တရုတ် နိုင်ငံ ကို မြန်မာလုပ်သား စေလွှတ် နိုင်ဖို့ အတွက် နှစ်နိုင်ငံ ညှိနှိုင်း မှု တွေ ပြုလုပ်နေတယ်လို့ အေဂျင်စီ အသိုင်းဝိုင်း မှ သိရပါတယ်။
လက်ရှိမှာ တရုတ် နိုင်ငံ ကို မူဆယ် မှ တစ်ဆင့် ယာယီဖြတ်သန်းခွင့်လက်မှတ် တွေ နဲ့ ရက်သတ္တပတ် ခန့် နေထိုင် ပြီး သွားရောက် အလုပ် လုပ်ကိုင်တာသာရှိပြီး တရားဝင်လမ်း ကြောင်းဖြင့် မြန်မာ အလုပ်သမား စေလွှတ်ရန် အတွက် စတင်ဆွေးနွေးတာ ဖြစ်တယ်လို့ဆိုပါတယ်။
"အခု ဆွေးနွေးတာက လည်း တရုတ်ပြည်မ ကြီး ထဲ ကို သွားရောက် အလုပ် လုပ်ရမှာ မဟုတ်ဘူး ယူနန်ပြည်နယ် အောက် က တယ်ဟုန် ပြည်နယ် အတွင်း မှာ အလုပ် လုပ်ရ မှာ အဲ့ ဒီ ပြည်နယ် မှာက စီးပွားရေးဇုန် ရှိတယ် စက်ရုံ အလုပ်ရုံ တွေ လည်း အတော်များများ ရှိတယ် သူတို့ဘက်ကလည်း တရားဝင် မြန်မာ အလုပ်သမားတွေ ကိုခေါ်ချင်တယ် ဒီဘက်က လိုင်စင်ရအေဂျင်စီ တွေ လဲ သွားလေ့လာ တယ် နှစ် နိုင်ငံက ဌာန ဆိုင်ရာ တွေလည်းညှိနှိုင်း နေပါတယ်""လိုင်စင်ရအေဂျင်စီ မှ တာဝန်ရှိသူတစ်ဦးကပြောပါတယ်။
အချို့သော လိုင်စင်ရ အေဂျင်စီတွေ ထံ မှာ တရုတ် ပြည်နယ် တယ်ဟုန် ဒေသ အတွက် ခေါ်ယူမယ့် အလုပ်ခေါ်စာ Demand Latter များ ရရှိထားပြီး စေလွှတ်ရေး အတွက်နှစ်ဖက် ဝန်ကြီးဌာန ၏ ညှိနှိုင်းဆွေးနွေး မှု ကိုစောင့်နေတယ်လို့ဆိုပါတယ်။
လုပ်အား ခ အနေနဲ့ နေစရိတ်စားစရိတ် ငြိမ်း ဖြင့်
တစ် လကို တရုတ်ငွေ ယွမ်၁၂၀၀မှ ၂၀၀၀ခန့်ရရှိ နိူင်တယ်လို့ ဆိုပါတယ်။
တရုတ် နိုင်ငံ အတွင်း သို့ ပြည်တွင်းမှ တရားဝင် စာရွက်စာတမ်းနဲ့ သွားရောက် အလုပ် လုပ်သည့် မြန်မာနိုင်ငံသား နည်း ပြီး တရားမဝင် သွားရောက်အလုပ်လုပ်သူ အရေအတွက်ပို များတယ်လို့ သိရပါတယ်။