ထိုင်းနိုင်ငံအတွင်း ဝင်ရောက်လုပ်ကိုင်နေကြတဲ့ မြန်မာအလုပ်သမားတွေဟာ တရားဝင်လုပ်ကိုင်ခွင့်နှစ်နှစ်စာ သက်တမ်းတိုးပြုလုပ်ရာမှာ ပြင်ပပွဲစားများနဲ့လည်း လုပ်ကိုင်ခွင့်မပေးဘဲ သက်ဆိုင်ရာစက်ရုံအလုပ်ရုံတွေက အလုပ်သမားတွေဆီကနေ ကျသင့်တဲ့နှုန်းထားအတိုင်း ဖြတ်တောက်တာမျိုးမဟုတ်ဘဲ သက်တမ်းကြေးတွေကို ပုံမှန်ထက်သုံးဆထိတိုးမြှင့်ကာ ဘတ်တစ်သောင်းကနေ ဘတ်တစ်သောင်းခွဲအထိဖြတ်တောက်ခံရပြီး အလုပ်လုပ်ကိုင်နေကြရလို့ မခံနိုင်တော့တဲ့အတွက် မြန်မာအလုပ်သမားတွေဟာ စက်ရုံအချို့မှာတောင်းဆိုမှုတွေ ပြုလုပ်လာကြတာပဲဖြစ်ပါတယ်။
"ကျွန်တော်တို့လည်းနောက်ကနေလိုအပ်တဲ့ အကြံဉာဏ်ပေးတယ်။ ရှင်းပြတယ်။ ငြိမ်းငြိမ်းချမ်းချမ်းနဲ့တောင်းဆို အလုပ်ရုံကိုလေးစား အလုပ်မပျက်နဲ့အလုပ်ပုံမှန်ဆင်း။ အလုပ်သမားတွေကတော့ ဒီလိုလုပ်လို့နောက်ဆုတ်ကြမှာမဟုတ်ပါဘူး။ သူတို့အမှန်တရားအတွက်တော့ သူတို့တောင်းဆိုနေကြမှာပါပဲ လို့ ထိုင်းရောက်မြန်မာ အလုပ်သမားတွေကို ကူညီဆောင်ရွက်ပေးနေတဲ့ ကိုရဲမင်းက ဆိုပါတယ်။
အဲ့ဒီလိုအဆမတန်တိုးမြှင့်ဖြတ်တောက်မှုတွေမလုပ်ဘဲ ဈေးလျှော့ပေးဖို့ မျိုးတောင်းဆိုမှုတွေပြုလုပ်ရာကနေ အလုပ်သမားတွေဟာ ဘတ် ၁၅၀၀၀ ခန့်အထိပေးဆောင်နေရတဲ့ သက်တမ်းတိုးကြေးတွေကို အနိမ့်ဆုံးဘတ် ၆၀၀၀ ကနေအမြင့်ဆုံး ၈၀၀၀ ကျော်အထိလျှော့ပေးတာတွေပြုလုပ်ပေးတာတွေလည်း ရှိလာလို့ အလုပ်သမား တွေရဲ့တောင်းဆိုမှုတွေ အောင်မြင်တဲ့စက်ရုံတွေပိုများလာတယ်လို့လည်း သိရပါ တယ်။
"ကျွန်တော်နဲ့ဆက်စပ်တာ ကိုက ရုံ ၁၀၀ ကျော်လောက်ဆိုရင် အခြားတောင်းဆိုမှုတွေရော လေးငါးဆယ်ဆလောက်ထပ်တိုးမယ်ဆိုရင် ရုံတွေတော်တော်များများကို တောင်းဆိုနေကြတယ်လို့ သတ်မှတ်လို့ရတယ်။ အောင်လည်းအောင်မြင်မှု ရကြတာပဲလေ။ ဒါလည်းအမှန်အကန်ပဲ အစိုးရသတ်မှတ်ဈေးက နှစ်နှစ်စာဗီဇာ နှစ်နှစ်စာပါမစ်သက်တမ်း တိုးတာက ၃၇၀၀ ပဲရှိတာကို တစ်သောင်း တစ်သောင်းခွဲတွေထိကောက်နေတာကြီးက အလုပ်သမားတွေသာ စည်းလုံးရင် မှန်ကန်နေတာဖြစ်တဲ့အတွက် မအောင်မြင်စရာမရှိဘူး။ အားလုံးအောင်မြင်ကြတယ်။ တရုံကတော့ ထိုင်းအာဏာပိုင်ကိုအသုံးချပြီး အလုပ်သမားတွေကိုဖိနှိပ်တာဆိုတော့ မအောင်မြင်ခဲ့ဘူး။ အလုပ်သမားတွေလည်း အလုပ်ဖြုတ်ခံရတယ်" လို့ ယင်းကပြောပါတယ်။
အဲ့ဒီလိုမျိုး သက်တမ်းတိုးကြေးတွေကိုတရားဝင်ကုန်ကျစရိတ် ဘတ် ၃၇၀၀ ထက်မကဘဲ ဘတ်တစ်သောင်း ကျော် သုံးဆအထိပေးဆောင်နေရတဲ့ ဖိနှိပ်မှုတွေမြင့်တက်လာမှုအတွက် အလုပ်သမားတောင်းဆိုမှုတွေလည်း ပိုမိုမြှင့်တင်လာခဲ့ရာ သက်တမ်းတိုးကြေးတွေဈေးလျှော့ပေးဖို့တောင်းဆိုမှု စက်ရုံပေါင်း ရာချီအထိရှိလာခဲ့တယ်လို့ လည်းသိရပါတယ်။
#MyanmarLabourNews
