ထိုင်းနိုင်ငံ ချွန်ဘူရီခရိုင်၊ နောင်ခမ်းမြို့နယ်အနီး တွင် မြန်မာလုပ်သားတွေ စီးနင်းလာတဲ့ စက်ရုံဝန်ထမ်း ကြိုပို့ ဘတ်စ်ကား တိမ်းမှောက် တာကြောင့် မြန်မာလုပ်သား ၄၀ကျော် ထိခိုက်ဒဏ်ရာရရှိခဲ့တယ်လို့ ထိုင်းဒေသတွင်း သတင်း တွေ အရ သိရပါတယ်။

 

ဇန်နဝါရီ ၁၅ ရက် ဒီကနေ့ နံနက်ပိုင်းမှာ မြန်မာလုပ်သားတွေကို တင်ဆောင်လာတဲ့ ဘတ်စ်ကားဟာ နောင်ခမ်းမြို့နယ်အနီး မှာ လမ်းချော် တိမ်းမှောက်တာကြောင့် မြန်မာလုပ်သား ၄၅ဦးထိခိုက်ဒဏ်ရာရရှိခဲ့ပြီး အများစုမှာ ခေါင်းကွဲတာနဲ့ပွန်းပဲ့ဒဏ်ရာ တွေရရှိခဲ့ကာ သေဆုံးသူမရှိခဲ့ဘူးလို့ သိရပါတယ်။

 

အမျိုးသမီး တစ်ဦး ကတော့ ဘတ်စ်ကားအတွင်း ပိတ်မိနေတဲ့အတွက် ကယ်ဆယ်ရေးသမားများက ဟိုက်ဒရောလစ် ကိရိယာများဖြင့် အသုံးပြုကာ ကြိုးစား ကယ်တင်ခဲ့ရတယ်လို့ သိရပါတယ်။

 

ယာဉ်မောင်းဖြစ်သူရဲ့ ပြောပြချက်အရ ခေါင်တာဘတ်တောင်တန်းမှ ဆင်းလာ စဉ် ရှေ့တွင် ရပ်ထားတဲ့ နောက်တွဲယာဉ် ကြီးနှစ်စီးကို ရှောင်တိမ်းဖို့ ကြိုးစားခဲ့ရာကနေ အရှိန် မထိန်းနိုင်ဘဲ လမ်းဘေးကို ထိုးကျပြီး တိမ်းမှောက်ခဲ့တယ်လို့ ဆိုပါတယ်။

 

လက်ရှိတွင် ဒဏ်ရာရရှိသူတွေကို နီးစပ်ရာဆေးရုံ တွေကို ပို့ဆောင်ပေးထားပြီး ရဲတပ်ဖွဲ့က အခင်းဖြစ်ပွားရာနေရာကို မှတ်တမ်းတင်ကာ စုံစမ်းစစ်ဆေးမှုများကို ဥပဒေလုပ်ထုံးလုပ်နည်းများအတိုင်း ဆက်လက်လုပ်ဆောင်သွားမယ်လို့ သိရပါတယ်။

 

Ref-MGR Online