ထိုင်းနိုင်ငံ မှ တစ်ဆင့် မလေးရှား နိုင်ငံ ကိုသွားရောက်ဖို့ အတွက် ပွဲစား ကို ဘတ် ၂သောင်းပေးရပေမယ့် အထောက်အထားမဲ့ မြန်မာအလုပ်သမား ၂၈ဦး ကို ထိုင်းနိုင်ငံ ကန်ချနဘူရီခရိုင် အတွင်း အဖမ်းခံခဲ့ရတယ်လို့ ထိုင်းသတင်းတွေရဲ့ဖေါ်ပြချက်အရ သိရပါတယ်။
ဖေဖေါ်ဝါရီ ၂၆ရက် က တောထဲ မှာ ပုန်းအောင်းနေ တဲ့ မြန်မာအလုပ်သမား၂၈ဦး ကို ထိုင်းအာဏာပိုင်တွေ က စစ်ဆေးတွေ့ရှိ ခဲ့တာ ဖြစ်တယ်လို့ ဆိုပါတယ်။
၎င်းမြန်မာအလုပ်သမားတွေ ကရင်ပြည်နယ် ဘုရားသုံးဆူ ဘက်ကနေ ကန်ချနဘူရီခရိုင် အတွင်း သို့ နယ်စပ်လမ်းတလျှောက် သဘာဝ လမ်းအတိုင်း ခြေလျင်ဝင် ခဲ့တာ ဖြစ်ပြီး မလေးရှား နိုင်ငံ သွားရန် အတွက် လမ်းပြ မှ ကားဖြင့်လာခေါ်မှာ ကို တောထဲ စောင့်ဆိုင်းနေစဉ် အဖမ်းခံခဲ့ရတာ ဖြစ်တယ်လို့ သိရပါတယ်။
အဖမ်းခံရတဲ့ အမျိုးသား ၁၆ ဦးနဲ့ အမျိုးသမီး ၁၂ဦး တို့ မှာမလေးရှားသို့ အလုပ်သွားရောက်လုပ်ရန် ရည်ရွယ်ထား ပြီး မလေးရှား နိုင်ငံ သို့ သွားရောက်ဖို့ ပွဲစား ကို ဘတ်၂သောင်း ( မြန်မာငွေ ၂၅ သိန်း၀န်းကျင်) ပေးရဆောင်ရပေမယ့် ထိုင်းအာဏာပိုင်တွေရဲ့ ဖမ်းဆီးခြင်း ခံခဲ့ရတယ်လို့ သတင်းမှာဖေါ်ပြထားပါတယ်။
ဖမ်းဆီးခံရတဲ့ မြန်မာအလုပ်သမားတွေ ကို စိုင်းမောက်ခမ်းရဲစခန်း ကို ပို့ဆောင်ထားကာ တရားဥပဒေအရ အမှုဖွင့် အရေးယူထားတယ်လို့ သိရပါတယ်။
Ref-Kanchanaburi News
