ထိုင်းနိုင်ငံ တွင် ထိုင်းဘာသာစကားသင်တန်း(ကာလတို)အင်္ဂလိပ်စာသင်တန်း(ကာလတို) စတဲ့ ကာလတို သင်တန်း လာရောက်တက်နေတဲ့ မြန်မာကျောင်းသား/သူတွေရဲ့ PE အမျိုးအစားနိုင်ငံကူးလက်မှတ် သက်တမ်းတိုးခြင်းကိုလာမယ့် စက်တင်ဘာလ ၁၆ ရက်ကစပြီး မြန်မာသံရုံးဗန်ကောက်နဲ့မြန်မာကောင်စစ်ဝန်ချုပ်ရုံး ၊ချင်းမိုင်မြို့မှာ ဆောင်ရွက်မပေးတော့ဘူးလို့ မြန်မာသံရုံးဗန်ကောက်မြို့ က စက်တင်ဘာ ၁၂ ရက်မှာ အသိပေးကြေညာထားပါတယ်။

ယခင်က ထိုင်းနိုင်ငံ တက္ကသိုလ် များ မှာ ပညာသင်ကြားနေတဲ့ မြန်မာကျောင်းသား/သူတွေ ကို ၎င်းတို့ရဲ့ နိုင်ငံကူးလက်မှတ်သက်တမ်းကုန်ဆုံးသည့်အတွက် နိုင်ငံကူးလက်မှတ်passport for Education (PE) လဲလှယ် ခြင်း ကို မြန်မာသံရုံးဗန်ကောက်နဲ့ မြန်မာကောင်စစ်ဝန်ချုပ်ရုံး ချင်းမိုင်တို့မှာ နေ့ချင်းပြီး ဆောင်ရွက်ပေးခဲ့တယ်လို့ ဆိုပါတယ်။

ယခုမှာတော့ ထိုင်းဘာသာစကားသင်တန်း(ကာလတို)(certificate program in Thai Language) ;ဆရာများ အတွက် အင်္ဂလိပ်စာသင်တန်း (ကာလတို)စတဲ့သင်တန်း တွေကို Non-ED Visa ရယူပြီး Virtual format
ပုံစံနဲ့ တတ်ရောက်နေတဲ့ ကျောင်းသား/သူတွေ အလွန်များပြားလာတဲ့ အတွက် စက်တင်ဘာ ၁၆ ရက်ကစပြီး ဗန်ကောက်ရှိမြန်မာသံရုံးနဲ့ချင်းမိုင်ရှိ မြန်မာကောင်စစ်ဝန်ရုံးတို့မှာ နိုင်ငံကူးလက်မှတ်(PE)သက်တမ်းတိုးခြင်းကို ဆောင်ရွက်မပေးတော့ဘူးလို့ အသိပေးထားပါတယ်။

ထိုင်းနိုင်ငံ ရှိ တက္ကသိုလ် များ မှာ ဘွဲ့ကြို ၊ဘွဲ့လွန် (Undergraduate, Postgraduate)(ကာလရှည်) တတ်ရောက်နေတဲ့ ကျောင်းသား/သူတွေနဲ့ Primary နဲ့ secondary တတ်ရောက် ကျတဲ့ ကျောင်းသား/သူတွေကို PEပတ်စပို့လဲလှယ်ခြင်းကို တော့ ယခင်အတိုင်းဆောင်ရွက်ပေးမယ်လို့ကြေညာထားပါတယ်။