NEWS

ထိုင်းက တဆင့်ခံ ဆောက်လုပ်ရေးလုပ်ငန်းတွေကို သတိထားဖို့ မြန်မာအလုပ်သမားများအား အကြံပြု

CoverLogo
228 Views
 
ထိုင်းနိုင်ငံက တဆင့်ခံ ဆောက်လုပ်ရေး (ဖိုးလက်မောင်း) လုပ်ငန်းတွေကို သတိထားဖို့ မြန်မာအလုပ်သမား တွေကို အလုပ်သမားရေးဆောင်ရွက်သူတွေက အသိပေးထား ပါတယ်။
 
“ ဆောက်လုပ် ရေးလုပ်ငန်းထဲမှာမှ တစ်ဆင့်ခံလုပ်နေတဲ့ ဆောက်လုပ်ရေး ဖိုးလက်မောင်းတွေကို မြန်မာ MoU လုပ်သားတွေ၊ စီအိုင်သမားတွေ၊ ပန်းရောင်ကဒ်သမားတွေ သတိထား စေချင်တယ်။ MoU သမားတွေ နောက် ဆောက်လုပ်ရေးကို ပြောင်းမယ်ဆိုရင် အဲ့ သူဌေးဆီက ကျန်းကို ရအောင် တောင်းပါ။ ဒီသူဌေးဆီမှာ သူ့ရဲ့ အလုပ်သမား မှန်ကန်တယ်ဆိုတာ ကျန်းခေါက်ပါ ။ ကျန်းခေါက် ပြီးပြီဆိုရင် တဆင့် ကန်ထရိုက်ယူထားတဲ့ ဖိုးလက်မောင်းတွေမှာ မလုပ်ကြပါနဲ့။ ကောင်းတာရှိသလို မကောင်းတာလည်း ရှိပါတယ်။ ရွှေ့ပြောင်း အလုပ်သမားတွေ လုပ်အားခ မရတာတွေက အဲ့ဒီ တဆင့်ခံ ဖိုးလက်မောင်းတွေက မပေးတာ။ တိုင်ရ ပြီဆိုရင် ကိုယ်က ကျန်းမခေါက်ထားဘူးဆိုရင် ငါတို့ အလုပ်သမားမဟုတ်ဘူး၊ မင်းတို့တိုင်ချင်ရာတိုင်ဆိုပြီး ပြောတယ်။ အဲ့တာ သူတို့ လက်သုံးစကားပဲ”လို့ ထိုင်းရောက်မြန်မာအလုပ်သမားတွေကို ကူညီ ဆောင်ရွက် ပေးနေသူ တဦးက ပြောပါတယ်။
 
ထိုင်းနိုင်ငံအတွင်းက လက်ရှိ ဆောက်လုပ်ရေး ဖိုးလက်မောင်းတွေဟာ အလုပ်သမားတွေအပေါ် လုပ်အားခ ရှင်းမပေးတာတွေ ဖြစ်ပွားနေပြီး တလကနေလေးလစာ လုပ်အားခ မရတာတွေရှိနေတယ်လို့ သိရပါတယ်။ ဒါကြောင့် ထိုင်းနိုင်ငံက ဆောက်လုပ်ရေးလုပ်ငန်းတွေမှာ ၀င်ရောက် လုပ်ကိုင်ပါက အသေအချာ မေးမြန်းပြီး သူဌေးတိုက်ရိုက် အလုပ်မှာပဲ လုပ်ကိုင်ဖို့ ၊ သူဌေးတိုက်ရိုက်မဟုတ်ပါက ကျန်းခေါက်ပြီးမှသာ လုပ်ကိုင်ဖို့ အကြံပြုထားတာ ဖြစ်ပါတယ်။
 
