NEWS

တစ်နေ့ အလုပ်ချိန် ၁၂ နာရီကနေ ၁၆ နာရီထိ လုပ်ကိုင်နေရ သော်လည်း လူမှုဖူလုံရေးခံစားခွင့်တွေပိုမိုဆုံးရှုံးလာ

CoverLogo
332 Views

အလုပ်သမားဥပဒေအရ စက်ရုံအလုပ်ရုံတွေမှာ တစ်နေ့အလုပ်ချိန် ၈ နာရီ၊ အချိန်ပို တပတ်လျင် နာရီ ၂၀ သတ်မှတ်ထားပေမဲ့ စက်ရုံအများစုက အလုပ်သမားတွေဟာ သာမန် အလုပ်ချိန်မှာ အချိန်ပို ၂ နာရီ ခန့်ပါဝင်ပြီး တစ်နေ့အလုပ်ချိန် ၁၀ နာရီက အနည်းပါးဆုံးဖြစ်နေတာတွေ့ရပါတယ်။

 

လက်ရှိ အထည်ချုပ်လုပ်ငန်းတွေမှာ အော်ဒါ အကြောင်းပြချက်နဲ့ တစ်နေ့အလုပ်ချိန် ၁၂ နာရီကနေ ၁၆ နာရီထိ လုပ်ကိုင်နေရတယ်လို့ အလုပ်သမားတွေထံကသိရပါတယ်။

 

တခါတရံမှာ အောလင်း အောနိုက်ဆိုတဲ့ တစ်နေ့ နှင့်တစ်ည ဆက်တိုက် ဆင်းရပြီး မနက်ပိုင်း အိမ်ပြန် ရေမိုးချိုးကာ တစ်နေကုန် အလုပ်ပြန်ဆင်းရတဲ့ အခြေအနေတွေလည်း ကြုံတွေ့နေရတာပါ။

 

"အောနိုက်ဆိုတာကည ၁ နာရီ ဖြစ်ချင်ဖြစ်မယ် ၂ နာရီ ဖြစ်ချင်ဖြစ်မယ်၊ အောလင်းဆိုတာက တညလုံးမိုးလင်းအထိ ဆင်းရတာပေါ့ အချိန်ကန့်သတ်ထားတာတော့မရှိဘူး"လို့ အလုပ်သမား တစ်ဦးကပြောပါတယ်။

 

အခုလိုအလုပ်ချိန်များပြီး အနားယူချိန်မရလို့ ကျန်းမာရေးထိခိုက်ပါကကျန်းမာရေးခွင့်နဲ့ လူမှူဖူလုံရေးခံစားခွင့် တွေ မရရှိဘဲ ခံစားခွင့်တွေ ပိုမိုဆုံးရှုံးလာတယ်လို့ အလုပ်သမားများထံက သိရပါတယ်။

 

"ခုနောက်ပိုင်းအလုပ်သမားတွေက အချိန်ပိုမတရားဆင်းလာရတယ်။ အလုပ်ပင်ပန်းအိပ်ချိန်မမှန်လို့ နေမကောင်းလို့ခွင့်ယူရင်လည်း မရဘူး။ခွင့်မပေးဘူး ကြိုတင်ရမယ်တို့ ကြိုမတင်ရင်မရဘူးဆိုတာတွေ။ ဆေးစာပါမှရမယ်ဆိုတာတွေ ဒါတောင်အဖြတ်ခံရတယ်။ အချိန်ပိုဆင်းပေးရတာတွေဟာ အောလင်းအောနိုက်( နာရီ ၂၀ ကျော် )ဆို ​ကြာရင်ထိမှာ။ အချိန်ပိုအလုပ်မဆင်းရင်ကို အလုပ်ထုတ်နေတာတွေ ခွင့်မပေးတာတွေက အတော်လေးကိုများလာပါတယ်" လို့ အလုပ်သမားရေးကူညီသူက ဆိုပါတယ်။ 

 

