023
Cover
၀င်ငွေရရှိမှု ကွာဟချက်ကြောင့် ပြည်ပထွက်ခွာသူများပြား၊ ပြည်တွင်းလုပ်ငန်းအချို့လုပ်သားရှားပါးမှုနဲ့ကြုံတွေ့လာရ
Nov 05, 2023
Cover
ထိုင်းနိုင်ငံမှာ အလုပ်လုပ်ဖို့ ဘာတွေ ပြင်ဆင်ထားရမလဲ၊ ဘာတွေ သိထားဖို့ လိုမလဲ။
Oct 15, 2023
Cover
ထိုင်းနိုင်ငံအတွင်းမှာ တစ်နှစ်အတွင်း ရွှေ့ပြောင်းလုပ်သားသုံးထောင်ကျော်ဖမ်းမိခဲ့ရာမြန်မာလုပ်သားနှစ်ထောင်ခန့်ပါ၀င်
Oct 13, 2023
Cover
ပြည်ပစေလွှတ်သည့် အလုပ်သမားစာရင်း ဝန်ကြီးဌာနက ကောက်ခံနေ
Oct 10, 2023
Cover
ထိုင်း MOU အလုပ်သမားများ အလုပ်ခန့်ထားမှုဆိုင်ရာသဘောတူစာချုပ်ကို ရန်ကုန်မြို့ မြောက်ဒဂုံအလုပ်သမားရုံးမှာသာ ချုပ်ဆိုရန်သတ်မှတ်ထား
Sep 18, 2023
Cover
စာရွက်စာတမ်းအတုပြုလုပ်ပြီး OWIC ကတ် လျှောက်ထားမှုများရှိနေ
Sep 17, 2023