“ ဘယ်လို ရမယ်ဆိုပြီး ပွဲစားတွေ ကခေါ်တယ်။ ပြီးရင် လခတွေ မရကြဘူး။ တလ နှစ်လ သုံးလ မရကြဘူး။ ဖိုးလက်မောင်း အတော်များများက လုပ်အားခတွေ မပေးလို့ ကြလို့ ပြောရတာပါ။ ရှမ်း(ထိုင်း) ဖိုးလက်မောင်း ကနေမှ တဆင့် ယူထားတဲ့ ဗမာ ဖိုးလက်မောင်းတွေက ပိုဆိုးနေပါတယ်။ ဗမာ အချင်းချင်းကို လုပ်အားခတွေ ခေါင်းပုံဖြတ်တာ။ ထိုင်းကတော့ ပေးလိုက်တယ်။ ဗမာဖိုးလက်မောင်းကတော့ ဟိုကမပေးသေးတာ ဆိုတာမျိုး တွေ လုပ်တာ။ သေချာမေးပါ။ သူဌေးနဲ့ တိုက်ရိုက်လုပ်ရမလား၊ တိုက်ရိုက်ကျန်းခေါက်ရမှာလား။ တဆင့်ခံ ဖိုးလက်မောင်းနဲ့ဆိုရင်တော့ လှည့်ပြန်တော့ ။ ပွဲစားစကားလည်း နားမထောင်နဲ့တော့ ။ ပွဲစားကတော့ ကောင်းတယ်ပဲပြောမှာ အဲ့တော့ရှောင်ပါ” လို့ ပြောပါတယ်။
 
လုပ်အားခတွေကို ထိုင်းတာ၀န်ရှိသူတွေဆီ တိုင်ကြားပြီးမှသာ ပြန်လည်ရရှိတာဖြစ်လို့ အလုပ်သမားတွေအနေနဲ့ ကြားကာလ နေထိုင်စားသောက်ရေး အခက်အခဲတွေနဲ့ ရင်ဆိုင်နေပြီး လက်ရှိ ထိုင်းအခြေစိုက် အလုပ်သမား အဖွဲ့အစည်းတွေဆီ အကူညီတောင်းခံမှုတွေ ဆက်တိုက်ရှိနေတယ်လို့ သိရပါတယ်။
 
Photo (ဘန်ကောက်ပိုစ့်) - ထိုင်းနိုင်ငံမှ ဆောက်လုပ်ရေး လုပ်ငန်းခွင် တခု

Related posts

Cover
ထိုင်း-ကော့တောင်ကျွန်းအနီး ကုန်တင်သင်္ဘောမီးလောင်မှုမှာ မြန်မာလူငယ်တဦးပျောက်ဆုံးနေ
Apr 07, 2024
Cover
ကရိန်းပြိုကျမှုကြောင့်သေဆုံးခဲ့တဲ့ မြန်မာအလုပ် သမားတွေအတွက် ပေးရန်ကျန်ရှိတဲ့ ဘတ် ၁၁ သိန်းကိုနှစ်ပတ်အတွင်းပေးမယ်လို့လက်မှတ်ရေးထိုးထား
Apr 07, 2024
Cover
ထိုင်း ကော့တောင် ကျွန်းအနီး မြန်မာများပါဝင်တဲ့ကုန်တင်သင်္ဘောမီးလောင်
Apr 07, 2024
Cover
ရွှေ့ပြောင်းလုပ်သားအရေး လက်တွေ့လုပ်ဆောင်မှု အားနည်း
Apr 07, 2024
Cover
တရုတ်နိုင်ငံတွင် ဆန္ဒပြတောင်းဆိုမှု၊ ဦးဆောင်သူ မြန်မာအလုပ်သမားများအား အလုပ်ထုတ်
Mar 29, 2024
Cover
တရုတ်နိုင်ငံ SHANGCHENG Garment မှ မြန်မာလုပ်သား ၂၀၀ ခန့် နေရပ်ပြန်
Mar 22, 2024
Cover
EPS စာမေးပွဲမှတ်ပုံတင်ကြေးအတွက် ည ၆ နာရီ ကတည်းက တန်းစီရ
Mar 22, 2024
Cover
တရုတ်နိုင်ငံတွင် တောင်းဆိုမှုပြုလုပ်ခဲ့သည့် မြန်မာအထည်ချုပ် အလုပ်သမားများ ညှိနှိုင်းမှု မပြေလည်၊ လုပ်သားတချို့ နေရပ်ပြန်မည်
Mar 21, 2024