တရုတ်နိုင်ငံအတွင်း အလုပ်ရမည်ဆိုကာ သွားရောက်ရာကနေ တရုတ်မယားအဖြစ်ရောင်းစားခံရကာ လူကုန်ကူးခံရတဲ့အတွက် ကူညီကယ်တင်ပေးရန် လူကုန်ကူးမှုတားဆီးနှိမ်နင်းရေးရဲတပ်ဖွဲ့ထံကို အကူညီတောင်းခံထားသူ များစွာရှိတယ်လို့ သိရပါတယ်။
အဆက်အသွယ်တောင်းခံသူတွေထဲမှာ လူကုန်ကူးခံရသူကိုယ်တိုင် လူကုန်ကူးမှုတားစီးနှိမ်နင်းရေးရဲတပ်ဖွဲ့ထံကို ဆက်သွယ်အကူအညီတောင်းခံတာရှိသလို လူကုန်ကူးခံရတဲ့ သူရဲ့ မိသားစုဝင်တွေက တစ်ဆင့် အကူအညီတောင်းခံတာတွေရှိတယ်လို့ဆိုပါတယ်။
ထိုသို့ တရုတ်မယား အဖြစ် ရောင်းစားခံရသူအများစုဟာ အွန်လိုင်းကတဆင့် အလုပ်ကိုင်ရှာဖွေရာကနေ တစ်ဖက်နိုင်ငံကို လူကုန်ကူးခံရသူတွေအများဆုံးဖြစ်တယ်လို့သိရပါတယ်။
"အခုလိုဖြစ်စဉ်တွေမှာ အများဆုံးတွေ့ရတာက အွန်လိုင်းကနေ အလုပ်ရှာတာကနေ ရောင်းစားခံရတာ များတယ်။ဒီဘက်မှာ အလုပ်ကိုင်ရှားပါးတာ ဝင်ငွေနည်းတာကို ပွဲစားတွေ လူကုန်ကူးတဲ့ သူတွေ က အခွင့်ကောင်းယူပြီး လိုင်းပေါ်မှာ လစာတွေ ကို မက်လုံးပေးပြီး ကြော်ငြာတယ် ဒီအပေါ်မှာ ယုံမှား မိတဲ့ သူတစ်ချို့က အခုလို တစ်ဖက်နိုင်ငံကို တရုတ်မယား အဖြစ်ရောင်းစားခံရတာ တွေ ဖြစ်လာတာများတယ် "လို့ လူကုန်ကူးမူတားဆီးနိုင်ငံရေးရဲတပ်ဖွဲ့ဝင် တစ်ဦး ကအခုလိုပြောထားပါတယ်။
တရုတ်နိုင်ငံကို လူကုန်ကူးခံရတဲ့အတွက် အကူအညီတောင်းခဲ့လာမှုတွေကို လူကုန်ကူးမှုတားဆီးနှိမ်နင်းရေးရဲတပ်ဖွဲ့ကတရုတ်နိုင်ငံ ရွှေလီလူကုန်ကူးမှူတိုက်ဖျက်ရေးရုံးနဲ့ ချိတ်ဆက်ပြီး နေရပ်ကိုပြန်လည်ခေါ်ဆောင်ပေးတာတွေရှိတယ်လို့ဆိုပါတယ်။
တရုတ်နိုင်ငံအတွင်းကို လူကုန်ကူးခံရတဲ့အတွက် ယမန်နှစ်ကအကူအညီကောင်းတောင်းခံထားသူ အမျိုးသမီး ၃၀ ဦးရှိပြီး ၂၆ ဦးကို ပြန်လည်ခေါ်ယူပေးနိုင်ခဲ့ တယ်လို့ ဆိုပါတယ်။
ယခုနှစ်မှာတော့ အကူညီတောင်းခံထားသူ ၇ ဦးရှိပြီး နှစ်ဦးကိုတော့ ရှာဖွေကယ်ဆယ်နိုင်ခဲ့ ကာ ကျန်ရှိသေးတဲ့သူတွေကိုလည်း ဆက်လက်ခေါ်ဆောင်ပေးဖို့ ဆောင်ရွက်နေတယ်လို့ သိရပါတယ်။
ပြည်တွင်းမှာ လုပ်အားခနည်းပါးတာ ကြောင့် အလုပ်လုပ်နေပေမဲ့ စားဝတ်နေရေး ဖြေရှင်းဖို့ ခက်ခဲလာနေပြီး အလုပ်လုပ်ကိုင်နိုင်တဲ့ အရွယ်ရောက် အမျိုးသမီး အမျိုးသားတွေဟာ ပြည်ပ လုပ်ငန်းခွင်တွေ နဲ့ နယ်စပ်တွေမှာ သွားရောက်လုပ်ကိုင်မှုတွေများပြားနေတာဖြစ်ပြီး အချို့က ပစ်မှတ်ထား လိမ်လည်ခံရတာနဲ့ လူကုန်ကူးခံရတာတွေဖြစ်ပေါ်နေတာဖြစ်ပါတယ်။
