ထိုင်းနိုင်ငံ၊ စမွတ်စခွန်၊မဟာချိုင်မြိုဝပ်ခွတ်ခန်ရှိ လမ်းတံတားဆောက်လုပ်ရေးလုပ်ငန်း တစ်ခု မှာ လုပ်ကိုင်နေသော မြန်မာ (MOU) အလုပ်သမား (၂၇)ဦး မှာ လုပ်ခမရတဲ့ အပြင် အလုပ်က ရပ်နားခံရတယ်လို ထိုင်းရောက်မြန်မာအလုပ်သမားအရေးကူညီပေးနေတဲ့ WAG အလုပ်သမားမဟာမိတ်အဖွဲထံက သိရပါတယ်။ 

၎င်း အလုပ်သမား ၂၇ဦးဟာ မြန်မာနိုင်ငံမှ မြင့်မြတ်တံခွန် ကုမ္ပဏီ(Myint Myat Takhan Co.,ltd )နှင့်ချိတ်ဆက်၍ ထိုင်းနိုင်ငံ၊ ဘန်ကောက်မြို၊စူကိုဝစ်တွင်ရှိတဲ့  ဆောက်လုပ်ရေး တစ်ခုတွင် အလုပ်လုပ်ရန် (၂)နှစ်စာချုပ်ဖြင့် လာ​ရောက်တာလိုဆိုပါတယ်။ 

၂၀၂၃ ခုနှစ် ဇန်နဝါရီလ ၂၅ ရက်နေ့ တွင်  BBR ဆောက်လုပ်ရေးလုပ်ငန်း ရဲ့ သူဌေးမှ  ယခုအလုပ်ကို သွင်းပေးခဲ့ပြီး ၂၀၂၃ခုနှစ် ဇန်နဝါရီ ၂၇ရက်မှ ၂၀၂၄ခုနှစ် နိူဝင်ဘာ ၂ရက်အထိ အလုပ်လုပ်လာတဲ့ သက်တမ်းတလျှောက် လုပ်အားခ ပုံမှန်မရရှိတဲ့အပြင် ၎င်းတိုရဲ့ စာရွက်စာတမ်းအထောက်အထား တွေ ကို သိမ်းဆည်းထားခြင်း စတဲ့ အလုပ်သမားအခွင့်ရေးများချိုး‌ဖောက်ခံနေရတယ်လို ဆိုပါတယ်။ 

ယခုလက်ရှိ မှာလည်း လုပ်အားခ ၂လခွဲစာ မရတဲ့ အတွက် ပြောဆိုရာ မှ လဝက်စာသာ ရှင်းပေးပြီး အလုပ် မှ ရပ်နား လိုက်တယ်လို သိရပါတယ်။ 

အခုလို အလုပ်နားခိုင်းပြီး ၎င်းတို၏ စာအုပ်စာတမ်းအထောက်အထားများကိုပြန်မပေးတဲ့ အပြင်  ကျန်ရှိနေသေးတဲ့ လုပ်အားခ(၄) ပတ်စာ (၂လစာ) (၂၇)ဦးအတွက် ထိုင်းဘတ်ငွေ (၇၂၀၀၀၀)ခန့်နှင့် စာရွက်စာတမ်းများပြန်လည်ရရှိဖို  မဟာချိုင်နယ်မြေရှိမြိုနယ်ဆာဝါဒီကန်ရုံး မှာ  ထိုင်းလုပ်ငန်းရှင်ကို တိုင်ကြားထားတယ်လို WAGအလုပ်သမား မဟာမိတ်အဖွဲ ထံ မှ သိရပါတယ်။