ထိုင်းနိုင်ငံ ချွန်ဘူလီခရိုင်၊စီလာချာမြို့ ရှိ သံစက်ရုံ တစ်ခုတွင် အလုပ်လုပ်နေတဲ့ မြန်မာလုပ်သား အမျိုးသမီး တစ်ဦးဟာ အလုပ်သို့ ညခိုင်းဆင်းရန် ဆိုင်ကယ် ဖြင့် သွားရောက်စဉ် ဆယ်ဘီးကားဖြင့် တိုက်မိကာ သေဆုံးမှုဖြစ်ပွားခဲ့တယ်လို့ ၎င်းအမှုကို ကူညီပေးနေတဲ့ WAGအလုပ်သမားမဟာမိတ်အဖွဲ့ ထံမှ သိရပါတယ်။

 

ဒီဇင်ဘာ ၂၅ရက် (ခရစ်စ္စမတ် )ည ၇နာရီ ၂၀ အချိန်တွင် စက်ရုံ မှာ ညဆိုင်း အလုပ်လုပ်ဖို့အတွက် ဆိုင်ကယ် ဖြင့်နေထိုင်ရာအခန်းမှ ထွက်သွားရာ လမ်း တွင် ဆယ်ဘီးကားဖြင့် တိုက်မိပြီး အခင်းဖြစ်ပွားရာနေရာမှာပင် သေဆုံးခဲ့တယ်လို့ သိရပါတယ်။

 

အခင်းဖြစ်ပြီးနောက် ၇နာရီ ၄၅မိနစ် အချိန်တွင်နယ်မြေခံရဲများကလာရောက်စစ်ဆေးကာအလောင်းကိုချွန်ဘူလီမြို့၊လပ်ချဘန်းဆေးရုံသို့ပို့ဆောင်၍စစ်ဆေးမှုပြုလုပ်ပြီး ဆေးရုံတွင်ထားထားတယ်လို့ သိရပါတယ်။

 

သေဆုံးသူရဲ့ မိသားစုဝင်တွေဟာ သေမှုသေခင်းနဲ့ ပတ်သက်ပြီးမည်သို့လုပ်ဆောင်ရမယ် ကိုနားမလည်ခြင်း သေဆုံးသူအတွက်တရားမျှတမှုနှင့်ရသင့်ရထိုက်တဲ့ နစ်နာကြေးများပြန်လည်ရရှိ ဖို့ အတွက်ဒီဇင်ဘာ ၂၆ရက်မှာ WAGအလုပ်သမားမဟာမိတ်အဖွဲ့ထံအကူအညီတောင်းခံလာတဲ့အတွက် WAGအဖွဲ့ အနေနဲ့ လက်ခံ ခဲ့ကာ အခင်းဖြစ်ပွားရာကို အဖွဲ့ဝင်​တွေသွားရောက်နေတယ်လို့ သိရပါတယ်။

 

သေဆုံးသူ မြန်မာလုပ်သား အမျိုးသမီး ဟာ အသက် ၃၄နှစ် ရှိပြီး မြန်မာနိုင်ငံ၊မန္တလေးတိုင်းဒေသကြီး၊မိတ္ထီလာမြို့၊သာစည်မြို့နယ်၊အလယ်ကန်ကျေးရွာ ကနေ ထိုင်းနိုင်ငံ တွင် လာရောက် အလုပ်လုပ်ကိုင်သူ ဖြစ်တယ်လို့ သိရပါတယ်။