စစ်ကောင်စီရဲ့ အလုပ်သမားဝန်ကြီးဌာနက ပြီးခဲ့တဲ့ နှစ် ဇွန်လထဲမှာ ထုတ်ပြန်ထားတဲ့ “စက်ရုံ၊ အလုပ်ရုံ များ အချိန်ပိုလုပ်ကိုင်ခြင်းနှင့် ပတ်သက်၍ လိုက်နာဆောင်ရွက်ရမည့် လုပ်ငန်းစဉ်ဆိုင်ရာ လမ်းညွှန်ချက်” ထဲမှာ တော့ မည့်သည့် အလုပ်သမားမဆို ရက်သတ္တပတ်ကို အချိန်ပိုမပါ ၄၄ နာရီထက်ပိုပြီး အလုပ် မလုပ်ရလို့ သတ်မှတ် ထားပြီး အချိန်ပိုအနေနဲ့ တနင်္လာနေ့ကနေ သောကြာနေ့အထိ တရက် ၃ နာရီနဲ့ ၁၅ နာရီ၊ စနေ့ တစ်ရက်အတွက် အချိန်ပို ၅ နာရီ၊ ရက်သတ္တပတ်အတွက် နာရီပေါင်း ၂၀ သာ ခေါ်ယူလုပ်ကိုင်ဖို့ သတ်မှတ် ထားပါတယ်။ 

 

စက်ရုံတွေအများစုဟာ လက်ရှိမှာ အချိန်ပိုခေါ်ယူတာတွေကိုအပြင်းအထန်လုပ်လာပြီး ကျန်းမာရေးပျက်လို့ခွင့်ယူပါက လူမှုဖူလုံရေးရုံးရဲ့ထောက်ခံချက်မှကျန်းမာရေးခွင့်ပေးတာတွေ၊ အကြီးစားခွဲစိတ်မှုဆေးရုံတက်ရတာတွေမှသာခွင့်ပေးတာတွေ သာမန်နေမကောင်းဖြစ်ရုံကို ခွင့်မပေးဘဲ လူမှုဖူလုံရေးရုံးထောက်ခံချက်တွေ စတဲ့ကန့်သတ်ထားတာတွေကြောင့် အလုပ်သမားတွဟာ 

ခွင့်ယူဖို့အခက်အခဲရှိနေရာကနေ ကျန်းမာရေးခွင့်တွေဆုံးရှုံးလာတာလို့ သိရပါတယ်။ 

 

" အလုပ်သမားတွေက အောနိုက်အောလင်း

တောက်လျှောက်အလုပ်တွေဆင်းနေရလို့ ကျန်းမာရေးပျက်ရင်လည်း ခွင့်မပေးဘူးအကုန်ဖြတ်တာပဲ။ အချိန်ပိုမဆင်းတဲ့အလုပ်သမားဆိုရင် အလုပ်ဖြုတ်ခံရတယ်။ ဒဲ့ကြီးဖြုတ်တာတော့မဟုတ်ဘူး။ အချိန်ပိုမ ဆင်းဘူးဆိုတာနဲ့ အဲ့ဒီအလုပ်သမားကိုပြဿနာရှာပြီးရအောင်ဖြုတ်တယ်။ စက်ရုံမှာWCC မရှိဘူး။ ခုလိုဖြစ်တာတွေကို မန်နေဂျာတို့ စူပါတို့ဆီတိုင်တယ် ဘာမှမထူးဘူး။ အလုပ်သမားရုံးတွေမှာတိုင်ရင်လည်း တိုင်တဲ့ရက်ပဲ နောက်ရက်ကျပြန်ခေါ်တာပဲ" လို့ ရွှေပြည်သာ Ford Glory အထည်ချုပ်စက်ရုံက အလုပ်သမားတစ်ဦးက ဆိုပါတယ်။ 

 

အဲဒီလို အချိန်ပိုမတရားဆင်းပေးရာကနေ

ကျန်းမာရေးခွင့်ဆုံးရှုံးနေရတဲ့ အခြေအနေကို စက်ရုံတော်တော်များများကလုပ်သားတွေဟာ အခွင့်အရေးချိုးဖောက်ခံနေတာဖြစ်ပေမဲ့ အလုပ်ဖြုတ်ခံရမှာ စိုးရိမ်တာကြောင့် ငြိမ်ခံ နေကြရတယ်လို့ အလုပ်သမားတွေကပြောပါတယ်။

