ထိုင်းနိုင်ငံမှာအလုပ်လုပ်ကိုင်ပြီးနိုင်ငံကူးလက်မှတ် (စာအုပ်အနီ) ကိုင်ဆောင်ထားသူ(သို့မဟုတ်) CI(စာအုပ်အစိမ်း)ကိုင်ဆောင်ထားသူတွေအနေနဲ့(၂)နှစ်သက်တမ်းရှိတဲ့ ယာယီနေထိုင်ခွင့်ကိုလျှောက်ထားနိုင်မှာဖြစ်ပြီး ငွေကြေးတစ်စုံတစ်ရာကောက်ခံမှာမဟုတ်ဘူးလို့ ထိုင်းနိုင်ငံဗန်ကောက်အခြေစိုက်မြန်မာသံရုံးကဒီဇင်ဘာလ(၆)ရက်မှာထုတ်ပြန်ပါတယ်။
ထိုင်းနိုင်ငံအတွင်း ဝင်ရောက် အလုပ်လုပ်ကိုင်နေကြတဲ့ မြန်မာအလုပ်သမားတွေဟာ ၂ နှစ်စာသက်တမ်းတိုးရာမှာ စက်ရုံတွေက ဘတ် ၁၄၀၀၀ အထိ ဖြတ်တောက်နေတာကြောင့် စက်ရုံအချို့မှာ ဆန္ဒပြတောင်းဆိုမှုတွေဖြစ်နေတယ်လို့ သိရပါတယ်။
သံရုံးကထုတ်ပြန်ရာမှာတော့ယာယီသက်တမ်းတိုးလုပ်ငန်းစဉ်ဆောင်ရွက်နိုင်ဖို့အတွက်တချို့သောအေဂျင်စီတွေရဲ့ဖော်ပြချက်မှာ"မြန်မာသံရုံးသို့စလစ်ကြေး ၁၈၀၀ ဘတ်"ဆိုပြီးဖော်ပြနေတာကိုတွေ့ရှိရပါတယ်။မြန်မာသံရုံး(ဗန်ကောက်)၊ကောင်စစ်ဝန်ချုပ်ရုံး(ချင်းမိုင်)၊အလုပ်သမားသံမှူးရုံး(ဗန်ကောက်) စတာတွေအနေနဲ့ဒီလုပ်ငန်းစဉ်အတွက်ငွေကြေးကောက်ခံဖို့မရှိသလို မြန်မာလုပ်သားတွေအနေနဲ့ထိုင်းနိုင်ငံကသက်ဆိုင်ရာဌာနတွေရဲ့လမ်းညွှန်ချက်တွေနဲ့အညီဆက်လက်လုပ်ဆောင်သွားဖို့အသိပေးထားပါတယ်။
ယာယီသက်တမ်းတိုးနေထိုင်ခွင့်ဟာတစ်ခါတိုးရလျင်(၂)နှစ်နှုန်းတိုးခွင့်ရမှာဖြစ်ပြီး စုစုပေါင်း(၄)နှစ်နေထိုင်ခွင့်ရရှိနိုင်မှာဖြစ်ပါတယ်။
လက်ရှိမှာစက်ရုံတစ်ချို့မှာသက်တမ်းတိုးလုပ်ငန်းစဥ်အတွက် ဘတ် ၁၄၀၀၀ အထိ ငွေကြေးဖြတ်တောက်နေတာတွေရှိနေပြီး အဲ့ဒီကိစ္စနဲ့ပတ်သက်လို့ ဒီဇင်ဘာလ(၄)ရက်နေ့က ထိုင်းနိုင်ငံဘန်ကောက်မြို့အနီးစာမွတ်ပါရကန်ခရိုင်ထဲကကားပစ္စည်းထုတ်လုပ်ရေးစက်ရုံမှာအလုပ်သမား တွေဆန္ဒပြတောင်းဆိုတာတွေရှိခဲ့ပါတယ်။
#MyanmarLabourNews