 

ယခုလိုစက်ရုံအလုပ်ရုံလုပ်ငန်းတွေမှာ အချိန်ပိုခေါ်ယူတာတွေဟာ ငြင်းဆန်ခွင့်မရှိဘဲ လုပ်ကိုင်နေရတာဖြစ်ပြီး အလုပ်ချိန်များပြားပြီး အလွန်အကျွံလုပ်ကိုင်နေရပေမဲ့ ကုန် ဈေးနှုန်းကြီးမြင့်ပြီး လုပ်ခလစာ နည်းပါးတာကြောင့် မငတ်ရုံတမယ် လုပ်ကိုင် နေရတယ်လို့ အလုပ်သမားတွေကပြောပါတယ်။

 

ဒါ့အပြင်စက်ရုံကအလုပ်သမားအမျိုးသမီးတွေကိုယ်ဝန်ဆောင်ချိန်နဲ့ မီးဖွားချိန်အကျိုးခံစားခွင့်ဆိုရင်လည်း လစဥ်ကြေးပေးသွင်းရပြီး ခံစားခွင့်မရတာတွေရှိသလို ကလေးမွေးပြီးတစ်နှစ်လောက်ရောက်တဲ့အထိမှ ထုတ်ပေးတာတွေလည်းရှိတယ်လို့ အလုပ်သမားတစ်ဦးက ဆိုပါတယ်။ 

 

#MyanmarLabourNews 


Related posts

Cover
အလုပ်သမားအခွင့်အရေးချိုးဖောက်မှုများအတွက် စစ်ကောင်စီ တာဝန်ခံရမည်ဟု CTUM ထုတ်ပြန်
Oct 03, 2023
Cover
ဟွမ်မြောင်အထည်ချုပ်စက်ရုံအလုပ်သမားတွေ လုပ်ခလစာရရှိဖို့ စက်ရုံတွင်းညအိပ်စောင့်ဆိုင်းခဲ့ပေမဲ့ အလုပ်ရှင်ကလစ်လျူရှုကာ စက်ပစ္စည်းများသာသယ်ယူနေ
Oct 03, 2023
Cover
လုပ်ခလစာနဲ့စက်ရုံပိတ်နစ်နာကြေးရဖို့ စက်ရုံအတွင်းညအိပ်စောင့်ဆိုင်းနေစဥ် အလုပ်သမား ၂ ဦးဖမ်းဆီးခံထားရ
Oct 02, 2023
Cover
HONG MIAO အထည်ချုပ်စက်ရုံမှာ လုပ်ခလစာနဲ့ နစ်နာကြေးပေးချေဖို့ကိစ္စ အလုပ်သမားတွေ လာရောက်စောင့်ဆိုင်း ၊ စက်ရုံဘက်က ရဲတပ်ဖွဲ့ခေါ်ထား
Oct 02, 2023
Cover
အွန်လိုင်းပေါ်မှ  အလုပ်အကိုင်ရှာဖွေပေးမည်ဟု မက်လုံးပေးကာ ငွေတောင်းခံမှုတွေ သတိပြုဖို့လို
Oct 01, 2023
Cover
အစိုးရဝန်ထမ်းများကို အပိုထောက်ပံ့ကြေး ခေါင်းစဉ်ဖြင့် ကျပ် ၃၀၀၀၀ တိုးပေး ပုဂ္ဂလိကကဏ္ဍအတွက် သတင်းထုတ်ပြန်ခြင်း မရှိသေး
Sep 30, 2023
Cover
လှိုင်သာယာက SYNERGY အထည်ချုပ်စက်ရုံ ပိတ်ရက်မပေးဘဲ  အလုပ်ဆင်းခိုင်းနေတယ်လို့အလုပ်သမားတွေပြော
Sep 30, 2023
Cover
Galaxy ( Myanmar ) စက်ရုံ အလုပ်သမားအခွင့်အရေးချိုးဖောက်နေ
Sep 29, 2023